جامعات ايرلند الجنوبيه

ياعزيزتي. القبول بالجامعة مو الي انتي تختاريه خلاص حجزتي المقعد. لان كل جامعة لها مقاعد محددة للطلاب الاجانب. يعني انتي ماتقدري تحددي شي. لين تطلع نتيجة الايلتس بعدين ادا اخدتي كورس بري ماستر وطلعت النتيجة تقدمي على الجامعات. وتشوفي وقتها فين جاك القبول وتقرري ايش تختاري.

انتي سمي بالله وتعالي. وكل شي بيصير خطوة بخطوة. طالما مامعاك نتيجة لغة 6.5 فتقريبا مستحيل تقدري تحددي او تقرري اي شي.

وخلي ببالك ان اغلب الجامعات راح تطلب كشف الدرجات وسنوات الخبرة ادا موجودة وتوصيات من جامعتك السابقة.
وتاكدي كل ماكانت الجامعة افضل كانت المنافسة عليها اكبر والدراسة فيها اصعب. وهنا مافيه شي اسموو تخصص حاسب ماستر. كل جامعة لها كم كورس مرتبط بالحاسب. فانتي شوفي الجامعات الموصى بها بايرلندا. ادخلي على كل جامعة. إقرأي عن التخصص ايش المواد الي بتدرسيها. وايش متطلبات القبول.

انا اقدر افيدك نوعا ما بجامعة قالواي لان عندي صحبات يدرسو ماجستير هندسة البرمجيات وتكنلوجيا قواعد البيانات.

( تمت المشاركة باستخدام تطبيق مبتعث )

يعني ياختي تنصحيني اطلع فقط على قبول معهد
طيب انا مبتعثه من الجامعه شلون يوافقون علي اخرج بدون ماجيب قبول للجامعه
ومافهمت ايش تقصدي انه مافي تخصص ماستر حاسب
طيب انا لغتي شوي ضعيفه ايش افضل معهد ادرس فيه
والفرق بين المعهد التجاري والاكاديمي

مادري كيف نظام مبتعثي الجامعات. بس ممكن تطلبي قبول مشروط وهدا القبول مثلا لسبتمبر2014 ان ماجبتي درجة اللغة الى الوقت المطلوب راح يتلغى القبول. فممكن تراسلي الجامعة تطلبي قبول مشروط لسبتمبر 2015 وتقدمية للجامعة.


يعني ماستر حاسب بالمسمى هذا مافيه. كل جامعة فيها تخصصبن او 3 ماستر. شبكات برمجة هندسة نظم معلومات. وممكن جامعتين تقدم نفس التخصص بس المواد فيها اختلاف او ممكن عدد اترام الدراسة تختلف بعضها 3 وبعضها 4 لماستر تخصصات الحاسب. وانا اعرف كثير جو لغتهم صفر ودحين يدرسو ماشاء الله بكل التخصصات.
المعاهد وايش الفرق بينها ماعرف والله.

( تمت المشاركة باستخدام تطبيق مبتعث )

السلام عليكم انا أريد اكمال دراستي بماليزيا هل لديك أي معلومة؟؟؟

^^^

نصيحة لا تحدين نفسك لبلد جامعاتها محدودة!
الظاهر ما عندهم غير ترنتي كولج مصنفة تصنيف عالي!!
اعتقد بريطانيا لديها الكثير من الجامعات المصنفة عاليا بالعالم!!!
وبما انك مبتعثة من جامعتك فبريطانيا مفتوحة لك رغم اغلاقها على مبتعثين البرنامج!!!!
واذا لابد من ايرلندا ممكن اختيارها مؤقتا ولفترة اللغة فقط واعتبارها جسر عبور الى بريطانيا!!!!!

اعرف مبتعثين من الجااامعه جو فقط بقبول معهد بعدين جو وبدو يبحثو عن قبولات على راحتهم

ممكن تجين على قبول معهد اول شى وبعداه تدوري بنفسك الي تبغينه والي تقدري تدخلي فيه


بالتوفيق

اختي انا احسك ضايعه وشكلك اول مره بتسافري للخارج وخايفه

لا تخافي الامور جدااا سهله ترراااا ولا تحتاج تعقدي نفسك ابداااا


الامور كلها تتحتاجي قبول معهد وتبدي في الفيزا وتجين وانتي طيبه وخلاص لا اكثر ولا اقل


اذا جيتي بقبول المعهد بتتعرفي على اناس كثير يدرسو ماستر زيك وبتعرفي كل شى خلال شهر واحد وانتي هناا


لو محتاجه قبول المعهد سهله جدااا بيوم واحد يطلع لك القبول او يومين بالكثير لو ما عرفتي تراسلي معاهد او شى كذا نساعدك فيه ان شاء الله


انتي متى ناويه تجين ان شاء الله .

من فضلكم ارجو المساعدة لمن يستطيع توجيهي للدراسة بجامعة ماليزيا........أرجو الرد.شكرا

^^^

هذا ملتقى ايرلندا!

أسألي طلاب ماليزيا ليفيدوك عن ذلك!!

طلاب ماليزيا و سنغافوره و اندونيسيا Malaysia, Singapore and Indonesia Students

Good luck sis