أستفسارات عن مدينة دبلن السكن ، الحضانات ، المواصلات

كل العمارات تفرض نظام الأجار لمدة سنه ؟ أو في بعضها يقبل ست شهور كحد أدنى ؟
أيش هي التعقيدات في فتح الحساب البنكي ؟ لأن قرأت موضوع أن الحساب يحتاج ثلاث ايام و يتفعل و كل الي أحتاجه تعريفه من الجامعه و صوره من جواز السفر في متطلبات أخرى ؟

كثير ذكرتوا ان مايأجرون طلاب أنا طالبه مرحله بكالوريس و أقدر بأذن الله أجيب تعريفه من الملحقيه أن عندي دخل شهري و بكذا هما يضمنوا أن راح أدفع لهم كل شهر ينفع معاهم كذا ؟
و كيف ممكن القى سكن إذا هما ما يأجرون الطلاب ؟

صادقة ماله داعي سيارة شوارع ايرلندا صغيرة مو زي السعودية عشان في مواصلات عامة.
البطاقة تقدري تاخديها من ترنتي ب السنتر اذا جيتي وسالتي الرسبشن ف الفندق يدلوكي مررة ودودين ويعطوكي خريطة كمان. لكن خليها بعدين لا تزحمي نفسك فيها في اشيا اهم اول.
المكافأة تبع الطفل والله مدري بس يمكن 400 يورو! مني متاكدة ياريت احد يفيدنا من الأمهات الجميلات ف المنتدى :-)

فيه بنات يجيبو مربيات بيبي ستر من أصول عربية او برازلية حسب يعني للبيت و ممكن يجي ارخص. أنا حشوف لك أسأل كدا بنت وارد لك ب ارقام لو لقيت إنتي لو برضو جيتي حتلاقي كثير سعوديات حيفيدوكي ان شاء الله

الجامعة ف دبلن 4 وفيه منها مناطق مريحة ومناطق لا. حسب ما سمعت انو الأرقام الفردية اكثر أمانا، بس اعرف وحدة ساكنة ف دبلن 4وتقول مرتاحة ب حوالي 1200 اعتقد! الاسعار حتكون ارخص كل ما كنتي ابعد والشقق اوسع وانظف وكل ما قربتي للسنتر تيجي مستهلكة واغلى يعني توصل 1500 اما لو بعيد ممكن 1200 او الف مافي شي محدد..
بس حبيت احذرك من السمسار ابو عطية مدري عطية شي زي كدا لو احد اداكي رقمه تستفيدي منه خليه يدور بعدين اديه حقه وخليه يروح وانتي بنفسك تعاقدي مع صاحب الشقة دون وساطة اي سمسار لانهم طلعو ياخدو فلوس شهرية من الايجار فيجي اغلى عكس لمن تتعاقدي بنفسك.. اذا لقى احد لك شقة اشكريه وخليه يسري مع فلوسه وانتي روحي تعاقدي بنفسك..

انتي شيكي ف موقع daft ie وحتشوفي الاسعار التقريبية وسجلي كذا رقم بحيث لو جيتي تتواصلي معاهم.

بالمناسبة حبيت اقولك عن شرايح الجوال انصحك بشريحة ثري وموقعهم ف السنتر لأنها نت مفتوح بلا حدود لو يهمك زي حالتي ههههه وشحن شهري بعشرين يورو بس. اهلك ممكن تتواصلي معاهم سكايب او تانقو او ممكن شريحة لايكا < مو متاكدة من الاسم، رخيص الاتصال الدولي فيها.

بالمناسبة انصح الجميع يستفيدو من قوقل خرايط ب الاي فون وسامسونج انا كل مشاويري عليه بالفعل تمشي ورا السهم لمن توصل وجهتك وفيه ارشاد صوتي بعد لمن تحدد موقع وجودك وموقع وجهتك بجد لو يضيع جوالي اضيع وراه هههع جدا مفيد

متى تاريخ وصولك؟

قولي لهم ان الحكومة كافلتك و على استعداد ب عمل استقطاع شهري للايجار ع حسابهم

و عليكم السلام ورحمة الله وبركاتة

الحمد لله بكذا موضوع المواصلات يطمن على الأخر و بأذن الله راح يكون أعتمادنا الرئيسي على الباصات و القطارات ، هي لها أوقات عمل معينه أو 24 ساعه شغاله ؟

الزين و الشين بكل ديره مثل ما ذكرتي و التساهيل من رب العالمين ، وأنا طرحت الموضوع هذا عشان أستفيد من أراء و خبرات الي جربوا الحياة هناك و كمان أي شخص قادم جديد على دبلن ممكن يلقى شيئ يفيده و أسئله كثير تدور براسي مالها أخر و مخاوف كثيره عشاني رايحه لبلد ما أعرف عنها إلا القليل و ما أعرف احد فيها

ربنا يعطيش الصحه و العافيه على الأضافه الي ترفع المعنويات

الله يسلمك ...

لا عندهم دوامات يبدون من ٧ ألين ١٢
بس يوم الأحد يبدون ١٠ الصباح عشان يكونون بالكنيسة.

وايام الاسبوع كل نص ساعه يجي باص
بس الويكند كل ساعة .

بعد ١٢ المسا في تكسي وبرنامج تنزلينه بجوالك يطلب لك تكسي ونتي بمكانك أو اذا تاخذين رقم شركة تكسي بدبلن يرسلولك تاكسي



(ambiti5us@)

ههههههههههههههههههههههههههههه حلوة بالكنيسة يختي ماشاءالله عليكي
وانا اقول وينهم استنى الاحد 8 ماحد جا! يصلون الحبايب ربنا يتقبل...

