لأهل المروة والعزة والكرامة والطيبة والنخوة>> تجمع طلاب Clinical nutrition ...

اقل شي عطونا رد واحد تكفووون

قبل وضع اي سؤال برجاء مراجعة الصفحات الاولى في الموضوع لان فيها شرح مفصل عن الجامعات المعتمدة من الوزارة وتدرس تخصص تغذية علاجية

التغذية لها اكتر من فرع وسبق ان عملت لسته بكافة الفروعات ارجعوا للصفحات القديمة واقرؤوها ان حابين تلاقوا رد لاستفساراتكم

الفرق بين Clinical Nutrition وDietetics ايضا تم توضحيه وبالتفصيل ,,,, لازم ترجعوا للصفحات وتقرؤوها كويس قبل وضع اي استفسار في الموضوع ...

بالنسبة لما يتلق بالقبول المشروط فلازم مراسلة الجامعه نفسها وبالتحديد رئيسة او رئيس القسم للتأكد : عن تجربة شخصية راسلت مكتب القبول والستجيل في الجامعه وقالولي يعطوا قبول مشروط وبعد ما سفرت للولاية وكلمت رئيسة القسم قالت لي ان الكلام هدا مو صحيح واللي اعتذرت مني عن المعلومات الخطأ اللي اعطاني هي مكتب القبول والتسجيل في الجامعه نفسها...

اللي لسه ماحدوو الجامعه اللي يبغوها ولا الدولة هدي الخطوات لازم يسوها وسبق ان شرحتها في موضوع مختلف ليا انا طرحته في سنة2012

1. لازم تعرف التخصص اللي تبغاه بالضبط وتحدد هدفم في الحياة وايش تبغى تصير وفين تبغى تشتغل بعد التخرج
2. ادا حددت التخصص ومجال العمل تدخل علىموقع الوزارة وتدور على الجامعات المعتمدة واللي تددرس هدا التخصص
3. تعمل جدول مقارنه بالجمعت اللي لقيتها كولها : الجدول يتضمن ساعات الدراسة والمقراات المطلوية ، ادا كان مطلوب بحث اورسالة ماجستير او بس كورسات، اسم الدولة والمدينة، وشروط القبول
4.بعدين تبدأ تبحث عن معلومات عن الولايات والمدن اللي لقيت فيها الجامعة ,, رح تلاقو مواضيع كتير تتكلم عن وصف المدن ونسبة الامان وغلاء المعيشة وممكن تتواصلوا مع اعضاء في المنتدى متواجدين في نفس المدينه اللي لقيتوا فيها الجامعه وتستفسروا منهم عن وضع المدينة... او ممكن تواصلوا مع النادي السعودي التابع لنفس الجامعات اللي اخترتها بشكل مبدئي
5. تحددوا القرار النهائي بعد الاستخارة وطلب العون من الله .. وتتوكلوا على الله وتقدمو على معهد في نفس المدينه وقريب من الجامعه
6. تحدووا امكان الفندق والافضل يكون في نفس المدينة وتعملو جدول باسماء المباني السكنية المتواجدة في المنطقة: وفي الجدول هدا تحطوا اسم كل مجمع والموصافات الموجودة فيه واسعاره..
** كيف تدورا على فندق امن : في محر البحث قوقل تكتبوا فنادق في مدينة .(.....) وتطلع لكم محركات بحث خاصة بالبحث عن فنادق وتحددو مدة الاقامة المبدئية وعدد الاشخاص
وبعدها تاخذوا اسم الفندق وتدخلوا على الموقع تبعهم وتشوفوا الصور ورقم التلفون والايميل والعنوان واصعار الاقامة... تقدروا تحجزوا من السعودية قبل السفر وتطلبو سارة تخدكم من المطار بالشنط الى الفندق مباشرة

* كيف تدوروا على سكن: تكتبوا في قوقل شقق في مدينة (....) ، وتطلع لكم لسته مجمعات بالصور من داخل الشقة.. تفتحوهم واحد واحد وتقرؤا المميزات والاسعار ، يحتاج تعملوا جدول عشان معلوماتكم تكون منظمة وسهل انكم تقارنوا المجمعات مع بعض
ما انصح تحجزوا شقة وانتو في السعودية لانو لازم تشوفوا الجدرن كيف ونوع الخشب والارضيات في المطبخ والحمام ونوع البساط والشقة في اي دور ،، شكل العمارة على الحقيقة وشكل الشارع حول العمارة ، مستوى الضجيج وحاجات تانية لازم تنشاف على الواقع ...



