لأهل المروة والعزة والكرامة والطيبة والنخوة>> تجمع طلاب Clinical nutrition ...

بنات وينكم مافي احد يرد علي��

ابشري بعزك....

بالنسبة لامتحان الجي آر ايه حسب ما فهمت انه مهم في كل الجامعات اللي تمنح درجات علمية في التخصصات الصحية بس فيه شغله حلوة : فيه جامعات شارطة انك تجتازي الامتحان بدرجة معينة وفي جامعات تانية مو محددة درجة المهم عندهم انك تدخلي الامتحان وخلاص ..

اما عن القبول المشروط فالى الآن ما عرفت غير الجامعة اللي في دالاس بس مو قادرة اوصل معاهم لنقطة محددة : يعني لمن سألتهم قالوا ايوا نعطي قبول مشروط بس لازم كل الطلاب تنطبق عليهم الشروط الاساسية اللي منزليها في موقعهم (( تبع درجة التوفل والجي آر ايه والمعدل ...الخ )) ..

ماني عارفة احس انه الشغلة نفسها نفسها بس انه فيها لفة...

لازالت الموفاوضات مستمرة ..وباذن الله اذا وصلت لنتيجة اخبركم ...

مرررررة اسفة لاني اتأخرت عليك في الرد ..

الوظايف الاكاديمة تعتمد على حسب احتياج الجامعات السعوية : وفي الغالب يتم الحصول عليها عن طريق الواسطة ....

كل فرع من فروع التغذية له مجالات وظيفيه كتير غير القطاع الصحي ... مو فاكرةالصفحة اللي ذكرت فيها معلومات عن الوظايف او امكني كتبتها في موضوع تاني غير هذا ..

على كل حال اذا حابة تعرفي المجالات الوظيفية المتاحة : لمن تدخلي على موقع اي جامعة امريكية وتقري عن البرنامج تبعهم تلاقيهم حاطين جزء خاص عن الوظايف اللي ممكن يشتغلو فيها خرجين القسم عندهم
اطلعي عليها ممكن تعطيك فكرة ... بس لاتنسي تتأكدي اذا كانت هذي المجالات فعلا متاحة في السعوية او لا ...


موفقه لكل خير باذن الله ..

يسلمو اماني ع الرد..

^_^..................

اهلا وسهلا بكل الصبايا =))

انا رحت اجازة للسعودية وانقطعت عن الموضوع ... والحين رجعت كندا

كيفكم؟؟ ان شاء الله عندكم تطورات حلوة ؟؟

اماني ،، كيف اللغة معاك ؟؟

الحمد لله على وصولك بالسلامة


واللغة ماشي حالها >>> تسلم عليكي ^_^

لسة ما اختبرت الايلتس ..

مو عارفة كيف اختبره .. ماما قالت لي ارجعي السعودية واختبريه احسن من انك تلفي في امريكا لوحدك ..

فحاليا جالسة ادور على مراكز معتمدة في السعودية عشان احجز فيها ... ومن بعدها بشوف طريقة ارجع بيها السعودية وربنا يسهل ....

شكرا على سؤالك ..

وفالك التوفيق انت وجميع الاخصائيات باذن الله ^_^...

موفقه امونه :* ربي يوفق كل الاخصائيات يارب بالقبول والنجاح والتخرج الممتاز يا رب =))

السلام عليكم
انا حابه اسأل عن تخصص تغذيه درجة بكالوريوس في جامعات كندا
1-بغيت اسماء الجامعات اللي يوجد بها تخصص تغذيه وياليت يكون للجامعه معهد لتعلم اللغه
2-ماهي الأقسام التي تندرج تحت تخصص تغذيه في الجامعة
3-وهل اقدر اقدم على الجامعات بها لفتره
وياريت ماتطولون
واتمنى أني ما ثقلت

ابحثي في ائمة الجامعات الموصى بها من الوزارة على هذا الرابط ..

الجامعات الموصى بها

اكتبي كندا : واكتي اسم التخصص تبعك وبتطلع الجامعات كولها المعترف بيها ..


وباذن الله تلاقي منها اللي يناسبك ..

حاولي تعتمدي على نفسك وتبحثي .. لا تنتظري احد يقدم لك معلومات جاهزة ...

اكيد ما رح نقصر معاك باللي نقدر عليه بس انت كمان لازم شوية تشتغلي على نفسك ...

وفي الدكتورة Saudi dietitian اكيد ما رح تقصر معاك في اللي تعرفه عن كندا ..

بالنسبة للأقسام المدرجة تحت تخصص التغذية ومواعيد التقديم تلاقيها في نفس موقع الجامعة ..

يعني مثلا اذا اخترتي جامعة معينة ادخلي شوفي خطتهم الدراسية كيف واش الشروط تبع القبول عندهم ومتى موعد التقديم لأن هذي المعلومات تختلف من جامعة للتانية ..

وفالك التوفيق باذن الله ..