لأهل المروة والعزة والكرامة والطيبة والنخوة>> تجمع طلاب Clinical nutrition ...

الله يسعدك يا الغالية أماني ... أنا بصراحة طلعت كل الجامعات اللي تدرس الدكتوراة من موقع وزارة التعليم العالي ... بس المشكلة لما جيت ابحث مثلاا الجامعة اللي ذكرتيها في البداية 60% من الشعب الامريكي من البشرة السمراء ... بصراحة اخاف منهم .. مع انه مو شرط يمكن انهم أحسن من البشرة البيضاء ... غير ان الجامعات اللي تدرس دكتوراة في التغذية سواء اللي ذكرتيها او اللي انا ذكرتها كلها حسب معلوماتي في مدن تكتنفها الكآبة.
لكن بصراحة .... شاكر ومقدر مجهوداتك الغير مستغربه من بنوته مثلك تحب الخير ... الله يوفقك ويسعدك ويجعلك نواة خير خير في دنياكي ... وتلااقينها يارب ثمرة في آخرتك.
بالنسبة لإقتراحك .... اشد يدي في يدك وانا معك سواء في جده او في أمريكا إذا ربي يسر لي وكملت دراستي هناك.

الله يوفق الجميع يا رب .

اماني فكره رائعه ورح جد تساعدنا في دنيتنا واخرتنا كمان .. بس اتوقع تحتاج لحد ما نمشي وي في الدراسه ،، بس الان ممكن نسويها بس على سالفه التقديمات والمراسلات وكذا ،، بس لما نتقدم شوي في الدراسه ممكن تتحول الى جزئيات علميه عن التغذيه ،، ورح تكون مره مفيده ان شاء الله

اللهم آمين ..


بصراحة اختيار الولاية والمدينة رح يآخذ وقت طويل بذات من ناحية الآمان واسعار المعيشة وكدا ..


بكل الأحوال خلي بدايتك بالاطلاع على كل البرامج المعترف بيها من الوزارة واختاري كم برنامج (( مثلا 10 او اكتر )) ورتيبيهم حسب افضليتهم بالنسبة لك بعدين اقرءي عن المدن والولايات تبعها ..


ممكن هذا الموضوع يساعدك شوي في البحث :

http://www.mbt3th.us/vb/forum8/thread354012.html



لا تنسي تستخيري كل يوم حتى من قبل لا تقدمي على الابتعاث


اذا احتجتي مساعدة لا تتردي في طلبها ....


أسأل الله أن يعينك على البحث ويختارلك مافيه الخير والصلاح ويوفقك له ..

هي الخطوات صعبة شوي ، ومثل ما ذكرتي تحتاج اننا نتعلم كويس ونتخرج عشان يكون عندنا اساس علمي قوي ومتين وخلفية اوسع عن المجال ...

كبداية اتوقع اننا رح نحتاج على الأقل من كل دولة مابين 10 -30 طالب وطالبة في اكتر من مجال ويكونوا من درجات علمية متفاوته ..

الى ان يكتمل العدد ونحصل على موافقه من الطلاب المشاركين رح نكتفي باللي ذكرتيه في مشاركتك (( التقديمات والمراسلات )) وبس نتخرج على خير نكمل باقي الخطوات ....

حتى لو ربي ما كتب لي عمر اني اكمل معاكم .. انتوا اتعاونوا وكملوه بينكم وباذن الله رح يكون لكم الأجر والثواب ...


بس اهم شي افتكروني بدعوات حلوة وانتو تشتغلوا .....


موفقين لكل باذن الله .....

it's good idea
i am agree with amani
best wishes

اكثر بنتين امنيتي ادرس معاهم هم اماني و saudi dietitian

ان شاء الله نقدر ننفذها على ارض الواقع وبما يرضي الله ...

يـــلا .. شدو حيلكم في الدراسة واتخرجوا وحاولوا تقرؤا كتير عن كل شي متعلق بمجالات التغذية عشان تقوا الباك قروند تبعكم كويس

ويصير عندكم خلفية عن كل شي مو بس الجزء اللي اخترناه في التخصص الدقيق ... >>> يارب انا كمان اقدر انفذ هذي النصيحة >< لسة ما سافرت وحاسة اني كسلانة مدري اش حعمل لو بدءت الدراسة !!!! ....



الله يوفقكم ويسهل دربكم ...

باذن الله نجتمع على خير ... اذا مو في الدنيا ففي الفردوس الأعلى من الجنة برحمة الله ...

اماني لاتقولين اني كسلانه او اي كلمه تحبطك
خليك متفائله مثل مانتي دائم متفائله ومجتهده
والله يوفقنا
ويارب ابتعث

اماني لا تتكسلي ولا تحبطي ،، وتاكدي ان الغربه صعبه وفراق الاهل صعب ،، حطي في بالك انك لسى ما شفتي شي وكل مرحله عن مرحله اصعب !

انا تخيلي فتره تقديمي عالجامعه ابوي مرض وفتره قبولي ابوي توفى الله يرحمه ،، وكنت في حاله نفسيه سيئه جدا وتجيني المسؤوله عن البرنامج وتقولي ما عمرنا قبلنا سعوديين وما اتوقع رح نقبلك !!! وحتى لما انقبلت قالت اتوقع انتي اول واخر وحده !!! وتخيلي انقبلت الحين بنت سعوديه ثانيه - ما شاء الله -و رح تبدا في سبتمبر ان شاء الله ،،

كل مرحله في البعثه تتوقعيها اصعب شي ! من الترتيبات قبل السفر - اللغه - اختبار اللغه - التقديم - القبول - البدايه الفعليه في الدراسه ! جد الى الان كل ما تجيني مرحله اقول هذي الاصعب ! ولما تجيني المرحله اللي بعدها اقول الله يحلل اللي راحت هههههه

فلذلك دايم خلي فيه طموح وفيه هدف قدامك وتاكدي ان هالفرصه كثير يتمنونها وما تحصل لهم ! ومهما قالوا لك القبول صعب ما فيه شي اسمه مستحيل مع الدعاء

بنيه ،، ربي يسعدك ويشرفني ادرس معاك


على فكره بنات ،، فيه دكتوره في جامعه تورنتو ممكن تقبل طالبه ،، صراحه دراستها حلوه بس انا شكيت في حكمها الشرعي واعتذرت ،، هي بحثها عن بنوك الحليب وهل يحتاج الحليب يتعقم او لا قبل ما ينعطى للخدج ! اللي تبغى تتراسل معاها تكون مستخيره ومفكره كويس في سالفه بنوك الحليب ،، لاني انا ما فكرت فيها كويس واضطريت اعتذر (وما كان شي حلو ابدا ) ! ولولا توفيق ربي كان يمكن هالحركه الغت قبولي نهائيا ! اذا احد مهتم بالموضوع ممكن ارسل له معلومات عن الدراسه وكذا