تجمع طالبات وطلاب التمريض

السلام عليكم ..

عدنااا ..

نزت موضوع منفصل يتكلم عن الاساسيات اللي لازم نعرفها عن مهنة التمريض قبل الشروع في اي تخصص ندرسه ومدى احتياجه في الوطن ..

ارجوا المشاركه من الجميع ..

http://www.mbt3th.us/vb/forum126/thr...ml#post1572698

تحياتي ....

يسلموووو
الله يعطيكي العافيه يارب
دحين اروح اقراه

السلام عليكم ورحمه الله وبركاته , الله يعطييك العافيه على الموضوع . وعن جد كل الناس مسويه تجمعات الا تخصص التمريض

حتى لو بغيت تستفسر ولا تبحث حتلاقي بس موضوع شخص وماتلاقي احد رد عليه

انا مثلكم , بس بكالوريس ان شـاءالله , انا درست تمريض بالسعوديه جلست تقريبـا فتره فيه بس حسيت ان الطاقم التدريس تعبان

او ان احس اني ماتعلمت زين فيه وانتوا تعرفوا شلون دراسه السعوديه عشان كدا قررت اني اسافر بعثه لـ كندا

والحمدالله الله رزقني الابتعاث وماشيين بالدراسه بكندا ع امل ان الله يسهل امورنا ويوفقنــا جميعـا ,,

كل اللي اتمنـاه ان الله يحقق كل مبتغى اي شخص فيكم ويحقق حلمهم باي مكان بالعالم وان شاءالله ترجعوا للوطن

وعندكم المهارات اللي تفجرونها ( على قوله الاخت رسالتي قنبله ) وتفجريها بالوزاره وتصصحيهم ع غفلتهم اللي هم فيـهاا

وأي سؤال او استفسار اسالوا ان شاءالله ماقصر معاكم باللي اعرفه وربي يقدرني عليه
وبالاخير تقبلووا مروري .ودمتم بخير

شكرا اخوي ع ردك وعرضك للمساعده .

يعني انت دحين بتدرس بكالوريس ... مو ماستر ..

طيب في اي جامعه .. في كندا .. انا دكتورتي الا تبغاني اجي كندا بس مشكلة الخبره المطلوبه ما اعرف هل هي اساسية او مجرد شرط لا يؤثر على القبول .. مثل شرط اللغه ..

واكون ممنونه لك لو جاوبتني ع هذا السؤال

وعن جدا نحتاج احنا كوادر تزيل المقاعد المغبره في الوزارة ..

فلن نتطور حتى نتعلم ونعمل ..

تحياتي لشخصك ..

السلام عليكم ورحمه الله وبركاته ,,

اول شـئ انا ادرس بكالوريس , بجامعه يورك . بس انهي المتطلب اللي علي ( واكمل دراستي ان شاءالله بالجامعه ) في مدينه تورنتو

الشي التاني اللي هوا حق دكتورتك . اعتقد انوه مو شرط بس لو عندك خبره هاتيها , بس على مافهمت من كلامك انوه ماعندك خبره

اوكي هاتي معاكي الورقه اللي طبقتي فيها سنه الامتياز وهاتي التوصيات حقتك من الدكتورات ولو فيه دكتورات يقدرونك بالمستشفى خليهم

يكتبوا توصيات لكي حتفيدك والله بعدين بالتقديم وكل شئ , واذا ماعرفتي اي حاجه بالامور دي انا حساعدك فيها من الاولى الى الاخير

وانا اقولك كل ماجبتي اوراق من الكليه حقتك او من دكتوراتك توصيات واوراق وكلام حلوو عنك صدقيني بالجامعات الكنديه هنا تمشي

امورك . انا بعطيك اقرب مثل وهو صاير حاليا , انتي طبعا خريجه كليه محترمه ودراستك من اول سنه لاخر سنه بالانجليزي

يعني هدا اول ماتقدمي ع الجامعات الكنديه يسقط عنك التوفل والايلس مايحتاج تختبريها بحكم ان معدلك حلو شهاتك انجليزيه كليه معروفه

معتمده من الحكومه والتعليم العالي , يعني امورك ماشيه بالتمام اللهم بس جيبي التوصيات حقت الكليه من الدكتورات وتكون كتيره علشان

