مساعدة مساعده صغنونه لو تكرمتو :)

الله يكون في عونك أختي وييسر أمورك يارب

حاولي تتواصلي مع اكثر من جامعة لين يجيكي القبول ولا تيئسي وتنحل امورك ان شاء الله
وألف مبروك وانتي خلصتي مرحلة اللغة عقبال ماتخلصين مره وحده

والملحقية راح يمشوا لك الراتب اذا جبتي القبول والمرافق وبديتي الدراسة هنا والله يكون في عونك وتتحول نفسيتك للتوب

اغلب الجامعات سكرت باب القبول دحين حسب علمي والله اعلم. لكن مدري عن تخصصك.
عشان ماحد يقع بنفس المشكلة، دايما ننصح بالبحث عن قبول أثناء فترة دراسة اللغة ب اسرع وقت .
عموماً سوي لك جدول بالجامعات وشوفي مواعيدهم وابدي قدمي واحد واحد.
المرافق لا تشيلي همه كثير بنات لحالهم اهم شي دراستك وتجهيز القبول ب اسرع وقت لو عندك ايلتس فوق 6 لكل سكشن ترا جامعة كورك ممكن تتعاون معاك ببقبول متاخر ل سبتمبر لو قفلو بس قولي لهم مبتعثة. وشوفي جامعة ليمريك احس يبغون سعوديين

لا تعتمدي ع المكاتب لانو ماحد يشيل همك و يسرع ف انجاز معاملاتك غير نفسك هم ما حيكونو بنفس سرعتك ودقتك لانو مستقبلك انتي

قبولك للجامعات يعتمد على درجتك في الايلتس

وثاني شى المحرم اذا هو مسجل من اول في الملحقيه وقت دخول البلد لا تشيلي همه الحين

مثل ما قالت الاخت اروى ابحثي عن قبولات وراسلي الجامعات اليوم قبل بكره معنه خلاص اضن نص الجامعات اغلقت باب التسجيل

بس برضه حاولي وراسلي

والله يوفقك

الله يسعدكم اخواني ابراهيم اروى وصعب
انا قدمت ع الجامعه بعد ما اخدت درجة الايلتس المطلوبه في تخصصي صح تاخرت بس شسوي مو بيدي
وحاليا مراسلتهم ومعطيني امل باعطاء القبول
ما حاولت في جامعه ليمرك لانها من قبل طلبتها مشروط ولا اعطتني بس برجع واراسلهم
بس انا حاليا محتاره ايش اسوي كيف وضع الملحقيه يوم اني ماجبت لهم قبول على سبتمبر
اقدر اقدم تأجيل لحد ما اجيب قبول ولا كيف ؟

^^^

أستمري بمحاولة الدخول المباشر للماستر بأي جامعة تقبلك! مع إن الوقت أصبح ضيق جدا!!

وبنفس الوقت وكأحتياط واليوم قبل بكره حاولي الالتحاق ببرنامج بري ماستر يؤهلك للماستر العام القادم!!!

مع العلم إنه يحق لك التسجيل ببري ماستر حتى لو اكملتي فترة اللغة مع تمديدها سنة ونصف لأنه يعتبر برنامج أكاديمي!!!!!

لا تستعجلين على موضوع التأجيل وغيره من الإجراءات حتى تستنفذي كل المحاولات لدخول الماستر او برنامج البري ماستر الشهر القادم....

▲▲

اتفق مع الاخ. قدمي ع يو سي دي عندهم بري ماستر وقولي لهم انك محتاجة قبول سريع لأنك مبتعثة وتقريبا حسب ماقريت انو إجراءاتهم تاخد بالكثير عشر ايام بس راسليهم للتاكيد.

انا اصلا ابغى بري ماستر مو ماستر وان شاء الله الاقي قبول وراح اسوي اللي قلتولي عليه
وشاكره تفاعلكم مع مشكلتي
وموفقين جميعا

^^^

كذلك DIFC عندهم بري ماستر يؤهلك لعدة جامعات!

+ كلية Dorset تؤهلك لماستر بكلية DIT

+ DCU عندهم بري ماستر خاص بجامعتهم ال DCU

Good luck sis