حوار مهنة التمريض وإحتياجاتها المستقبلية في المملكة ..

تسلمي اخت ياسمين,
الشقران: هو جمع أشقر وهو الشخص اللي شعره أشقر ويكون أجنبي وفي معظم الأحيان يكون جنسيته اما أستراليا اوامريكيه اوكنديه ومن هالطقه.
وشكرا

^^^
آهاه يعني اذا شافو ممرض اشقر على طول يثقو في مدى علمه ومعرفته ! يعني صحيح هم شاطرين وفاهمين لوو؟؟

والله اغلب الشقر ماعندهم الا الدجه (اتعاملت مع كثيييييييييييير منهم ولسا اشتغل معاهم) وبعضهم فيهم غباء ودلاخه مو طبيعيه
ويضحك لك ولا كانو سوا شي,وربي الفلبينين احسن منهم عندهم ولاء للشغل ,يمسك الشغلانه
بيخلصها على احسن وجهه مو امانه ولا دين ,بس لانو محتاج الوظيفه ويجري وراها اما الاشقر
ماعليه عارفنا نجري وراه
بس الثقه الي عندهم ..تخلي الغصب يحترمهم ..
لو زبال احترموه وصار فاهم (عقده الاجنبي)

اي والله اخت وحده من الناس هذا صحيح اتفق معاش, هم يفرضوا نفسهم والثقة غلبت الشجاعه عندهم ثقه زايده تخليهم فارضين حالهم,
والفلبينيات احسهم يتوطوا للشغل ماعندهم مشكله وبعضهم فاهمين وشاطرين بس مشكلتهم مره خوافين.

هل استطيع الحصول على قبول بكالريوس وماستر مع بعض؟

في تخصص التمريض؟

تخصص قوي وحلو وانا واحد من اللي يدرسو تمريض في بريطانيااا
ويوجد نقص من ناحية االممرضين الرجال في السعودية

الناس ما خدين فكرة غير عن التمريض
تمشي تقول لواحد ادرس تمريض .. يقولك وش تبي فيه تصير سستر >>> ايش تسوي فيه ذا ههههههههه
والثاني يقلك يا خي قسم عادي ايش تسوي بالله خليك دكتور احسن >>> الله يخارجنآ
المشكلة ناس فاهمين وواعين
بس ما عندهم خبرة فالمجآل
وفي السعودية زي ما قال اخوي ممرض مبتعث
كلامك والله صح وما عليه اي كلام

والاخت الثانية صأدقة ومن حقك يرتفع ضغطك من كلمة سسستر
اتعود الشعب على الكلام هذا
الله يعينك يا رب

ونتمنى يحصل تغير وتتغير الفكرة للناس عن هالقسم الروعة

الله يسمع منكم وتتغير نظرة المجتمع للتمريض والممرضات والممرضين ..............اهم شي الواحد يكون عندو علم وثقافه وثقة بالنفس عشان يقدر يواجه الكل ويوصل للي يبغاه

والله الناس دايم مستخفه بالتمريض مثال من واقع ماواجهته في عملي
ام ولد عمره 10 سنين ولسه جديد مشخصيينه بالسكري فأنا بديت اشرح لها وكيف يصير وايش العلاجات ومن هذه القبيل بعدين تصدمني وهي تقول ماشاء الله عليك شاطره وفاهمه ليش صرتي ممرضه؟ يعني في نظرهم الممرض لايفكر ولايفهم؟؟؟؟؟؟؟؟؟

ثانيه تقول انا اعرف البنات عندنا يشتغلوا مديرات مدرسات مايشتغلوا ممرضات ولا علشان تساعدي اهلك بالفلوس؟

طبعا كدت ان افقدددددددددددددددددد اعصابي لكني اكبر من ذلك بس رديت عيهم رد محترم يرد لي اعتباري


استنوا علينا بس نرجع بشهاداتنا ان شاء الله ونكون قد المسؤولية ونغير واقع التمريض المظلوم والمهضوم ونكون عون ودعم لبعض

آمين ان شاء الله ...

انا اعترف ان مشكلة التمريض هو الكفائه كان لازم يرقوا التعليم ويصير بكالوريس من زمان ويصير في حملة دكتوراه وماجستير ...

لان العلم هو اساس الرقي ..

انا من واقع تجربتي مثل ما قلتي كثير ناس ومنهم الدكاتره كانوا يعاملوني غير عن بقية الممرضات لمن شافوني وحده فاهمه ومايقدروا يتفلسفوا عليا ...؟؟


يعني لو لاحظنا لاول المره السنه هذي اتعدل السلم وممكن الممرض يرتقي ويصير استشاري تمريض ... لو كان حاصل على الدكتوراة

لان والين العام كان الحاصل على شهادة البكالوريس يعامل كفني والدكتوراه كاخصائي ..

فالواحد ليش يتعب نفسو من البدايه اصلا .

بس ان شا ءالله دائما الى الافضل وان كان التقدم بطيء فهو افضل من لاشيء ...

تمنياتي للجميع بعلم نافع وعمل متقبل في سبيل دولة الاسلام الاولى ...

موضوع رائع ابي اطلع حرتي فيه من الشعب الجاهل عندنا[طبعا البعض] زي ماقلتو كل ماقلت لشخص اني بكمل بكالوريوس تمريض يقوول كمان تمريض صير دكتور احسن و امريكا عشان تمريض 0000مايدرون ان هذا التخصص صعب ومتعب
بس مالنا الا الاجر من رب العالمين ونكسب دعوات المرضى 0000