ما هي افضل وسيلة مواصلات من مطار دبلن الى ليمرك

والله شوف دام معك ست اطفال

خذلك سياره خاصه كبيره من المطار

اتفق مع السائق يوديكم ليمبرك

لانك لو بتشتري تذاكر حق القطار بيطلع السعر قريب شوي من سعر التاكسي الي بويديك


بالتوفيق لك يارب ان شاء الله وتجون بالسلامه

هل فيه مكاتب في المطار ؟ وكم عادة تكلف؟

( تمت المشاركة باستخدام تطبيق مبتعث )

اضن بتكلفك حول 300 يورو وومكن اقل شوي لا اعلم بس حولها كذا

لا يوجد مكاتب فقط لمن تخرج من المطار وتحصل الطابور حق التكاسي وشوف تاكسي كبير شوي وكلمه واتفق معاه على السعر وعادي كاسره بالسعر شوي


لو قلت لك روح محطه القطار يبغالك تركب تاكسي من المطار يوصلك لمحطه القطار وانتو معاكم غفش كثير وبهذله بياخذ عليكم 30 يورو

وتوصولو المحطه وبتدفو تذاكر فوقها حق القطار اكثر من الطلاب لانه ما عندكم بطايق طلاب لسع

وفرق جدا كبير بين سعر الطالب بالقطار والسعر العادي

غير كذا بتوصولو محطه ليمبر حق القطار وبترجعو تاخذو تكسي ثاني مره وما غير تدفع وتشيل عفش وهكذا

افضل لك تاكسي من المطار زي ما قلت لك وريح راسك من البهذله ذي كلها


بالتوفيق لك يارب

الله يبيض وجهك .... لا عدمناك

( تمت المشاركة باستخدام تطبيق مبتعث )

السلام عليكم

من زماااااااان ما دخلت المنتدى, ولكن يوم شفت موضوعك قلت أدخل وأفيدك, تستاهلف الفزعة ..

أرسل لي رقم جوالك على الخاص أو إيميلك وأبشر بالخير.

هذا أولاً ..

ثانياً ..

الأنسب لك:

إذا عندك شوية لغة اسأل في المطار عن رقم شركات التكاسي واطلب (ميني باص) ماحد يرضى يركبكم غيره ..
أو توجه لخارج الصالة تجد التكاسي وتجد معها ميني باصات أيضاً (وهي تاكسي مثل الحافلة عندنا أو الفان تقريباً)

أطلب منه يوصلك محطة القطار (هيوستن ستيشن) احفظ الكلمات هذي (قو .. تو .. هيوستن ستيشن) ولا تنسى (بليز .. سكيوزمي ومشتقاتها) تلطفاً ..

المهم ..

في الهيوستن ستيشن ستجد رحلات القطار على النحو التالي:
تبدأ الرحلات من ( 7 صباحاً ) إلى ( 9 ليلاً ) سطعشر رحلة ( 16 رحلة ) ..
تقريباً كل ساعة أو 40 دقيقة رحلة .. الموضوع سهل ..

قص التذاكر لك ولزوجتك وللأطفال اللي أعمارهم أكبر من خمس سنين .. اللي أقل من خمس مجاناً لا تقص له تذكرة أصلاً
وتوجه للقطار قبل موعد الرحلة بربع ساعة .. حط عفشك جنبك .. واطلق ساقيك للريح! .. قصدي خل القطار يطلق ساقيه للريح .. ولا عجلاته
المبلغ في أغلب الرحلات حوالي 15 يورو للشخص الواحد ..

ومخطئ من يقول لك التاكسي أفضل أو أرخص (برأيي)

تفاصيل حجزك ووضعك ولغتك لا أعرفها .. ولكن ..

تواصل معي على الخاص .. وأبشر بالخير ..

إذا ما نفزع معك نفزع مع من؟!

ما قصرت اخوي عباد كفيت ووفيت ... الله يجزاك الجنة ووالديك

( تمت المشاركة باستخدام تطبيق مبتعث )

انا ما قلت له ارخص

انا قلت له اريح له من البهذله الي بيدخل فيها

لا تنسى الرجال معه ست اطفال وجاين من سفر لو بيسوي طريقتك بيبتهدذل في العفش ومطارده البزارين ولا يعرف لاي شى لال مره

يزود في الفلوس شويا بس ويريح راسه من كل هاذي المتاهات فقط هذا رائي افضل بكثير من انه يروح لمحطه القطار

وهوا له حريه الاختيار بالي يبغاه

بالتوفيق ان شاء الله

لو يروح باص من يسار المطار اول ماتخرج من البوابة في باصات زرقا تودي لاغلب المناطق احس اوفر وارخص وفيها دورة مياه ويتحملون الاطفال كلها كم ساعة ويرتاحون

( تمت المشاركة باستخدام تطبيق مبتعث )

شكرا للجميع على مشاركتهم .... شكرا اروى ، شكرا عباد ، شكرا اصعب فراق ....
بكم نرتقي ...

( تمت المشاركة باستخدام تطبيق مبتعث )