الدراسة في ايرلنداء

وعليكم السلام ورحمة الله وبركاته

ما شاء الله خطوه جيده ، بالتوفيق إن شاء الله
بجاوبك على اللي اقدر عليه
١- فيه معاهد جيده طبعاً ، وتعطي دورات ايلتس واختبارات تجريبيه وليست رسميه ، الاختبار الرسمي للايلتس خارج المعهد ، طبعاً اكلمك عن مدينة قالوي ، واعتقد باقي المدن نفس الطريقه

٢- السكن مع عائله من ٦٠٠ - ٨٠٠ يورو على حسب العائله وهل انت اخذها من المعهد والا عن طريق الموقع ، لان المعهد ياخذ عموله وانا افضل للي جاي جديد ياخذ عن طريق المعهد لان المعهد يضغط احياناً على العائله عشان يلبون متطلباتك ، عموماً لك الخيار
بالنسبه لرسوم المعهد ، على حسب تختلف من معهد لمعهد ولكن بالغالب من ١٩٠ يورو بالإسبوع وانت طالع ، ومصاريفك عاد ماحد يقدر يحددها لك
لكن بالنسبه لقالوي بقول الرئيسيات فقط
تذكرت الباص بالشهر تقريباً ٥٥ يورو
شحن جوال اذا تبي تاخذ شبكة ( 3 )
٢٠ يورو انترنت مفتوح + مكالمات مفتوحه بنفس الشبكه لمدة شهر ، واذا بتكلم السعوديه خذ شبكة لايكا ارخصلك. وباقي المصروف عاد مادري
والتذاكر بعد تختلف من خطوط لخطوط ومن وقت لوقت ، الصيف غاليه طبعاً ولو تحجز من اللحين يكون افضل.

٣- طبعاً لازم فيزا دراسيه

٤- طبعاً راح تستفيد اذا اجتهدت واستثمرت الوقت بالمذاكره ، وانت ومجهودك

عموماً أسألتك هذي كلها مفصلين اجوبتها الأخوان بمواضيع ثانيه ، صدقني لو انك اخذ لفه بالمنتدى بسيطه ماحتجت تنزل موضوع

الله يوفقك إن شاء الله وتوصل لمبتغاك

ماقصر الاخ رماد . التاهيل للايلتس موجود بجميع المعاهد لانه برنامج يتم تدريسه ولكن مكان عقد الايلتس يكون في معاهد معينه يتم تكليفها British Council