نصيحة منكم لطالبة ماجستير ماليه ..

وعليكم السلام

شوفي اختي انا مثلتس مقبول قبول مبدئي بالمرحلة العاشرة ومن قبل كم شهر وانا بادي استفسارات عن ايرلندا وطبيعتها و شعبها و جامعاتها .. اللي طلعت به من هالاستفسارات ان الدولة بشكل عام حلوه كشعب وطبيعه .. لكن المشكله في قبول الجامعات صعب لان الاغلب يطلبون بالبكالوريوس مرتبة شرف .. وغير كذا هي اصلا كلها ٨ جامعات او ٩ معترفه من قبل الوزاره فصعب تلقين قبول بالجامعه اللي تبينها .. جامعة جالوي بصراحة مادري عنها .. لكن في جامعة ماينوث بمكان هادى والمعيشه رخيصه نوعا ما والاهم قريبه جدا جدا من دبلن ومن السفاره والملحقيه .. اللي اعرفه ان جالوي بعيده مره .. عموما ان شاء الله يجي اخد الاخوان من المبتعثين بايرلندا ويفيدنا


بالتوفيق


( تمت المشاركة باستخدام تطبيق مبتعث )

موفق ان شاء الله ..
بقرأ عنها ..
انا مره حابه جالوي من كثر الكلام الي يريح عنها ..
واي معهد بتروح لغه ..
بس بنفس الوقت ماني مستقره ..
دبلن مابيها لاني عموما ما احب اجواء المدن الرئيسية + تكلفة السكن غاليه بالنسبة لباقي المدن

اذا عندك رابط الجامعه الي حكيت عنها
يالليت تشاركني فيه أكون لك من الشاكرين

هذا رابط الجامعة

https://www.maynoothuniversity.ie

الاهم تتاكدين من القبول مثل ماقلت من ناحية اللغة و من ناحية المعدل بمرحلة البكالوريوس

انا متردد بعد اسبوع بيكون الملتقى وبالملتقى اقدر اغير الدولة ومتردد بشكل كبيير اخترت ايرلندا عشان مافيها جيمات بس الجامعات قليله جدا ..مافكرتي بامريكا بما انها ارخص معيشه واحسن لغه لكن اذا عندتس مشكله مع الجيمات صعبه تلقين جامعه بدون جيمات


( تمت المشاركة باستخدام تطبيق مبتعث )

معدلي بكالوريس جيد جدا 3.75 من 5
ما اتوقع يأهلني لكن بشوف القبول المشروط ..
سمعت ان الجامعات الي تعطيك كورس اللغه ممكن تقبلك ..

بالنسبة لامريكا ما افكر فيها ما احب الديره ولا شعبها العنصري وانا بلبس عبايتي واخاف ما يتقبلون هالشي ..
الايرلنديين الطف منهم ويحترمون كل الديانات ..

محتاره من قلب الله يكتب لنا الخير ..

وأنا نفس الحالة.. اخترت إيرلندا تخصص مالية مضطر مع إني أريد إدارة أعمال أو تسويق وهو تخصصي في البكالوريوس
لكن إن شاء الله نقدر نغير التخصص عبر النظام كما ذكروا في ملتقى الرياض أو ممكن هناك بعد الضعط


الحمد لله أخذت مرتبة الشرف الثانية و يارب تسهل علي أمر القبول والتخصص mبشوف الجامعة اللي انت حاطها هل ستكون في قائمة الوزارة .. لأن وصف المدينة أعجبني

والله ييسر الأمور وننتظر معلومات أكثر