ممكن مداخلتكم لاهنتو احتاج منكم مساعده ربي يفتح عليكم

شكرا اخوي

لو تفضلتو وسمحتو تذكرو لي الاشهر الي تنخفض فيها اسعار الشقق تكون اسعارها مقبوله ١٢٠٠-١٤٠٠
ايضا هل موقع daft موثوق والا ممكن يكون فيه خداع للزبون ؟
ولو مضمونين كيف نتواصل معاهم ونعرف عنوانهم ؟😞
ومثلا لو عجبتنا شقه هل من اول مره يستلم المبلغ والا يحتاج يوم نشوفها ويوم عشان نوقع معاه ويسلمنا الشقه وهل فيه مكتب مخصص مثلا بالعماره عشان يتم التأجير والا بنفس الشقه ؟!

سامحوني اسألتي كثيره ولكن يعلم الله ان هالخطوه مخوفتني الله يرزقنا بعيال حلال الي يساعدونا 😞


( تمت المشاركة باستخدام تطبيق مبتعث )

اختي ام فهد الشقق على طول مطلوبة في دبلن ولكن قطعا افضل الشهور للحصول على شقة هو وقت مغادرة الطلاب في العطلة الصيفيه وخصوصا شهري يونيو ويوليو اعتقد هذين الشهرين هم اافضل لتوفر الشقق من باقي الشهور .
موقع دافت حتما موثوق وهو موقع على النت يعني ماراح تقابلين احد من قبلهم انتي تشوفين الشقة اللي تبغينها وتتواصلين مع اصحاب الشقة عبر الايميل او تلفونيا وهم يحددون موعد لك طبعا وانتي وتوفيق رب العالمين في إختيارهم لمن يستأجر منهم .
بالنسبة لسؤالك الثالث بخصوص لو حصلتوا شقة كيف الطريقة طبعا انتوا بعد ماتواعدون صاحب اوصاحبة الشقة راح تروحون ومحتمل كالعاده يكون اصحاب الشقة عاملين يوم مفتوح لمن يريد ان يستأجر يعني محددين مواعيد لكذا شخص من الساعة كذا ...الى الساعة كذا ... ممكن اثنين ثلاثه عشرة غيركم ...بعدها راعي الشقة وعلى حسب تقديراته او رضاه عن شخص معين يعطيه الشقة بعضهم يتم التسليم يوم ثاني البعض الآخر بعد اسبوع والبعض بعد اسبوعين على حسب المؤجر مو حاط في موقع الدافت متى تكون الشقة فاضية او جاهزة للسكن وطبعا انتوا دائما خلوا معكم اجار شهرين مع ديبزت ولو عجبتكم الشقة على طول بادروا صاحب الشقة قولوا له حنا جاهزين بالعربون وحتى الايجار والتأمين حالا حتى يتم الايجار فورا لاتروح الشقة حق ناس ثانيين غيركم . طبعا حاولوا تشوفون كل يوم اكثر من شقه ولو حصلتوا شقة من اول مره ممتازه موقعا وتجهيزا على طووووول دفعوا العربون والتامين لا تطير منكم
بالنسبة للعقد غالبا العقود تكون جاهزة عند اصحاب الشقق ومافيها تعقيد بس حاولوا تقرءونها وتعرفون ايش لكم وايش عليكم وايضا صوروا الشقه يوم الايجار غرفة غرفة احتياطا حتى أي خراب فيها يكون معروف من قبلكم عند يوم الايجار
بصراحة اصحاب الشقق هنا في كلهم ذوق على الاقل اللي تعاملت معهم قمة بالذوق حتى لو لمبة تخترب جاك طاير ركب بدالها
اختي ام فهد ..الله يوفقكم

يعطيك العافيه اخوي ع الرد


( تمت المشاركة باستخدام تطبيق مبتعث )