سكان جالوي ،، ابي سكن احد يخبرلي منا والا منا

الله يسعدك ويجزاك خير

والله ياليت مانستغني عن خدماتك << تراي ماستحي ههههه

بس ابي بعض الكلمات اللي تدل على ان الشقه مؤثثه ، والكلمات الاساسيه اللي يجب ان تكون متوفره بالشقه مثل التدفأه والامور هذي الاساسيه
والشي الثاني الكلمات اللي تدل على ان الكهرب عليهم ،، يعني لاتكلف على نفسك كلمات بسيطه تقدر تقول رؤوس اقلام.

وعسى الله يوفقكم ويجعلكم ذخر لنا ولاخواننا الدارسين ،، وإن شاء الله بعد مانجي ونعرف الامور زين نحذو حذوكم وكلنا بخدمة بعض

موفق إن شاء الله يالغالي


( تمت المشاركة باستخدام تطبيق مبتعث )

Furnished = مؤثثه
Central heating = تدفئة مركزية
Washing machine = غسالة ملابس
Dryer = نشافة ملابس
Dishwasher = غسالة مواعين
BER هذا يعني تصنيف الطاقة عندهم من A-G
كل ماكان عالي التصنيف كل ماصارت تكلفة الكهرباء عليك اقل يعني لو تحصل شي تصنيفه A , B حلو وممكن في الكهرباء احد يفيدك غيري لان مابعد جربت
Private parking = موقف خاص
Lease = عقد الايجار
غالبا اللي يصيرون حاطين السعر بالاسبوع يعني ماعندهم اقل مده للايجار ممكن تسكنها اسبوع بس ويصير مكتوب no minimum
بس اللي يحطون شهري بعضهم يبغون اقل شي 6 شهور او سنة ويصير مكتوب minimum ..... والمدة اللي يبونها

امين يارب الله يوفق الجميع ..
"علی فكرة انا بنت 😅"

( تمت المشاركة باستخدام تطبيق مبتعث )

الله يسسعدك ويجزاك خيرر
عزالله كل اللي ابيه جاوبتيني عليه وعطيتيني زياده بعد عن اللي ابيه الله يوفقك

معليش ماكنت ادري انك بنت 😅
فيك الخير والبركه ،، الله يزوجك الرجل الصالح إن شاء الله هذا اذا مانتي متزوجه 😅

عموماً ماقصرتي والله يكثر من امثالك ويجزاك ربي الجنه

احترامي وتقديري لك عزيزتي

جاري التفحيط بالمواقع للبحث عن سكن 😂✌️


( تمت المشاركة باستخدام تطبيق مبتعث )

أهلا أخونا الله يسهل أمرك ... اذا صعبت عليك الترجمه انسخها لقوقل كلنا كذا بالبداية ...

السكن اذا مالقيت من هالحين مايخالف تجي تسكن بفندق من بوكبنق كم يوم وبتلقى

صعب التواصل معاهم عشان اللغة؟!! تعال المعهد بتلقى سعوديين يروحون معاك مايقصرون أنا اخذتهم مناك ألين سكنت وهم مع أخوي يدورون

فكرتهم عشان يأجرونك لازم يشوفونكم ويعرفون وش مداخيلكم عشان يوافق أو يرفض

خلي عندك ورقة تثبت إنك مبتعث والدولة تصرف عليك ، يبون يتطمنون من وين بتعطيهم اجارهم ونت ماتشتغل

من قبل تجي دور كم بيت من دافت وغيره يصير اذا تجي بس تشوفها ويشوفونك
عن بعد محد بيأجرك

وإذا عندك حساب بتويتر عشان ابدور لك سكن واوريك اياهن اذا عجبتك او لا

ماأعرف إذا سياسة المنتدى تسمح بتداول حساب تويتر بالعام

وبروح افطر وارجع اشوف اذا في شئ ماقلته لك

الله يسعدك ويوفقك ويحققلك طموحك إن شاء الله

اي والله عندي حساب بتويتر

حسابي / naif_vip6

ماتقصري يالغالي ، افطار الهناء والعافيه إن شاء الله


( تمت المشاركة باستخدام تطبيق مبتعث )

ــــــــــــــــــــــــــــــــ

أرسل لي إيميلك أو رقم جوالك على الخاص وأبشر بعزك

مخدوم من الألف للياء يا عزيزي ..

الله ييسر أمرك ويوفقك

الله يسعدك ويوفقك ،، المشكله ماهو راضي يرسل بالخاص ، حاولت ارسل رقمي ماقدرت!!!

اذا قدرت ارسل رقمك وانا بدق عليك

لاهنت يالغالي


( تمت المشاركة باستخدام تطبيق مبتعث )

اللهم امين ،، ويجزاك بالخير ويوفقك إن شاء الله


( تمت المشاركة باستخدام تطبيق مبتعث )