ساعدوني في توزيع ميزانيتي يا اهل دبلن ؟

بانتظار ردودكم 🌹

اسال الله ان يوفقك بالنسبه لتوزيع الميزانية


١/مكافئة المبتعث_ المرافق- المرافقين الاطفال كم ؟
المبتعث 1800 المرافق 1400 الأطفال 250 يورو طبعا

٢/ اسعار السكن ؟
السكن يختلف لكن غرفتين ودورتين مياه الله يكرمك بين 1400 - 1600
٣/اسعار الحضانات والمدارس لاطفال ؟
الحاضنات تقريبا 400 ولو حصلت احد تشترتك معه بنفس المجمع كويس وتوفر

هناك وسائل نقل شهريا تقريبا 120 يورو
فواتير كهرباء وتلفون تقريبا 200 يورو

أتمنى اني أكون افدتك واي خدمه مايقصرون الشباب للاضافة

جزاك الله خير كفيت ووفيت الله يسعدك ويوفقك

فقط تعقيبي ع اسعار الحضانات
تختلف ع حسب الحضانه
انا ادفع ٧٠٠ يورو ع الحضانه وفيه صاحب لي يدفع ٩٠٠ ،طبعا تفرق كم ساعه وفيه عندهم صباحي او مسائي او جميع لكن المتوسط لاسعار الحضانات اسبوع كامل من الساعه ٨ الصبح لغايه ٦ العصر ٨٥٠ يورو في اغلب الحضانات اللي سألتها وتشمل جيرافا وسافاري وكوكون وبارك اكاديمي
Safari Childcare Giraffe Cocoon Park Academy
Baby Full Time €1050 €1162 €990 €1150
Baby 2 Day €475 €640 €510 €605
Baby 3 Day €695 €850 €765 €880
Wobbler / Toddler / Preschool Full Time €875 €1096 €990 / €895 €1150
Wobbler / Toddler / Preschool 2 Day €420 €580 €495 €605
Wobbler / Toddler / Preachool 3 Day €600 €796 €710 €880

فيه حضانات تدار من قبل افراد وليست شركات وتكون اسعارها اقل من الاسعار اللي قلتها بس مو فرق كبير

السعر بالاسبوع 😳😳😳😳😳

على كذا المكافئه كلها بتروح ع الحضانة
ارجو منكم التوضيح خصوصا عمر اطفالي ثلاث ونص و اربعه ونص وطفل رضيع ٤ اشهر
وهل الوزاره ممكن تدفع شي لتعليم الاطفال او الحضانه او تعطي بدل

السعر ع حسب كم يوم بالاسبوع وكم عمر الطفل
طبعا ولدك ابو ٤ شهور يصنف كطفل رضيع
الشهر لكل ايام الاسبوع(فل تايم) بمتوسط ١٠٠٠ يورو
طفلك اللي عمره عمره ثلاث ونص ممكن يدخل برنامج early child care rducation وهالبرنامج يدفع لك ثلاث ساعات في الحضانه من قبل الحكومة الايرلنديه مع فل تايم حضانه ب سعر تقريبي ٥٠٠ يورو بالشهر او ممكن تسجله في البرنامج من الساعه ٩ لغايه الساعه ١٢ وتدفع ٣ ساعات اضافيه بمبلغ تقريبا ٢٠٠ يورو (بحيث انه ابنك يروح الساعه ٩ ويخلص الساعه ٣ العصر ) يعني لو تبي توفر
طبعاً ابنك الكبير يدخل مدرسه مباشره اذا كان عمره خمس سنوات فيه بالمدارس عندهم فصل تمهيدي او زي كذا مو متآكد منه بس تقدر تتآكد من الاخوان اللي عندهم ابناء في المدارس هنا
طبعاً فيه حاضنات عربيات في البيوت تكون ارخص بس النظافه من جنبها
وممكن تجيب بيبي ستر من الرومانيات او الفلبينيات (اسعارهم ٥ ايام فل تايم تتراوح حول ١٥٠٠ يورو) يعني تجيب وحدة لكل اولادك وبالبيت تجي الصبح وتطلع اذا رجعتوا شخصياً لا افضلها وافضل ان الاطفال يحتكون مع غيرهم ويغيرون جو بالحضانات ويتعلمون وكذا ولكن اذا تبي توفر ممكن البيبي ستر او الحاضنات العربيه توفر لك

جزاك الله خير ماقصرت 🌹

هل مكافئة المرافق ١٤٠٠ اذا كان بيدرس او لا

كان يدرس او لا كلهم واحد لان رسوم الدراسه تدفعها الملحقية