مساعدة ملاحظة

اذا كنت تستطيع توفير سكنات للطلاب فهذا شى جميل

لانه فعلا بدبلن ازمه سكن بالقوة الواحد ييحصل وما ياجرو طلاب ولي تجربه قبل كذا بذا الشى تعبت ادور سكن ما احد يرضى ياجر لطلاب


اذا توصيل من المطار فهذا شى بسيط وقد لا يحتاجه الاكثر لانه بيكون عنده عنوان سكني سواء فندق او عايله حاجزها قبل يجي ياخذ تكسي ويوصله لها


والله يديك على قد نيتك

اخوي انت فين ساكن ؟
اقصد بيت سقة في الشارع ؟
وللاسف ماني سمسار.
تحياتي

( تمت المشاركة باستخدام تطبيق مبتعث )

اخي الكريم لايوجد شئ مفتعل
كل الحكايه اخواننا المبتعثين اذا حصلت لهم مشكله يجي يفضفض هنا لمحاوله ايجاد حلول له من الايمجريشن للسكن وهكذا
من خلال تجربتي شهر اوغوست وسبتمبر الماضي كان السكن فيه صعب جداً واتمنى ان الموضوع كان فقط في ذلك الشهرين واعتقد لكثره اعداد الباحثين عن السكن من الطلاب وكذلك المهاجرين اللي استقدموا ابنائهم لأيرلندا
بشكل عام المنتدى للجميع وأي شخص عنده نقاط ايجابيه او سلبيه يذكرها ووللمرشح للابتعاث اتخاذ القرار في اختيار البلد الذي يناسبه

تقبل تحياتي

للاسف كل الي شاركو بالموضوع شباب من الموجودين اصﻻ في دبلن

شباب شاكر لكم اهتمامكم ولكن الموضوع يخص الشباب الي محتاجين مساعده او جدد

تحياتي

( تمت المشاركة باستخدام تطبيق مبتعث )

انا من اللي بيجون لـ دبلن
بس كلام اللي شاركوا بعدك كلامهم واقعي جدا

انت تقول ما فيه ازمة سكن في دبلن
وهم يقولون وفر لهم سكن لانها هي ام المشاكل
وتعرض مساعدتك .. وتقول ماني سمسار

اذا تقدر تساعد الطلاب الجدد في السكن فجزاك الله خير
لانها هي المشكله .. لان المشكله موجوده واستغرب منك تقول مافيه مشكله بالسكن من كلام ولد عمي المتواجد هناك

اما بالنسبه للتوصيل من المطار الله يجزاك خير ويحرم وجهك عن النار
لكن هذي سهله واي واحد ماراح اعتبرها مشكله

اخوي الكريم
الشباب انا احترم ارائهم
ولكن تعتبر ازمة السكن لما يكون فيه عشر الي عشرين عائلة ساكنين في فنادق مدة ما تقل عن اربع شهور
طيب خلنا نتكلم عن اﻻرقام
دبلن 15 فيها شقق بالهبل ولكن لانه بعيدة عن الدي سي يو الناس ما تبي تروح وللمعلومية بس بالباص من دبلن 15 الي الدي سي يو 20 دقيقة
ل طلاب السنتر
الجنوب فيه سكن بالهبل وتقدر توصل للسنتر عن طريق القطار وياخذ منك 20 دقيقة الي 25 دقيقة
الي انا اقصده من كﻻمي
رتب نفسك من توصل على اسبوعين الي ثﻻث اسابيع تبحث فيها عن سكن الي انت تبغاة
الشباب يظنون انه اول ما توصل فيه احد يبي ياجر
في السعودية وفي الرياض تحديدا
اذا كنت تبي سكن
البحث ياخذ منك ما يقل عن شهر وانا اعتقد ان هذا الشئ معروف
في النهاية على شان ما نكثر كﻻم من غير فايدة
الي يبي يجي ياليت يسمح لنفسه بفترة يصير يبحث فيه عن سكن يناسبة
وانا من سكان الشمال وباحاول ابحث للي يبي يجي
شف اخوي بخصوص استقبال المطار والى اخرة
انا قلت للي يحتاج
واتمنى من الي يبي يتكلم
يمر على daft.ie
شكرا

( تمت المشاركة باستخدام تطبيق مبتعث )

اخوي الواحد يبي سكن في اما في الستي او على الاقل مكان امن


انا كنت ادور في الدافت من سنيتن على شقق في منطقه ساندي فورد و كنت احصل اكثر من 60 شقه متوفره في الساندي فورد و يترجونك عشان تسكن
الحين افتح الدافت في الساندي فورد ويالله احصل 8 شقق و كمان 7 منها ما يبون طلاب


خارج دبلن مثل كورك و قالوي ربما لم يصل الوضع مثل ماوصل له دبلن
يعني لا تقول انه مافيه ازمه سكن

عشان الي يجي دبلن يعرف انه راح يواجه صعوبه كبيره في الحصول على سكن ويجيب معه المبلغ المطلوب وزياده

وما تقصر على مساعده الطلاب

أخي العزيز البلد جميل وآمن مثل ماقلت ولو رجع الزمان بي سنتين لما أخترت غير إيرلندا يكفي الشعب المحترم والأمن الفعلي مو أمن خربوطه ووجودها في أوربا ايضا ميزة ممتازه والقبولات متوفره ولكن التخصصات قليله بس السكن بصراحة غير قبل ؟ انا اول مره أجي ايرلندا وزوجتي قبل سنتين كان السكن في وسط دبلن الراقي واعني به دبلن 2 ودبلن 4 متوفر كثيرا وخلال خمس ايام فقط لقينا شقق رائعه واخترنا منها وبوسط دبلن 2 اما الآن حتى دبلن 1 على علاتها صارت صعبه ليس لقلة المعروض في شقق معروضة ولكن تطير بسرعه غير معقوله وهناك ايضا سمعة الطلاب الغير حسنه عند المكاتب طبعا لا اقصد نحن الطلاب السعوديين او الخليجيين لا من شوه سمعة الطلاب عند مالكي العقارات هم طلاب دول اوربا والطلاب اايرلنديين اللذين يأتون من الأرياف فهم لايلتزمون بالعقود بتاتا ولابموعد تسليم فلوس الأيجار لذلك اصبح اصحاب المكاتب العقاريه والملاك اول سؤال يسألونك عنه انت طالب ؟؟؟؟ ان قلت إيه قال مافي شقه للإيجار !!! قبل سنتين مافي هالكلام شقق بالكووووووووم ولاعليه منك طالب والا موظف مدام امورك الماليه سليمه . المره هذي بعد تغيري الشقة جلست بالفندق تقريبا 14 يوم عشان اشوف سكن مناسب طبعا انا اتحدث عن الشقق وسط دبلن القريبه من الستي وحواليها حيث اني احب السكن قريب من وسط العاصمة وقريب من موقع الدراسه والاسواق وغيرها ...بالنسبة لدبلن 8 و9 و14 و16 و18 اعتقد السكن متوفر بس راح تظطر تستخدم الباص واللويس والدارت وهي وسائل متوفره بكثره بس شخصيا افضل الذهاب والعوده مشيا والقرب من وسط البلد ....

عندكم تخصص اضطرابات التواصل communication disorder في ايرلندا ؟ في أي جامعة ؟