يا بنت روحي ربنا يسعدش و يفتحها في وجهش وين ما تروحي على هالأضافات المفيدة جدااا جدااا

المواصلات الحمد لله تواصلنا إلى قناعه تامه من كلامكم إن السيارة مالها أي ضروري و من البدايه ماكان ودنا نأخذ بس فكرنا بالأمر لأن معانا طفل و الله أعلم شنو ممكن يحتاج بأوقات غير متوقعه وبأذن الله مافيه إلا كل الخير
و أمر الحضانات جدا مقلق إذا الأسعار غاليه كذا و الطفل ما ينصرف له إلا 400 يورو فدوبها على ما أعتقد تكفي أحتياجته كطفل ، ياليت إذا في أمهات بالملتقى يفيدونا بهذا الخصوص بشكل مفصل و أشوف فكرة إلي تجي للبيت حلوة مره لكن ماراح ينفع أجيب وحده إلا أكون قبلها أعرف ناس جربوها و تعاملوا معاها ويشهدون لها بالنظافه و الأمانه فماعليش آمر عزيزتي أروى إذا تعرفين أحد ممكن تأديني رقمها و أكلمها بعد ما أوصل البلد هناك

بأذن الله ما أحتاج أتعامل مع سمسار و لغتي و لغه زوجي جيده جداً و نقدر نعتمد على أنفسنا بالبحث و التعاقد لكن حابة أضيق دائرة البحث على الاماكن القريبه من الجامعه و تكون أمان و كويسه ، في آمل القى شقه بمواصفات كويسه غرفه و صاله بسعر أقل من 1000 يورو ؟ أو أن أسعارهم من الف و طالع ؟
و تجي بأثاث أو بدون ؟
و الكهرباء و الماي انكلود سعر الأجار ؟
سمعت أن بعض الشقق تكون فيها غرفة غسيل مشتركه للكل شقق العمارة و أنا ودي بوحدة الغساله و النشافه جوا الشقة ، هي ذي المواصفات صعب القاها أو عادي تتحصل ؟

راح ابدا بحث من الموقع الي أديتيني اياه و راح أسجل عنواين و ارقام عشان لو رحت أشوفهم و ما تطول اقامتنا بالفندق عشان الميزاينه
بس أنصحيني بمناطق أدور فيها لأن شكلها دبلن مدينه كبيره أشوف في دبلن 1 و 2 و 3 و وو الخ

و مرره ميرسي على على الأفادة بخصوص شركه الجوال لأن شيئ مهم كمان و أقدر أطلع من عندهم نت كمان ؟

وآيش هو البنك الكويس إلي غالبا الطلاب يفتحون حساب فيه ؟ و تنصحين أطلع فيزا أو مالها دااعي ؟

و تاريخ الوصل ما بعد تحدد لأن الوزاره ما بعد أصدرت التذاكر لكن بدأ الدراسه بأذن الله تاريخ 22 سبتمبر ، أنتي تدرسين بيونيفستي كولج دبلن ؟

مااشاااء الله حلوووو
في نقطه التقاء معينه حق الباصات ؟ يعني شلون أقدر أعرف أن الباص فين راح يجي عشان أنتظره و آي ساعه ؟

يعطيش العافيه

لا لا ابدا الغسالة وكل شي جوا الشقق عادة مع مكرويف وفرن وغسالة صحون ولكن انتبهي نصيحة استخدمي الغسيل مساء فقط عشان سعر الكهربا يجي ارخص واللمبات الزيادة مو زي السعودية كل شي مفتوح.
وتيجي عادة برضو ب اثاث وكنب واسرة.
الماء ببلاش ولكن بعد كم شهر حيسير بفلوس ف الكل صراحة خايف ومترقب. وانتي تدفعي كهربا عادة كل شهر او شهرين حسب. وبرضو تشتركي مع شركة الزبالة الله يكرمك عشان تيجي تشيل القمامة مو تترمي برا زي السعودية عشان التدوير.. دي كلها صاحب الشقة يشرحها لك.
صراحة ماعندي علم لانو بمشي ع كلامهم انو الفردي امان وابعدي عن 1 و 2 لانو احس سنتر وزحمة مدري دا رايي. انا انصحك تقيسي المسافة بين الجامعة واسم المنطقة عن طريق قوقل خرايط وتشوفي مسافتها ب الباص. وزي ما قلت لك انتي يوم تيجي حتقدري تشوفي مدى الامان لمن تزوري الشقق وتشوفي الحي حتقيمي المنطقة ف تواجدك ضروري.

بالنسبة للجوال الشريحة تيجي فيها نت مفتوح بس اشحني وخلاص. اما نت البيت ماعندي علم.

اغلب الطلاب يمدحون aib وانا حسابي فيه ومرتاحة.

معليه بس عبالي انتي تدرسي ف يو سي دي ف كلامي كله عن دبلن 4 اقصد فيه يو سي دي.

لا تكثري ملابس وعفش كل شي موجود ومناسب لجوهم بس جيبي تمر وقهوة لو تحبينه.
ف موقع بوكينج خذي لك قست هاوس بدل فندق اذا حابة توفري احنا صراحة نادر فنادق غالبا قست هاوس يجي ارخص خاصة لو فترة طويلة.