لأهل المروة والعزة والكرامة والطيبة والنخوة>> تجمع طلاب Clinical nutrition ...

ياحلوين..

أحد جرب يبحث بغير الكلينيكال نيوترشن .؟ وطلع معاه نفس البرنامج يعني تغذية علاجية بس المسمى غير..؟

زي مثلا Dietetics, Nutrition and Food Systems
أو غيرها ..
بليز فيدوني .. يمكن نلاقي فيها قبول أسهل من اللي بمسمى الكلينيكال نيوترشن وتكون نفس المحتوى ..

انتظركم

وشو الكلمات هذي :

wes + وايست تينيسي

ما فهمت ...

السلام عليكم ورحمة الله وبركاته


اعتذر عن انقطاعي الطويل بسبب ظروف الدراسة


اللي بيسأل عن برامج التغذية بمسمى Clinical Nutrition يرجع للملفات اللي رفعتها في الصفحات الأولى .. كتبت فيها شرح مفصل عن الخطة الدراسية واسماء البرامج والناس اللي تراسلوهم عشان تستفسروا ...
وفي الدكتورة saudi dietitianجزاه الله ووالديها بالفردوس الأعلى من الجنة اتكلمت بالتفصيل عن جامعات كندا .. بس ارجعوا للصفحات القديمة .. تراها ما انكتب لعب او فضاوة .. كل حاجة ما انحطت فيها الا بعد تجربة وبحث استمر لشهور..

بالنسبة لموضوع القبول المشروط .. من خلال تجربتي ...

القبول المشروط الجامعات تمنحه للطلاب بعد ما يجتازوا التوفل بدرجة 83 ومافوق

بعد ما يقدم الطالب وتكون كل الشروط منطبقة عليه يعطوه قبول مبدئي بشرط انو يجتاز الكورسات التكميلية (الاجبارية) زي الاحصاء والكيمياء الحيوية وغيرها ...

++ يعني مافي مفر لازم توفل ++ واغلب الجامعات هنا ما تقبل الا توفل حتى الآيلتس مافي الا امكن جامعة او اثنين اللي تقبله ماني فاكرة بالضبط

بس كل اللي فيها تغذية اكيلنيكية تبغى توفل ...

++ في جامعة وحدة تدرس برنامج تغذية بس ماهو Clinical nutrition شي تاني اعتقد انه نيوتريشن ساينس او حاجة زي كدا

هذي الجامعة الوحيدة اللي قالت لي نعطيك قبول مشروط باجتياز اللغة بس لازم اجيب درجة معينة في اختبار GRE اذا جبت هذي الدرجة يقبلوني في معهد اللغة حقهم وبعد ما اجتازة اكمل في جامعتهم ..




+++ طيوبة+++ انا رفعت ملف قبل كدا فيه كل اسماء تخصصات التغذية تقري ترجعي للملف هذاك وتنسخي الاسماء في موقع الجامعات الموصى بها...
جامعات امريكا مليااااانه تخصاات تغذية بكل اشكالها ..


بس اللي يبغى Clinical Nutrition ترى اغلبهم يبغوا توفل 83 ومافوق .. والقبول المشروط يمنوحه للطلاب بعد ما يخلصوا اللغة ويجتازوا التوفل : والشرط تبعهم هو اجتياز المقرارات التكميلية ...


++ ماء السحاب+++ انا من زمان كنت ادور في بريطانيا بس اللي وصلت له من عملية البحث انه مافي غير 3 جامعات تمنح درجة الماجستير في Clinical nutrition

امريكا فيها جامعات اكتر __ ام استراليا فماعندي اي خالفية عنها ..باذنن الله تلاقي احد درس هناك ويفيدك ..

بس ان كان تبغى في امريكا شد حيلك وجيب التوفل من بدري ..والملفات اللي رفعتها من قبل فيها معلومات مفصلة عن جامعات امريكا اللي في ماجستير تغذية اكلينيكية


ان شاء الله تفيدكم هذي المعلومات...

واذا ما كانت الملفات شغالة ابعثوا لي رسالة ع الخاص ورح احاول ارفعها تاني باذن الله..


وبالتوفيق للجميع ...

شكراً أمـاني

الله يسعدك
راح افكر في أمر التوفل بدلاً عن الايلتس
يارب خذ بـايدينـا إلى كل خير

مرحبا جميعا ،، زمان جدا على الموضوع ..

اتمنى الكل حصل قبولات وتوفق =))

ماء السحاب ،، هذا موضوع سابق لي عن التوفل من بعد تجربتي فيه ،، لو حاب تاخذ فكرة عنه

http://www.mbt3th.us/vb/forum52/thre...#axzz2M4FepAu2

طبعا انا ما اعرف انت وين حاب تقدم ،، بس في كندا غالبا يطلبوا ٩٠ وفوق للدراسات العليا

موفقين جميعا

موفقين بحول الله وقوته

مكتب القبولات اللي اتعامل معه اخبرني انه ممكن يوفر لي قبول في استراليا
ولكن مدة الدراسة سنتين للماجستير

ما رأيكم احبتي

لا استغني عن رأيكم

اخوي ماء السحاب ،، انظر للمواد التابعه للقسم والمجال البحثي الخاص بالقسم .. هل هو كلنكال (وهو غالبا رح يكون كذا ) او تابع لعلوم الاغذية وكذا .. وبعدين القسم تابع لاي كليه ؟؟

اما بالنسبة لتخصصك في البكالوريوس ،، ما فهمت هل تقصد عادي من ناحية السعودية والا من ناحية الجامعة ؟؟

اذا الجامعة فعادي جدا ،، معاي ناس تخصصاتهم مالها اي علاقه بالتغذية ومقبولين وماشيه امورهم في الدراسة

اما بالنسبة للسعودية فما اقدر افتي لك بس اتوقع عادي

اذا مره حايس تقدر تحط الاقسام ونتناقش فيها مع بعض

هذا موقع الجامعة اللي اقول لكم وجدت التخصص فيها

Oxford Brookes University homepage - Oxford Brookes University


اسمهـا :

OXFORD Brookes University


ارجو منكم الاطلاع الله يسعدكم
ما استغني عن استشارتكم

لكم مودتي و شكري