تقدمي ع جامعات كتيره ودام كان عندك سنه امتياز جيبي اوراق تثبت ع هدا علشان هنا الاوراق الرسميه تعتبر كانها المقابله الشخصيه

يعني كل شي تمام اوراقك تمام توصياتك تمام معدلك كل مايلزمك صدقيني وضعك حلوو بالمره , واي خدمه اسالي لا يردك الا الكيبورد حرف ( ط )

وحكايه انو ننظف الوزاره ااااه بس يالقهر ماقهرني الا الوزير دا لمن حرم الشباب والبنات علشان شهاداتهم دبلوم وبعد كم يوم جاب

ناس من برى نجيرييين وفلبنيات ..............الخ يشتغلون بدالناا . ماقول الا الله يصبرنا بس

بليييييييييز ردوا لي مين اللي يعرف عن ولاية انديانا مدينة ساوث بند

انا مني فاهمه التخصص ده
ياريت تفيديني اكتر
انا ابغا اتخصص نساا وولاده كيييييييييف

استني علي حبيبتي الين الليل ازبطلك موضوع عن كل تخصصات التمريض ..

هو انا خلصت النص تبع الاختبارات وباقي التخصصات لاني ناويه انزلهم مع بعض ...

فرحانه ماعندي دوام مدة ثلاثة ايام ^_^

والله يزقنا جميعا العلم النافع والعمل المتقبل والنجاة من النار ..

اللـــه يديك العافيه ويزقك من واسع فضله .. ويفرج عليك زي مافرجت عليا ..

تعرف انا كنت ابغا اميركا لان دراستها افضل شيء بس لمن صرت معيده اشترطوا عليا قبول مشروط ..

والقبول المشروط صعب من الجامعات القويه في اميركا .. والجامعه ماترسل على قبول معهد ..

ففكرت بكندا لان جامعاتها قويه ع قولت الدكتورة وتعطي قبول مشروط ولاكن مشكلة الخبره خلتني اتردد كثير ...

وبالنسبه لبريطانيا محد ابد مدحلي في دراستهم للتمريض ..

واستراليا حلوه كمان ويمدحو فيها للتمريض فحاليا بشوف استراليا وكندا .. والله يجيب الي فيه الخير

ان بس اخلص كتابة الغرض من الدراسة وامكن ياخد مني اسبوعين ويكون انتهى الكريسمس وابدء اراسل الجامعات ان شاء الله ...

واكيد ما نستغنى عن مساعدتكم .. والله يعطيكم الاجر .. ويزقكم من العلم النافع ..

انا عندي اساله كثيره بس راح اريحك كم يوم وارجعلك ..

تحياتي الخالصه لشخصك ...

السلام عليكم ورحمه الله وبركاته

اول شئ الله يجزاك الجنه ويرزقك الثواب على هذه الدعوه الطيبه

تاني شي . لا تعبتيني ولا حاجه . واسألي قد ماتبغي والله يقدرني وارد عليك بالجواب الشافي اللي يريحك ويسعدك

تالت شي . الكريسمس خلص من زمان . وخلص عيد راس السنه . وبكرا الناس ترجع دواماتها يوم اربعه جانوري
يعني بكرا مداوميين الله يسهل الامور

رابع شئ . متل ماتفضلتي انو امريكا وكندا تعتبر جامعاتها قويه .ودا مو قليل بحق الجامعات الاستراليه بالعكس قويه كمان

ماعندي خلفيه عن بريطانيا .استراليا حلوه بالتخصصات الطبيه متل التمريض وناس كتير هناك حتى المعادلات الدبلوم يعادلوها
حسب ماسمعت وقالوا لي الشباب

خلصي امورك وخلصي من كتابه الغرض من الدراسة وقدمي ع الجامعات عسى اول تقديمه لكي فاتحه خير لكي ولحياتك يارب

اخيرا . اسالي متل ماتحبي الكيبورد قدامك ماعليك الا تنزلي اللي براسك وتطبيعه بصباعك ع الكيبورد ومالك مني الا الرد الشافي
حتى لو ماعرفت صدقيني حسألك وارد لكِ . انا في انتظارك

ومشكوره ع الدعوه الحلوه . ولكي عشر امثالها يارب

تقبلي مروري دمتي بخير وبصحه وعافيه وبالتوفيق ,, اختي