اتمنى المعلوماتت تكون مفيدة .. واختم بنصيحة :
مافي احد يقدر يقرر عن احد نوع التخصص والدولة والمدينة والشقة.. كل واحد ادرى بظروفه وبقدرات العقلية والامكانيات اللي عنده وعند عائلته
القرار اللي تقرروا الان رح تترتب عليه الوظيفه ومكان السكن اللي رح تختارهم وتحصل عليهبعد ما ترجعوا من السفر للسعودية بشهادات التخرج
الاستشارة حلوة .. والاستخارة أهم ... لكن اللي ما قرر ايش اللي يبغاه من حياته لا يتوقع انو القرار اللي الناس الاغراب يختاره له رح يناسبه ....
اقرؤوا وابحثوا وقرروا بشكل مبدئي .. حطوا خطط وسوو جداول .. رح تلاقوا الاجوبة المناسبة بأنفسكم بدون ما تنتظروا رد الناس ...

موفقين بادن الله

السلام عليكم ورحمة الله وبركاته..
اولا مرة شكرا يا اخت اماني على هالموضوع الرائع من زمان وانا ابحث عن مثل هالموضوع..

ثانيا انا خريجة تغذية علاجية.كلية العلوم الطبية التطبيقية.جامعة الملك سعود . اطمح للابتعاث لاخذ درجة الماجستير واختبار RD..

ثالثا انا تعبت وانا احوس وابحث عن جامعة تحتوي على تخصصنا وتكون في ولاية هادئه وفي نفس الوقت من ضمن ال 200 جامعة اللي فاتحينها الابتعاث لنا ..

رابعا اخوي الكبير الله يجزاه خير بحث لي عن الجامعات اللي فيها تخصصنا او تخصص مقارب وارسل لي هاللينك ارجوا ان يفيدكم ويسهل بحثكم.. وقولوا لي ايش توصلتم له.. على فكرة انا من المرحلةالعاشرة. .

هذه لستة برامج الدراسات العليا في التغذية من موقع الهيئة اﻷمريكية للتغذية...لاحظي التوزيع بحسب الولايات...وايضا في مجموعة من البرامج في كندا (نهاية اللستة)..
http://www.nutrition.org/education-a...ram-directory/

توني استوعب ان هالموضوع من 3 سنوات تقريبا

ربنا يوفقك ويسهل أمرك..
بس فيه نقطة جبيت انبهك عليها لانو انا كمان كان عندي نفس المخطط .. بالنسبة لاختبار الrd
تقدري تدخليه وفيه دورات تدريبيه عليه .. بس ما رح تستفيدي من الترخيص الا ادا كنتي رح تشتغلي في نفس الولاية اللي دخلتي فيها الاختبار ..
بمعني : ادا اختبرتي في ولاية معينة الرخصة للي تحصلي عليها تخولك انك تشتغلي في نفس الولاية فقط..
في السعودية ما رح يقبلوها .. لازم تدخلي اختبار الهيئة الطبية للتخصصات الصحية وتاخذي الرخصة السعودية تبعهم عشان تشتغلي
ولو تبغي تشتغلي في اي دولة تانية عربية او اجنبية لازم تاخذي اختبار الهيئة تبع الدولة هدي فقط وتشوفي القوانين تبعهم

مهم جدا الجامعة اللي تقدمي عليها تكون معتمدة من هية التغذية الامريكية لانو بعد ما تخلصي رح تحتاجي تعملي معادلة للشهادة تبعك .. وادا الجامعه ما كانت معتمدة منهم شهادتك تتعادل على انها تغذية عامة مو تغذية اكلينيكية

