ايهما افضل لدراسة اللغة نيوزيلندا او ايرلندا

صدقت يالغالي، الجزء الاكبر يعتمد على الشخص نفسه،تصدق اعرف واحد يدرس في امريكا يقول انه يعرف واحد له اكثر من سنتين في امريكا ولحد الان مايعرف يركب جملة مفيدة.

فعلا انا شفت مقطع دعائي للمعهد هذا والصراحة ارتحت له لكن المشكلة ان اوكلاند مليانه عرب وطلاب من شرق اسيا بالاضافة الا انها مدينة كبيرة وزحمة وانا الحقيقة ابحث عن الطبيعة والهدوء مثل القرى الصغيرة وافكر بمدينة هاميلتون بنيوزلندا،مادري ايش رايك ؟؟؟؟؟ وشكرا

والله يالغالي اللي اسمعه ان كرستشيرش حاليا مليانه سعوديين خصوصا بالصيف وانا وقت روحتي يكون بالشتاء عندهم وكرستشيرش جوها بارد لانها بالجزيرة الجنوبية

بالعكس لايوجد بها زحم ولسبب ان الوزارة موقفة الابتعاث فيها بس الزلازل لكن اخذت فيها شهرين كان فيه زلازل بس خفيفه ولله الحمد تجربه جديده هههههههه كل شيء مكتوب

مو واحد ولا اثنين اللذين اكملو سنتين ولا يقدرو يركب جمله على بعضها اعرف كثير طبعااا هكذا



انا لم ادرس لغه في بلد متحدثه باللغه الانقليزيه ....

درستها في الهند اللغه الانقليزيه ومع ذالك الحمدالله حصلت على درجه الايلتس المطلوبه من الهند ونقلت ايرلندا ادرس جامعه

ولم يكن اعتمادي على شى اسمه معهد كويس او غيره ....كنت ادرس بمعهد لغه بسيط جدااا وكنت اطور نفسي بنفسي اكثر شى

ويوم جيت ايرلندا تفاجئت بطلاب درسو اللغه هنا وبامريكا ونيوزلندا وانا افضل منهم بكثير في الانقلش !!!!!!!!!

انا سالفه انه معهد قوي ومعهد مدري ايش لم تدخل مزاجي ابدااا ....... ولا اصدق انه في معهد قوي يستطيع ان يعلمك اللغه اذا لم تجتهد بنفسك شخصيا .....


لا تحط براسك انه معهد قوي بيعلمك حط براسك جهدك الي بيعلمك بعد الله .........


بالتوفيق لك

الله يجزاك خير يالغالي طمنتي الله يعافيك انا كنت خايف من موضوع الدولة اللي ابسافر لهاترى الجزء الاكبر يعتمد على الشخص نفسه والكلام هذا مو من عندي هذا كلام ناس لهم بالغربة سنيين طويلة،صدقني اللي مافي راسه دراسه لو تحطه في اقوى معهد بالعالم ماراح يستفيد ذيك الفايدة لأنه هو نفسه غير متحمس للدراسة،على العموم مشكور يالغالي على ردك .

هههههه انا الحين عرفت ليش كل معاهد اللغة فيها متوقفة في موقع الملحقية السعودية في نيوزلندا علشان الزلزال،انا الصراحة اميل لنيوزيلندا اكثر من ايرلندا لكن خفت اختارها واندم بعدين،لكن ابسألك كيف الوضع والجو العام هل فيه مضايقات خصوصا للمنقبات؟؟؟؟؟؟ وشكرا

نيوزلاندا دولة دمقراطيه بمعنى الكلمة كثير من الاخوات كنت اشاهدهم بحجابهم الكامل حتى بعباية الرأس هههه اي والله واذكر احد سائقي الباصات رافض يركب احد المتحجبات وتكلم عنها الاعلام لدرجة ان رائي الوزراء اعتذر في احد الصحف ومن هذا الكلام ويقال والله اعلم ان شقيقه مسلم الزبده كنا والله نصلي ونصوم ونصلي التراويح والتهجد ولله الحمد وصلاة الجمعه كذلك بكل اريحية لكن حطي بالك اذا ناوي على البعثة ما تستطيعي عن طريق كراستشيرش لسبب الي ذكرنه سابق

اسف على الفلسفه الزايده هههههههه

ابد لا فلسفة ولا شي طال عمرك بالعكس كلامك ريحني،يعني افهم من كلامك انه مافيه عنصرية هناك ،وكيف طبيعة الشعب هناك هل هم اجتماعيين ويرحبون فينا كعرب؟ ادري اني ابلشتك اخوي ارجو انك تتحملني وشكرا

بالعكس ما تواجدة انا وانت هنا ال من اجل حاجة او خدمة لغيرنا شعب النيوزلاندي يطلق عليه الشعب المبتسم ولكل شعب او قبيلة شواذ ليس الكل على قلب واحد لكن الاغلب مرحب مبتسم عايشتهم في رمضان والله لا اكذب ان عجوز الي كنت ساكن عندها هي من كانت توقضني لسحور وتأتي لي بوجبة عشاء وهي من دلتني وذهبت بي للمسجد اول يوم بسيارتها كانت قمة في الاحترام للاديان عيب نيوزلاندا هو البعد ومسافة الطيران جدا مملة اذا نويتي خلاص اعطيك ايميلات سعودين عوايل ومقيمين هناك من سنوات وبيخدمونك اكثر