أستفسارات عن مدينة دبلن السكن ، الحضانات ، المواصلات

مناطق السكن ممكن تستعيني ب موقع daft ie
فنادق شوفي ف موقع booking شي يكون ف السنتر او دبلن 1 عشان يكون حولك كل شي
ويذكر لك الاسعار
الحاضنات والحضانات غالية حسب ما اعرف من بعض الأمهات هنا يعني ميزانية بحالها حوالي الف يورو كل أسبوعين او شهر حسب ماسمعت من بعض الامهات ويجي ارخص لو نص يوم مو يوم كامل. لكن ماعندي اسماء انشالله الاخوات والإخوان يفيدوكي فيها تفصيلا.
العيادات الخاصة والمستشفيات تقدري تشيكي عليها ف موقع التامين لمن توصلك البطاقة وعادة تاميننا كويس ما تلاقي صعوبة ف اماكن تغطيته
المواصلات باصات وتكسي. التكسي غالي ونصابين ويلفو فيكي أماكن اطول عشان استغلال فلوس. تعتمدي ع الباصات بعد ماتستخرجي البطاقة اوفر وهي وسيلة المواصلات للجميع ايرلندين وخلافه.
بالنسبة المكافأة مع عيلة وطفل ييغالها توفير خاصة مصاريف الحاضنة ولكن خدو سكن ع قدكم مايحتاج حمامين وصالتين عشان يكون بيت في ناس تدور بيت كبير بعدين تشتكي من الغلا.
وقللي استخدام الكهربا صباحاً من غسيل وخلافه وخليه مساءً عشان يكون ارخص وبرضو تقليل استخدام التدفئة..
وبقية الأسئلة انشالله تلاقي اجوبة عليها

نصيحة لوجه الله
لو قدرتي تحولين أمريكا أو بريطانيا أو نيوزلاندا
هنا تخلف ونظام معقّد في كل شي
ونصب في التأجير والآن ما يؤجرون طالب

^^^^^


وش اللي تخلف في كل شي!
أرقى من الشعب الايرلندي مافي في التعامل! أنا احتك معاهم يومياً بحكم أننا ساكنين مع عيلة واشوف واخرج معاهم ومع اهلهم و شلتهم ومافي اي تخلف.

الايجارات صعبة لأن ربعنا المتخلفين مشاكلهم ما تنتهي يبغو نظام مفصل ع ذوقهم! يجيك الواحد يشوف الشقة ويستاجرها بعدين يشتكي ان السجاد وسخ والباب لونه اخضر مسوي ما شاف الباب والسجاد يوم ما جا يعاين الشقة! ويخرجون ف اول ثلاث شهور من العقد ف اكيد ماحد حياجر لان السمعة تشوهت من اللي سبقونا / ما اعمم!
المفروض قبل لا توقع العقد للشقة تطلب التصليحات -إن وجد- مو بعد ما توقع!

وهم ما يأجرون طلبة البكالوريوس لكن لو قلتم تحضير ماجستير ومع الضمان المالي واستقطاع من البنك يمشي الوضع انشالله
كل ما بعدتي كل ما كان ارخص وكل ماتقربي للخدمات يجي أغلى.. بالزببط زي نظام إيجارات جده في السعودية وغلاهاا الفاحش اجل بيت غرفتين وحمام وصالة قد علبة التونة ب 27 الف وانت طالع لو منطقة مرتبة توصل ثلاثين ألف!
الخلاصة مشكلة الايجار دولية مو بس ف ايرلندا لأن حتواجهها ف اغلب الدول..!

لكن إنك تجزمي وتقولي ما يأجرون الان طلاب فهذا واسمحي ليا غير صحيح لأن جميع صديقاتي ف أقل من أسبوع أو أسبوع ونص وعددهم فوق 7 حصلو بيوت وساكنين ومختلغة المناطق والأحجام! ما اقول سهل، لكن يأجرون طلاب.

يا جماعة أرجو تحري الدقة في وضع المعلومة...

أما التعقيد ف النظام اللي تتكلمي عنه ف ياريت توضحي لنا تفصيلاً عشان نستفيد ونشوف ونتحاشاه مستقبلا؟

بالعكس ابداااااا

ايرلندااااا افضل من بريطانيا بالف مررره ومن امريكا من ناحيه النضاااام اسهل بكثير

من ناحيه فيزا وغيرها من الامور السهله


مافيه اي تعقيد الا من ناحيه السكن في دبلن انا معاكي في تعقيد ما صارو ياجرو للطلاب كثير بسبب مشاكل بعض الطلاب

لاكن الواحد يدور لين يحصل باذن الله

وجهة نظري ويمكن خاطئة

حبيت أنفع بنت بلدي فقط

انتي لوحدك يا أروى ومع عائلة وماعرفتي مشاكل العائلات السعودية مع التأجير والنصابين

أصلاً نظام ما أجرك إلا سنة قمة النصب

التعقيد في فتح الحساب
التعقيد في السكن
التعقيد في الإقامة

أكرر ... وجهة نظري

مين قالك لوحدي وماعرفت مشاكل العائلات السعودية! ماحعلق ع الجملة دي ولكن اقولك انو اعرف اجراءات فتح الحساب و اجراءات السكن و اجراءات الاقامة لاني عشتها انا ومرافقي و صحباتي اللي ف دبلن و جالواي و كورك وتعتبر اصعب مناطق السكن. ارجع اكرر لا تحكمي ع تجاربي وتقولي ماعرفت المشاكل لاننا مبتعثين وبنمر بتجارب زي الجميع..

