الڤيزا السياحية بإيرلندا

في بعض الاحيان يطلعون لك فيزا مدتها اكثر من ٣ شهور. انا طلعت للوالده فيزا سياحيه مدتها سنه بحكم اني ادرس هنا ف ارفقت الاوراق و الاثباتات اني مبتعثه و هي راح تزوني بين فتره و فتره و عطوها سنه متعدده يعني multi ف تقدر تطلع و تدخل فيها بدون اي مشاكل. بس حالتك و الله ما اعرف.

ايوا صحيح كلامك اخوي الكهل
قالوا لي ناس انو مو كثير يدققون ع موضوع السياحية ودراسة لغه..
وحابه اني اختار المعهد بنفسي، واذا اخترت ڤيزا دراسية لازم اجيب قبول معهد علشان أوراق تمشي.

الله يسهلها من عنده، شاكره لك اخوي الكهل موفق يارب.

أخوي او اختي..

اكيد فيه سبب واضح يمنعني عن البعثه طلع بآخر مرحلة، ماله داعي لذكرها.

شاكره لكم خدمتكم.

قريت انو صعب تطلع المتعدد من اول مره، وماني متأكدة ومو عارفه كيف اتأكد من هالموضوع..

مشكوره اختي طمنتيني شوي.

^^^

على حد فهمي لموضوعك فأن وضعك يأيرلندا سيكون كوضع أي دارس على الحساب الخاص وانك قد صرفتي النظر عن البعثه نهائيا نتيجة لظروف خاصة بك منعتك من ذلك!
المشكلة انه حتى من يرغب السفر والدراسة على الحساب الخاص لا بد من يعمل اجراءات ولها شروط كثيره حتى يحصل على موافقة الوزارة له على ذلك ليتمكن من فتح ملف بالملحقية!!
-----
ذكرتي موضوع الاستقرار بسؤالك!
وهذا يعني عدة امور منها السكن وفتح حساب بالبنك الايرلندي!
ولا اعتقد ان الفيزة السياحية تمكنك من السكن بشقة وفتح حساب لأنك بحاجة لخطاب من المعهد واقامة من ادارة الهجره!!!
--------
للتوضيح وكمثال وعن تجربه قديمه عند الحضور مثلا بفيزة دراسيه اكثر من 3 اشهر يعطيك المعهد خطاب لفتح حساب ويعطيك خطاب لاادارة الهجرة لمنحك اقامة تكون مدتها حسب فترة دراستك سواء عدة اشهر اوسنة... وتروح للهجرة وتحصل على الاقامة وبعد حصولك على الاقامة تروح لقسم آخر بنفس ادارة الهجرة خاص بالتاشيرات ويعطونك تاشيرة متعددة للخروج والعودة حسب مدة كرت الاقامة وتنتهي بنهاية الاقامة سواء كانت اشهر او سنة!
------
ومتطلبات السكن بشقه لها اجراءات ومنها خطاب من الملحقية ومن المعهد وقد يطلب كشف حساب ايرلندي!
وبصراحة لا اعلم بالضبط عن المتطلبات للسكن بالنسبة لمن يدرسون على حسابهم الخاص (لكن اعتقد ان ما يهمهم هو ان يكون عندك دخل يكفي للسكن والمعيشه)!!

------

وفقكم الله بمن يفيدكم بالمستجدات لأن خبري عتيق!!!!!!

=====
ملاحظة:
حاولوا الاتصال هاتفيا بسفارة ايرلندا بالرياض واذا اللغة لا تساعدكم على ذلك اطلبوا التحدث مع شخص يتحدث اللغة العربية (عندهم موظفين اصولهم عربيه)!
واستفسروا عن كل ما يتعلق بالفيزة واي امور اخرى قد تفيدكم حاليا ومستقبلا قبل السفر وبعده..... الخ

=====
موفقين.... تحياتي وأفضل تمنياتي.

اخوي الكهل انا ماراح ادرس دكتوراه ع حسابي، انا رايحه لغه ٥ شهور لأن احد أقاربي باقي له ٦ شهور ع التخرج وتنتهي بعثته، فأنا بستغل هذي الشهور في دراسة اللغه، في نفس الوقت بحتاج بتاريخ معين عودة للسعوديه لكم يوم، لو كان بإمكاني دراسة الدكتوره كملتها مع البعثه اكيد لكن فقدت المحرم المرافق وما اقدر اسافر بدون محرم، فالخطه البديله عندي هي اني استغل ال ٦ شهور لتقوية اللغه عندي بالخارج واكمال دراستي في رابغ ان شاء الله.

ولا ارغب في تعقيد الامور بالنسبة للشقه والمعهد، في بالي أحجز بفندق بإلغاء مجاني وحساب بمبلغ معين، لأني ما اعرف اذا بيتيسر لي الذهاب الى دبلن لعمل تأشيرة متعددة او لا.

الوضع شوي حوسه، ومتطلبات الڤيزا الدراسية اكثر تعقيد من السياحية، لهذا مختاره الطريق السهل.

شكراً جزيلاً لوقتك أخوي الكهل.

^^^

OK

لكن للمعلومية إنه الفيزة التي مدتها3 اشهر أو أقل! ما يطلع عليها تأشيرة متعددة!!
وعادة يحددون لك فترة بقاء مدة سريانها من المطار مع ختم الدخول وقد يطلبون منك مراجعة الجاردا (الهجرة) بعد شهر من الدخول للتسجيل لديهم وبدون منحك اقامه منهم!!!
هذا الاجراء كان يعمل به زمان...لكن قد تكون هناك اجراءات ومستجدات تغيرت منذ ذلك الزمان.
وفقكم الله لما فيه الخير لمستقبلكم العلمي والعملي.... تحياتي وأفضل تمنياتي.

ايوا انا اخترت الڤيزا long stay ، وقريت كثير انو المتعدد ماتطلع من اول مره، لكن مو خسرانه شي عندي وقت، بكمل اوراقي واذا رجعوا الاوراق غيرتها حسب رفضهم.. هذا اخر قرار توصلت لك وربي يكتب كل خير.


الله يسعدك ويسهل دربك.

^^^

على حد علمي وفهمي القديم!
المتعدده عبارة عن تأشيرة خروج وعوده تصدر من الهجره(الجوازات) بدبلن!
وهي تشبه تقريبا التي تمنح للعمالة المكفولة عندنا بالمملكة ولكن متعددة الخروج والعوده!
والمتعدده الايرلنديه مثل ما قلت سابقا تعتمد على بطاقة الاقامة الايرلنديه وحسب مدتها من الجوازات(الجاردا أو الهجره) الايرلنديه!
لذلك فأنا أشك في أستخراج متعددة على فيزة سياحية طالت مدتها أوقصرت...وبجميع الأحوال العلم الأكيد والجديد لدى السفارة بالرياض والطلاب المتواجدين هناك حاليا!!!

فيه ناس طلعت لهم ع طول من اول مره، وفيه أشخاص مثل ماتفضلت اضطروا للذهاب إلى دار الهجره في دبلن علشان يطلعون متعددة.

مثل ماتفضلت الاتصال بالسفارة الايرلنديه بالرياض عندهم العلم الاكيد.
راح اتأكد منهم بكره بإذن الله.

شكراً لك.