الموضوع هدا من زمااان فتحته وحطيت فيه كل المعلومات اللي اعتقد انها ممكن تكون مفيدة للمتخصصيتن في هدا المجال .. عشان كذا كتبت في الردالسابق ارجعو للصفحات الأولى واقرؤها بتمعن قبل تضيفوا اي سؤال

السلام عليكم ورحمة الله وبركاته...
مشكوووورين على المعلومات القيمة..
جزاكم الله الف خير..
انا خريجة تغذيه علاجية وطلعت ب اكمل الماجستير ب اذن الله اللحين خلصت لغه وباقي اختبر احاول اجيب الدرجات المطلوبه في التوفل و الايلتس و GRE ولكن الاختبارات زي ماتعرفون شوي صعبه ف اذا احد دخل ماستر تغذيه علاجية وحصل قبول سهل او انهم تغاضوا عن بعض المتطلبات في امريكا يفيدنا جزاه الله الجنه،، طبعاً معظم الجامعات تطلب يكون عندك GRE 300 وهذه الدرجه ماتجي بسهوله ف بعض الجامعات تراعي وتقبل اذا احد جرب جامعه قبلته تغذيه علاجية بدون GRE او Gre اقل من 300 يفيدنا مشكورا..

- - - مشاركة محدثة - - -

كذلك اذا فيه احد دخل جامعة east tennessee university state
يقولنا هل هم طالبين GRE او قبولاتهم سهله لانه في الموقع مو كاتبين درجه معينه ولما كلمتهم قالو لازم 300
ف لو احد مجرب يفيدنا

السلام عليكم ورحمة الله وبركاته

أخواتي الفاضلات تحيه طيبه وبعد..

فضلا ليس أمرا تعبئة ونشر هذا الإستبيان الخاص ببحثي لمرحلة الماجستير.. هذا الاستبيان فقط لطالبات الجامعة

أهم قسم هو (التغذيه وفروعه) لطالبات جامعة الملك عبد العزيز، الطائف، وأم القرى..
وباقي التخصصات أتمنى منهم تعبئةالاستبيان أيضا.

أختكم طالبة الماجستير/

http://goo.gl/forms/cGfuQ7YzLe


اخواتي الفاضلات فضلا وليس امرا .. اذا لم تنطبق عليك شروط تعبئة الاستبيان اعادة ارساله ونشره .. مشكورين وجزاكم الله خير

السلام عليكم ورحمة الله وبركاته
جزاك الله خير على جهدك والله يوفقك ويكتب لك الأجر ، ثلاث سنوات من العطاء

بحثت في الجامعات الموصى بها عن ماجستير التغذية السريرية وماحصلت الا 13 جامعة فقط ، وطبعاً كلها رفضت تعطيني القبول المشروط مع العلم ان معدلي عالي جداً
المهم
بعد ما بلغت إدارة الابتعاث بعملي برفض الجامعات ، سمحولي بتغيير التخصص إلى Dietetics
الا ويردون علي جامعة EAST TENNESSEE STATE UNIVERSITY في مدينة JOHNSON CITY
قالو تعال حياك الله خلص برنامج اللغه ويحله ربك
عاد الحين بلشت لأن الكل يتكلم عن تينيسي وعن خطورتها
ونا بين نارين وأبي شوركم
الأول : هل اغامر و ادرس اللغه في هذي الولاية وادخل هالجامعة مع العلم اذا شديت حيلي اقدر اختبر ايلتس و ادور على جامعة افضل .
الثاني : هل اقدم على الجامعات الي فيها تخصص dietetics لأنها أكثر وخياراتها اوسع مع العلم إني ما راسلتهم حتى الآن ولا أدري وش متطلباتهم .

ابي رأيكم ... و لو سمحتو ممكن ترشحون لي جامعة جميلة في تخصص dietetics

اخت اماني ارسلت لك عالخاص اتمنى تقرينه