وبالتوفيق للجميع...

الله يعطيش العافيه أختي أروى على الأفاده
متوسط أسعار الحضانات حسب ماذكرتي يعادل سعر أجار شقه تقريبا غاليات مره هل عندش فكرة عن مكافئه الطفل كم هيا ؟
و كم هي المكافئه باليورو

طمنتيني من ناحية المواصلات لأن مافي بالنا نأخذ سيارة نهائيا و البطاقه إلي ذكرتيها في مكان معين أصدرها منها ؟ أو الجامعه تفيدني بخصوصها ؟

والسكن نفكر بأذن الله بشقة غرفه و صاله و دوره مياة وحدة حتكون مناسبه لنا كعائله صغيرة ، كم تترواح أسعار الشقق من هذا النوع لو كانت بموقع قريب من الجامعه ؟

أشكرش كثير على الافادة و ماعليش لو كثرت بالاسئله حابه أكون فكرة عن الوضع هناك و نرتب إلي نقدر عليه من البلد

سلام من الله عليكم ورحمته وبركاته

أختي صاحبة الموضوع عندما ترين الاختلاف فيعني أن الزين والشين بكل مكان

احنا اللي نمدح بها لا جينا بواسطة عشان كذا تسهلت أمورنا ولا ع راسنا ريشة

واللي تصعبت أمورهم اعانهم الله كمان مانقول يكذبون ، ولكن المبتعثين اللي قبلنا شوهو صورة السعوديين
مايدفعون الايجارات
ويخربون أثاث الشقق

وأهل البلد نظيفين جددداً ويحافظووون ع بيوتهم
فصارو يحتاطون كثييييير ألين يأجرون

والأنظمة الباقية عشان احنا جينا من دولة كل شئ حبّي فيختلف عليك الجو بس مو معناتهم سيئين

أنا جايه بعايلة أم واخ وولد اخت وواجهنا صعوبات ومصاريف بس بعد ماسكنت واختلطت بالمبتعثين لقيت انها اجراءات احتياطية لا أكثر ومن حقهم ، وأقل بمرااااااااحل من معاناة مبتعثين أمريكا
للمعلومية ( بايرلاندا تخفيضات للطلاب وماندفع ضرايب مو زي بطلاب امريكا، وعندنا ملحقية اللهم تمم ويباركلهم ويسعدهم يشتغلون حتى ببيوتهم وهذي نعمة اسئلي عنها مبتعثين امريكا شلون يشتكون من ملحقيتهم)

ولما تفهمين النظام بترتاحين...

لكن اللي مازالوا يتشكون ع شوفة عيني
لاتسئل ولا تسمع من غيرها
( تعرفين حريم التشكي بكل مكان ، ناس كذا مايعجبها شئ)

وايرلندا دولة محافظة وأسلم لدينك وعيالك من امريكا وغثاها وانفتاحها ع غير سنع ...

والشعب الايرلندي طيب وودود وشوفة عيني معي أمي اركب باص مايخليني ادفع تذكرتها يقول اهلا وسهلا فيها ضيفة ايرلاندا ... بكل مكان ابتسامة وقبول ويسولفون معك يدخلون فيك كأنك تعرفينهم من أول مو زي الشعب البريطاني زي ماسمعت انهم جافين وواحد ألماني جلس فيها شهر وحول لإيرلاندا قال مارتحت فيها

ويمكن فيها الطيبين كمان مانعمم ...

الله يوفقك ويكتب لك الخير .

بالنسبة للمواصلات تكفي وزيااااادة ، لوجبتو سيارة والله ان تكرهون روحكم مررة زحمة بالسيارة
لكن الباصات والقطارات لها مسار خاص اسرع من السيارة، ولما تدلين المدينه بتمشين برجلك ماتحتاجين سيارة ، مصاريف وزحمة على غير سنع ...



(ambiti5us@)

وضعت امريكا من ضمن الخيارات ولكن ما توفقت في أتمام الأجرائات و ربنا كتب لي ايرلندا و قرأت بعض المواضيع عنها و لقيت فئه كبيره مرتاحين هناك و مسأله تأجير الطلاب أسمع أنها موجوده بأمريكا و كندا كمان ، شكراًأختي على النصح ربنا يكتب الي فيه الخير و الصلاح