مساعدة ياهل الخبرة تكفون

ي جماعة عندي سؤال بخصوص جامعة ماليزية عارف انه مو المفروض اطرحه هنا بس تكفون دلوني وين استفسر؟؟

مافهمت بخصوص الفيزا


( تمت المشاركة باستخدام تطبيق مبتعث )

اختي انا احاول ارد عليك ان شاء الله في الامور اللي اخبرها
معهد انترناشونال هاوس انا درست فيه شخصيا قبل سنتين ونصف يوم كنت في دبلن لاني حاليا في مدينة جالوي المعهد جدا جميل والمعلمين اغلبهم رائع ويحاول يفهمك الدروس مزبوط وموقعه ايضا حلو وجميل في وسط دبلن
الشقق في دبلن حاليا غاليه ويبغالها صبر يعني اعملي حسابك على سكن بفندق وحجزمن بوكينق اقلها عشرة ايام ان لم يكن اكثر .
في السكن حلو تحصلين شقه قريبة من المعهد مثلا 15 دقيقه مشي او حتى عشرين دقيقه مشي جدا رائع لان هنا المشي متعه بحد ذاته بس مسافة اكثر من كذا يبغالك باص او مترو لذا يا تشوفي شقه قريبة من المعهد تكون بدبلن 2 او على الاكثر دبلن 4 بس في اطراف دبلن 2 او بدبلن 1 وتكون في اطراف دبلن 2 الخيار الثاني لو ماحصلتي سكن قريب تكوني بسكن بجانبه احدى وسائل المواصلات المتوفرة بكثرة في دبلن باص لويس دارت حتى يسهل عليك الذهاب والاياب الى المعهد .
بالنسبة للستلايات والقنوات العربية هناك شركة تبيع جهاز اسمه atn رائع جدا مايحتاج الى دش رسيفر تشبكينه بس في التلفزيون ويبث عن طريق الوايرلس عن المودم وفيه الكثير والكثير من القنوات العربية اكثر من 600 قناة ومن بينهم قنوات الجزيرة الرياضية المشفرة وقنوات رياضية اخرى مثل ام بي سي وابوظبي ودبي وغيرهم انا مشترك فيه واتابع الدوري الاوربي من خلاله والجهاز مع الاشتراك لمدة سنة تقريبا 350 يورو وبعدين تجديد الاشتراك تقريبا يتراوح بين 150 يورو للباقة الصغيرة الى اكبر باقة 210 يورو وفيها 850 قناة عربية .
أي سؤال انا حاضر سواء عن دبلن اللتي اعشقها او جالوي الجميلة

ملاحظة يمكنك شراء الجهازمن موقع الشركة في بريطانيا ويجيك على البريد على ما اعتقد ..انا الجهاز جاب لي اياه واحد مغربي طيوب تعرفت عليههنا في ايرلندا وركب لي دش في دبلن يوم ان كنت هناك لاني كنت مركب دش سابقا بس بعدين رحت لشقة مافي امكانية تركيب دش فشريت الجهاز اللي قلت لك عليه وكان رائع . موقعهم على النت واضح بس كتبي atnالباقة العربية .