السلام عليكم يا جميلات ،،
الموضوع نايم له فتره قلت اصحصحه شوي
)
احب انبهكم لنقطه مره مهمه في التقديم ،، قلتها قبل ،، بس رح اعيدها لاهميتها
مراسله الدكتور
جدا جدا مهمه انك تراسلي المشرف وتحصلي منه قبول ! في البدايه كنت مستصعبه سالفه الارسال والمقابله وكذا ! واول ايميل ارسلته جاني بعده مغص هههههههه والحمد لله الانتظار ما طول وجاني اول رفض خلال 48 ساعه من دكتور كنت اتمنى العمل معاه بس الحمد لله على كل حال ! وراسلت بعده اربعه بين كل واحد والثاني اسبوع وما جاني ولا رد ! قمت تهورت في ليله من الليالي وارسلت ايميل يمكن لخمسه دكاتره دفعه وحده ! وبعدها بيوم ردت على دكتوره وقالت حياك الله بس التخصص اللي انتي تبينه مو من مجالي تقدرين تراسلين الدكتور الاول "اللي راسلته ورفض" او دكتور ثاني حطت لي اسمه "ويصير طالب سابق للدكتور اللي كنت اطمح اني اشتغل معاه وتقريبا الان يشتغلون على نفس البحوث"
وقالت لي اطلعي على بحوثي وشوفي اذا تبين تشتركين حياك الله !
راسلت الدكتور اللي حطت لي اسمه ومارد (ما يردون هالدكاتره الا بطلعه الروح) فغسلت يدي منه وطلبت اني اقابل الدكتوره (صراحه بحثها جميل جدا بس صعب تطبيقه في السعوديه ! بس كنت في مرحله يأس ) رحت لها (وجاني مغص
) واتفقت معاها !
فجاه !!! رد علي الدكتور اللي عطتني اسمه وقالي تعالي ابي اقابلك !! هنا انا حسيت اني توهقت ! لاني متفقه من الدكتوره ! وحاولت استفيد من خبرات بنات اعرفهم بس ما لقيت حل ) قلت طيب ورحت وقابلته وصراحه عجبني مع انه البحث صغير مقارنه باللي قبله !
هنا كنت افكر ايش المفروض اسوي ! وكيف اقول لكل واحد عن الثاني ! قلت احسن شي الصراحه ! قلت لكل واحد ان جاني عرض من الثاني ! والصراحه انها كانت مخاطره لان ممكن يعتبرونها اهانه وممكن يعتبرونها محفز انهم ياخذوني ! بس الحمد مشى كل شي بشكل سلس والدكتور هو اللي تكفل بالموضوع واتفق مع الدكتوره وريحني من الاحراج !
طبعا لاحظوا ان الدكتور قبلني وعطاني الاوكي قبل ما يعطوني القسم كلمه ! واللي صار ان القسم ارسلوا لي يقولون سوري ما انقبلتي لاننا نبحث عن ناس متميزه وكلام زي كذا ،، طبعا انا كنت محققه كل المطلوب من معدل وتوفل وتوصيات وكل شي .. ومع ذلك ما انقبلت ! بس الدكتور توسط لي وتكلم مع اللجنه وغير رايهم ! وخلال 3 اسابيع جاني قبولي الحمد لله
لذلك جدا جدا جدا مهم اننا نتواصل مع دكاتره لانهم مفتاح القبول بالجامعه !
الخلاصه ،، المراسله جدا مهمه .. وحاولي ان الايميل اللي ترسليه يكون شامل ومختصر في نفس الوقت عشان ما يطفش الدكتور وهو يقرا ،،
مثلا اسمك - دراستك - خبرتك - اهتماماتك البحثيه - ولازم لازم لازم تشرحي له انك مبتعثه وان البعثه تغطي كل شي
برضو شي حلو لما تقولي انك اطلعتي على البحث الفلاني (احد بحوث الدكتور) وانه حمسني اني ابحث في المجال الفلاني مثلا ..
بهالطريقه تثبتي له انك جد تبغي تشتغلي معاه ومتحمسه للمجال هذا
المقابلات تكون عاده غير رسميه مع الدكاتره المشرفين ،، هي غالبا يشوفون اذا مرتاحين لك ويفضل تكوني مجهزه كم سؤال عن احد البحوث ! اذا ما فيه لا مشكله ! بس غالبا رح يسألك كلميني عن نفسك .. فتبدا باسمك وانك سعوديه والعمر ودراستك ،، خبرتك ،، اهتماماتك ،، وتطلعاتك وطموحاتك <-- لازم تكون طموحه ،، يعني انا مثلا قلت ابي اغير البراكتس في الـ NICU في السعوديه وابي ارفع مستوى الخدمات الصحيه
وكان فيه سؤال طعه (وما زال يسالني اياه لحد اليوم ) ليه ما تبغي تاخذي الجنسيه الكنديه وتجلسي هنا !
ويمكن هذا اكثر سؤال فاجئني ! بس الحمد لله عدت على خير
بشكل عام الدكاتره اليفين (الا ما ندر) وحبوبيين ،، واتوقع انهم يتوقعوننا جايين من صحراء فيتفاجئون اننا بهالمستوى وينبهرون وينسون كل شي ثاني
نقطه اخيره ،، هالدكتور يبحث عن طالب دكتوراه الحين ،، اللي تحب تدرس دكتوراه في جامعه تورنتو ممكن اقولها وتراسله عسى ربي ييسر لها قبول
موفقين ودعواتكم
saudi dietitian March 25th, 2012, 07:52 AM
LinkBack URL
About LinkBacks
اتمنى تكونوا بخير,, وتكون اموركم للاحسن من اخر يوم سجلت زيارة في المنتدى.
حبيت اسال عن طريقة ارسال التوصية لجامعة مونت سينت فينسينت في هاليفاكس، هل فيه ابليكيشن محدد او كيف؟
وشكرا لكم[/QUOTE
أهلين بيك ...
على الرابط هذا رح تلاقي ملف وورد سجلت لك فيه اهم النقاط المتعلقة بالتوصيات حسب ما ذكروا في الــ Supplementary Information Package ...
ورفعت لك الكتيب على الرابط هذا لأنو فيه كل النماذج اللي تحتاجيها في التقديم وعناوين الأشخاص اللي ترسلي لهم الأوراق تبعك ...