تجمع طلاب الطب في ايرلندا ( المرحلة العاشرة )

قبل لو الواحد ما كان معه ايلتس يحولونه لتخصص علوم طبيه في امريكا لكن المرحله العاشره ما حولوه احد بس ودوهم دول ما تحتاج الآيلتس مثل ألمانيا لانه الدراسه بالألماني. بمجرد ما تحققين ٨٠ بالقدرات و التحصيلي معناته انه مقبوله بالابتعاث و لكن تخصص الطب فيه مفاضله. يعني كل سنه غير عن السنه اللي بعدها. و للأسف مافي احصائيات عن اقل الدرجات.

السلام عليكم ورحمة الله وبركاته
اخباركم ي شباب
انا حاليا طالب بترالي من الدفعه اللي قبلكم واي واحد يحتاج اي استفسار او سؤال يتفضل يسأل وان شاء الله اكون قادر على الرد على اسئلتكم لأني طبعا السنه اللي راحت كنت ادور احد يجاوب على اسئلتي فقررت هاذي السنه اجاوب على اي استفسار

بس طبعا قريت بعض ردودكم واكتشفت ان في بعض الاشياء اللي فاهمينها غلط .. طبعا الدراسه هنا سمسترين تبدأ بسبتمبر وتنتهي ببداية جون وفي اجازه شهر بين السمسترين .. وراح يكون توزيعكم بمعهد ترالي الى قروبات بناء على درجتكم بالايلتس مع الاعلم ان كلكم بتدرسون نفس الشي الفرق بس بساعات الانجليزي

و عليكم السلام .. الله يعطيك العافية و يكتب لك أجرها. عندي كم سؤال و ابي جوابهم لو ما عليك امر. ايش هي المواد اللي تدرسونها و تقريبا كم ساعه تداومون؟ كل اللي بالدفعه بيكونون بس خليجين و الا فيه أجانب؟ و هل سمحوا لكم تطلعون معهد قبل لا تبدأ دراستكم في سبتمبر؟

المواد اللي ندرسها هي
السمستر الاول فيزيا وكيميا وبايولوجي وماده عباره عن مهارات التلخيص وتقديم عروض برزنتيشن وكمبيوتر وماده عن مهارات التعلم بالجامعه وطبعا انجليزي للتجهيز للأيلتس ( ما عليه درجات )
السمستر الثاني فيزيا وكيميا وبايولوجي وفزيولوجي وطريقة كتابة البحوث ومادة مهارات الاتصال وانجليزي للتجهيز للايلتس ( ما عليه درجات )
الدوام من الساعه 9 الى 6 والمعهد مخلوط اجانب وخليجيين بس كل الكلاسات تكون بس مع خليجيين
ودفعتنا درست لغه بأي معهد احنا نختاره

شكرًا يعطيك العافية و ما قصرت ️️

لو سمحت انت من اي مرحلة ؟
انا سمعت انه ماراح يكون في معهد لغه وفورا دراسة لسنه التحضيريه هل هذا صحيح ؟
واذا كان صحيح كيف و وين ومتى تبدا؟
يعني هل في الجامعه نفسها او معهد او الخ...
والفتره و وش الخطه الي راح يمشو عليها وعدد السنوات علما انه سابقا كانت ٧ سنوات و نص مع تحضيري ولغه اما الان وش الوضع بضبط؟ وكيف قبول الابتعاث الى ايرلندا صعب؟ يعني لو شخص ماخذ ٥ وفوق ايلتس و فوق ٩٠ قدرات وتحصيلي ومدرسه ٩٨+ ممكن يحولوه لدوله ثانيه لاني شفت كثير في المنتدى حطو ايرلندا اول خيار وما لقو وحولوهم لدوله مو من ضمن الثلاث دول الي اختاروهم!؟؟! فاخاف احط ايرلندا وما يقبولني ولا يحطو اعتبار لدولتين الباقي واروح دوله ما اريدها
اتمنى جواب شافي لاني قلقه كثير :'( وشكرا

طيب ببدأ اجاوب عليك سؤال سؤال
1- انا من المرحلة التاسعه
2- يقولون ان هاذي السنه غيرو النظام وصار بدون فترة لغه
3- تبدأ شهر سبتمبر (9)
هي تقسيم الدراسه معقد شووي .. احنا كانت عندنا فتره ندرس فيها لغه بالمكان اللي نختاره وتبدأ من شهر 1 الى 8 بس هاذي السنه اجبرو الطلاب انهم يجلسون بالسعوديه الى شهر 9 اللي بتكون بقريه اسمها ترالي ،، فيها معهد متعاقد مع الرويال كولج ( الجامعه الاساسيه حقتنا بدبلن ) .. تدرسون بهذا المعهد الى شهر 6 بعدين اذا نجحتو بكل المواد وجبتي درجة 6.5 بالايلتس و 6 بكل قسم ينقلونكم الى دبلن عشان تبدئين السنه التحضيريه الاساسيه بالجامعه .
اخر شي ما اقدر أقول لك اذا بيقبلونك بايرلندا او لا بس ان شاء الله مع درجاتك ممكن يقبلونك بايرلندا
يعني مجموع السنوات كلها ما تغير ( نفس عدد سنواتنا ) اللي هي
1- سنه تحضيريه اولى بترالي تبدأ شهر 9 ومدتها سنه
2- سنه تحضيريه ثانيه بدبلن
3- خمس سنوات طب بدبلن
ان شاء الله اكون جاوبت على كل اسئلتك واذا احتجتي اي شي تفضلي

الله يعطيك العافيه ويوفقك في دراستك .

كيف أمور السكن والمعيشه ؟

الله يعافيك ان شاء الله
بالنسبه للسكن والمعيشه بترالي فهي كويسه ورخيصه بس المشكله بدبلن لأن السكن فيها غالي يعني تروح عليك نص المكافأه على سكن ( دون المستوى ) بس من ناحية الاكل فهو معتدل بس المشكله كلها بالسكن