طالبه مشورتكم .. بشان الغاء البعثه

شوفي يا اختي الغاليه

تقريبا جاتني نفس الحاله العااام حقتك

وقلت والله لارجع السعوديه بدون عوده وقتهاااا بسبب النفسيه الي ضربتني ....... ووقتها كان اجازه كريسمس ورجعت للسعوديه وجلست شهر ورجعت ايرلنداا ورجعت نفسيتي اسوااا بعدها بثلاث اسابيع قلت انا راجع خلاص وقصيت تذكره ومشيت للسعوديه على اسسا بلا عوده

وفعلا رجعت وجلست شهرين وقتها كان عندي جامعه اصلن ماشيه .... جلست شهرين هنا والكل يضغط فيني اني ارجع وهاذي فرصه الكل يتمناها ومن ها الكلام وقلت هما صادقين انا ماراح استقر بالبلد ذي مجرد اخذ دراستي وشهادتي وارجع لانه انا ما اقدر اسجل سجامعه بالسعوديه

يمكن انتي تقدري والله واعلم في ذا الشى


لاكن اذا اوجعتك الغربه مرره وعندك فرصه تسجلي بالجامعه بالسعوديه ما يردك الا تذكرتك صراحه الدراسه ما فرقت هنا او بالسعوديه اهم شى تكون نفسيتك مرتاحه لللدراسه عشان تكوني متوفقه باذن الله


لا تسوين انهاء بعثه سوي تاجيل افضلك للبعثه في حال رجعتي للسعوديه وبغيتي ترجعي ثاني مرره للبلد يمديكي ترجعين البعثه اما الانهاء ما يمديك ابدااا ترجعي بعثتك



ما اعرف والله وش ضروفك لسبب الرجعه لاكن ان كانت نفسيه ضربتك صدقيني باذن الله تحتاجي كم شهر للتاجيل للدراسه باذن الله ترجعي احسن من اول وترجع عزيمتك تكملي بعثتك

اما ضروف غير نفسيتك بالبلد..... ذي اقولك ارجعي وسجلي جامعه بالسعوديه اذا تقدري

الله يفرج همك ويسهل امرك لكل خير

كنت حنزل موضوع مشابه لموضوعك بس خفت انكرش. المهم شوفي ي ستي..
كلنا مرينا غالبا بنفس التجربة، انا حالياً سار ليا اسبوعين إجازة ف جدة وصراحة كلمت أهلي انو ماودي ارجع اسافر وخاصة انو قبل سفري كنت دوبي متخرجة وبشتغل وراتب حلو بس مدري أحيانا احس انو استعجلت بالاستقالة والسفر..

لكن الكل شجعني وقال انو عديت فترة طويلة بالدراسة وقطعنا شوط كبير ف حرام نوقف فجأة وخاصة انها تجربة وفرصة كثير يحلمو فيها زي ما قال اصعب فراق.
يمكن ظروف مرضك متعبتك نفسيا زيادة عشان بعيدة عن أهلك ولكن صدقيني زي ماعدت فترة اللغة حتعدي فترة الدراسة واحنا جبنا اللغة ف سبع شهور ترا غيرنا يهنق سنتين ف الحمدلله انو اجتزنا اول مرحلة.
ما حكذب واقولك خلاص مبسوطة انو راجعة ايرلندا ولكن مقتنعة انها فرصة وقرار من الافضل نكمل فيه.
الدراسة حتبدا ف سبتمبر واذا قدرتي تكلمي الجامعة تاجليها لجانوري ف اجلي وريحي نفسك وجسمك وعقلك وارجعي كملي بعدين.
ربي يوفقك ويطرح لك الخير ب أي خيار.

مشاء الله عليك خلصتي اللغه وجالك قبول يعني تم إنجاز القسم الاول بنجاح. الان المطلوب منك تسوي عملية تفريغ للإحساس السلبي لان الشخص هو ألذي يسمح للأشياء بتمكن وإضعاف عزيمته. طبعا توكلي علي الله اولا ثم حاولي تقرئي في كتب قوة الذات والتطوير وشاهدي بعض مقاطع في إليوتيوب عن ذلك وأنصحك بمتابعة الدكتور ابراهيم فقي وراح تحسي بتغيير للأفضل باءذن الله

الحياه فيها أمالنا وفيها أحلامنا لابد للوصول لها ان تبدي الخطوه وعدم الرجوع للخلف بعدما حققنا إنجاز اي كان .



( تمت المشاركة باستخدام تطبيق مبتعث )

^^^

I don't agree with your Idea
It is so early to leave! be optimisitic

Good luck sis

وعليكم السلام ورحمة الله وبركاته

شوفي اختي تبين الشور بدون طول الكلام

توكلي على الله وكملي دراستس واعرفي انها فتره وبتعدي وصدقيني بتصير هالفتره من الذكريات الجميلة

الحمد انتس من الناحيه الدراسية ماشاء الله مخلصه لغه وماشيه وجاتس القبول .. صدقيني هالفرصه يتمنونها كثييير

اعترف ان الغربه صعبه لكن الاصعب الرجعه للبلد وبدون شهاده


الله يوفقتس ويسهل امرتس




( تمت المشاركة باستخدام تطبيق مبتعث )

الأخت العزيزة
والله أني أتذكر قبل ٣ سنوات من الان جاتني مثل حالتك وقررت بشكل قاطع الرجوع للسعودية
ولكن شاءت الأقدار مع نوع من العزيمة والإصرار، وها أنا اليوم أسلم بحث التخرج ورحلتي النهائية بعد أسابيع.
فكل ما عليك أستعيني بالله وواصلي، أو أقل القليل سوي تأجيل بعثة وستصلح الأمور إن شاء الله.

ياجماعه عندي استفسار هل هذا الللي حصل معاكم بسبب الدوله ؟ ولا في امور ثانيه اثرت على نفسياتكم
تراني متردده شوي بايرلندا

عوامل نفسيه فقط

ولا شأن للبلد بشى .......

ههههههههه ابشرك مو بس كملت ماستر الان انخبطت علي عقلي وقاعده اكمل دكتوراه الحمد لله يارب

كل ما جاتني كئابه اتذكر الي بخذلهم بالسعوديه وأتذكر اني بخذل نفسي وبحد من طموحها و أقلل من اعتدادي بنفسي أقول لا انا أقوي بإذن الله

تحتاجي بريك ريحي واجلي فتره بتستفيدي