بحث عن سكن في ددبلن

باذن الله راح ارد عليك اليوم ان شاءالله

بانتظارك جزاك الله خير

اولا اختي

قبل كل شى احجزي الفندق من الان

عن طريق موقع بوكنق .... شوفي فنادق بالسنتر اهم شى والسعر الي يناسبك واحجزي فيهاا لمده ثلاث ايام مقدمااا

بعدهااا ان شاء الله لو وصلتو سالمين نساعدكم ونعرفكم بالبلد لو حابين باذن الله

اهم شى احسبو ميزانيه تجيبوها معاااكم لا تقل عن 20 الف ريال اذا تبون تاخذو شقه

بالنسبه للمكافئه تنزل لكم وقت ما تفكو حساب بالبنك وتفكو ملف وتضيفو معلومات البنك بالبوابه ان شاء الله .... يبدا الصرف عليكم من اول يوم وصولكم البلد ووقت ما تضيفو معلومات الحساب حقتكم ينزلو لكم متفرقااات من وصولكم الى اليوم الي ينزلو لكم فيه

وبعده من الشهر الثاني يبدا لكم مكافئه شهر كامل ان شاء الله



موفقين يارب

توصلين اختي بالسلامة باذن الله . الرد على الاستفسارات التي تم ذكرها اعلا بالترتيب :
1- الشقة ( مقر السكن الدائم) يفضل البحث فور الوصل الى دبلن بمعنى من تاريخ 4 اغسطس عن طريق موقع Daft.ie والاسعار تكون تقريبا بحدود 1600 الى 1900 يورو ونصيحه حاولي الحصول على شقة باسرع وقت ممكن لتلافي الزحمة التي سوف تحصل بشهر 9 نظرا لرجوع الطلاب الى دبلن . ينصح السكن في المناطق الاتيه (1/2/3/4/5/6/7/8) لانها قريبها نسبيا من المعهد . ويفضل استخدام قوقل لقياس المسافة وشخصيا اعتقد ان المسافة بحدود 4 كيلو مابين السكن والمعهد تعتبر جيدة. وانصح بعدم الاستعجال بالتوقيع على عقد حتى الرجوع الى احد الاخوان الذين لديهم خبره في دبلن. نقطه مهمه جدا اختي وارجو عدم اهمالها حاولي تجيبي خطاب باللغه الانجليرية ينصح على انك مستاجره بالسعودية من شخص وانك ذات سمعه طيبه ولاتتاخري بالسداد ويجب ان يذكر تاريخ الفترة ورقم للتواصل مع الشخص ( ضروري ).
2-معهدك قريب من ترتني كولج ويتعبر في السنتر فكل المناطق جيدة وياخذ بالاعتبار ماذكر اعلاه وهو الاستشاره ولاخاب من استشار والاخوان باذن الله مايقصرون ويبون الاجر.
3- عند الوصول انصحك بالسكن بشقة فندقية فهي اريح واوسع وتقدر تطبخ وفيها كل الخدمات وشخصيا انصحك بالشقه هذي
Your Home From Home Apartments وقيمة الاجار اليومي بحدود 600 ريال لشقة عدد 2 غرفة وصاله ومطبخ مجهز بالكامل وعدد 2 حمام (اكرم الله الجميع) وهي في دبلن 8 قريبه من المعهد والملحقية والسيتي سنتر وامنه جدا . (من واقع تجربة شخصية).
4- مستحيل ان الملحقية راح تقدر تصرف لك المبلغ (الفورقات) من تاريخ 18 شوال والسبب ان الايداع يكون بالحساب البنكي في دبلن وانتي عشان تفتحي حساب لازم عنوان (مقر دائم) ويكون معك فواتير كهرباء او ماء موضح بها اسمك وعنوانك لكي يوافق البنك على فتح الحساب وبعدها توافق الملحقية على الصرف. لذلك انصح بالاتي :
ايداع مبلغ مالي في بنكين سعوديين ويكون بطاقات الصرافة فعاله ويكون المبلغ بحدود 10 الاف ريال لكل بنك.
عدم جلب اي مبلغ مالي كاش كبير ويفضل فقط جلب 500 يورو كمصاريف مبدئية.

اسال الله لكم التوفيق والسداد وموفقين باذن الله.

عن طريق بوكتق كيف اعرف انه في الستي سنتر ..

وبخصوص السكن هل بامكاني الحجز من الان ..

وحسب مافهمت منك ان الفروقات تنزل مع المكافاه يوم 25 ؟!


ويعطيك ربي العافيه وجزاك الله خير

شكرا على النصايح القيمه

وبخصوص المكافاه انا اقصد هل تنزلي فروقات من يوم دخولي الى يوم 25 يعني حقت اسبوع تقريبا ولا تنزل مع الشهر الجاي ..

ووبخصوص الشقه الفندقيه انا افضل احد يساعدني على الحصوصل على سكن دائم واخذ اول الايام غرفه الى ما اشوف السكن ..

وجزاكم الله خير على المساعده ..

واحتاج تلخيص باهم الاشياء اللي اسويها او ما اوصل ..

وششكرا لكم

باذن الله ارد عليك الليله

يحسبون لك من تاريخ دخولك الى هو ١٨ وتنزل لك مع الشهر القادم يعني ينزل لك راتب مع ٧ ايام اضافيه مع بعض..
اختي استخدمي موقع Daft.ie وانتي اسالي هنا عن اي استفسار وباذن الله مانقصر فيما يخص اماكن السكن المناسبه

قبل الوصول يفضل ان تكون حاجز شقه او فندق ويجب ان تكون في الوسط لسهولة التنقل. ايضا يجب الانتباه بجلب مبلغ مالي جيد . ايضا لاتنسى ان تجيب شوي علاجات مثل دواء الحراره والسعال والمضاد الحيوي.
مابعد الوصول يفضل عمل الاتي:
استخراج شريحه جوال مفتوح الدقائق والبيانات لكي تتمكن من البحث عن السكن وانصحك بشركه ليكا موبايل فئة ٣٥ يورو شهريا..
البدء بالبحث فورا عن سكن كخطوه رقم ٢.
عند الحصول على السكن تاكد من وضع الفواتير وحاول جاهدا لكي تجي الفاتوره باسمك لان هذي الخطوه راح تساعدك بفتح حساب بنكي وكذلك استلام مستحقاتك الماليه من البنك.