لأهل المروة والعزة والكرامة والطيبة والنخوة>> تجمع طلاب Clinical nutrition ...

لقيتكم محتارين اكتر مني,, بعد ماقرات كل الاضافات.
الله يوفق الجميع ويختار لكم اللي فيه الخير.

رجعت حابة اضيف شغله يمكن ما احد اهتم فيها باعتتبار الاغلب مختار الدراسة في امريكا.
بريطانيا تعتمد على البحث ثم البحث ثم البحث.. يعني قراءة تلخيص ومتابعه مستمره لكل جديد. واغلب الجامعات تشترط النجاح في الاختبارات للترم الاول عشان الطالب يقدر يستمر في الدراسة.
لكن امريكا حسب ماقرأت بداية ابتعاثي انها منهج اكاديمي يعني امممم تخرجين اكاديمين.
في الاخت اللي مبتعثة على مدينة (نيوكاسل) ..اعذروني ماحفظت الاسماء.. المهم انه تخصصات مثل : الرياضه والتغذية او غيرها اتوقع انها حلوة واشجعها انه تكمل فيه .. لانه بصراحه في تخصصات كثير حلوة عندهم ولها علاقة بالغذاء ومحتاجينها في السعودية او البلدان العربية..
درست في بريطانيا لسنه وشويا وشفت كيف مجال التغذية عندهم والاهتمام فيه والكتب والمراجع الموجوده واكيد لاحظتوا بس عدد الاقسام او التخصصات في كل جامعه وكيف متشعبة. اتمنى انه الوضع يتغير عندنا,بمقارنة بسيطه وانا ماكملت دراستي حسيت انه محتاجين دراسات سنوية وابحاث وجمعيات وغيرها. جربت اشترك في منظمه سعودية عن التغذيه ناسية اسمها ,, على اساس اتابع الدورات او المؤتمرات اللي تصير خاصه بالتغذية لكن للاسف مافي شي. كنت اتمنى انه ارجع لاحد في التغذية يفيدني واقدر اسال ويجاوبني برحابة ,, يمقن تعبت ويمقن لا هههههههههه

صارت مساحة فضفضة ,, مره اسفه اذا اطلت.

حسيت بالمسؤولية فجاه وحبيت اساعدكم او اكتب اي شي ممكن تستفيدوا منه ... لا تحيروا انفسكم بزيادة. حددوا نقاط مهمه عندكم مثلا المواد او الموديولز ,طريقة التقييم, اسم التخصص في الشهادة لانها فيه دبلوم وفيه غيره, التخصصات بحر عندهم. اذا مالقيتوا اجابتكم في المنتديات اتجرأوا وارسلوا للجامعه وانقلوا لنا ايش استفدتوا .. لانه كلنا في نفس المركب.

ندرس ونستمتع ,, نستفيد ونترجم المعلومات اللي اخدناها اعمال...
انتظر اسمع منكم اخبار حلوة ان شاءالله,, واللي حاب يسال عن بريطانيا باذن الله اقدر افيده وماشاءالله اماني ماقصرت ,,الله يعطيك العافيه.

وعليكم السلام ورحمة الله وبركاته
حياك الله معنا في الموضوع ..وأشكرك على روحك المتعاونة وان شاء الله لك الأجر والثواب
بالنسبة لتخصص الاقتصاد المنزلي حسب ما عرفت انك تدرسي مواد تكميلية حسب ما تطلب الجامعة منك وبعدها تقدري تكملي عادي في اي تخصص من تخصصات التغذية ....
شهادة أخصائي التغذية ((RD )) لمن سألت عنها في وحدة من الجامعات اللي راسلتها عرفت انها اختيارية
يعني انتي تدرسي الماستر تبعك وتتخرجي بعدين تحضري لهذا الاختبار زي ما تحضري للتوفل او الجي آر إي ..
واللي فهمته من كلام الموظفه انو فيه مواقع تقدم نماذج من الاختبار عشان تتدربي عليه .. وتقدري تدخليه أكتر من مررة ... الشهادة هذي ممكن تساعدك في التوظيف بس ..
أما عن نقطة الحفظ فعندنا وعندك خير .. في بالي حاليا كم نقطة ناوية اني اجربها باذن الله اول ما اسافر وان شاء الله تزبط معايا ..

--أستعيني بالله وأتوكلي عليه .. وقولي الأذكار اللي تساعد على الفهم والمذاكرة والحفظ ...

--سمي بالرحمن قبل تقري اي صفحة في المذكرة او الكتاب تبعك ...

--أستودعي الله اي معلومة قرأتيها او حفظتيها..

--اذا عندك اوراق المحاضرة الجديدة أقرئيها قبل لا تروحي الجامعة وترجمي الكلمات اللي ماعرفتيها ...

--سجلي الشرح تبع المحاضرة واسمعيه لمن ترجعي البيت ... حتى بعد المذاكرة أرجعي أسمعيه كم مرة ...

--أقرئي المحاضرة اللي تبغي تذاكريها وأفهمي كل فقرة فيها قبل لاتبدئي في الحفظ ..

--اذا كنتي من النوع اللي يحفظ بالخرائط الذهنية فحاولي تعملي خريطة للمحاضرة بنفسك بالطريقة اللي تريحك والألوان اللي تعجبك ..(( تزبط معايا مرة وعشرة لاء .. يارب انتي تزبط معاك ))

--انا اتبع طريقة التكرار في الحفظ من يوم ما كنت صغيرة .. بصراحة تآخذ وقت مررة طويل .. لكن للأسف ما اعرف احفظ بطريقة غيرها ...

--صلي قيام الليل ... وطولي في السجود وأدعي انو ربي يفتح عليك فتوح العارفين ويسهلك مذاكرتك..(( وافتكرينا بدعوة حلوة معاك ))

--وحاولي تحفظي القرآن كل يوم خذي مثلا كم آية وأقرئيها في كل الفروض والسنن ، بصراحة احس اني لمن كنت في حلقة تحفيظ القران في ايام المدرسة وكنت احاول احفظ بعض السور واذاكر المواد تبعي في نفس اليوم كنت اجيب درجات اعلى من اللي جيبتها أيام الجامعة بعد ما وقفت الحفظ مع اني برضو كنت انسى المعلومات لكن هي بركة كلام الله ...

هذي النقاط اللي في بالي الآن ان شاء الله تستفيدي منها .. ولو عرفتي اي طريقة جديدة ممكن تساعد في الحفظ الله يسعدك اسعفيني بيها لأنو آلزهيمر شايف شغله معايا تمام ...

السلام عليكم ورحمة الله وبركاته << من جديد

مرحبا أخواتي

هاا اخت اماني ايش صار معك قدرتي تسالين الوزارة اذا تقدرين تدرسين فيها ماستر

انا بنسبة لله ونسال الله التوفيق قررت أدرس في معهد لويولا في شيكاغو ثم التحق بجامعة روش

وجامعه روش مافيها معهد للاسف والا كان التحقت فيه

ام بنسبة للبرنامج ماقريت عنه حيل لقصر اليد في اللغة بس اتمنى ان يكون قوي

موفقين جميعاً

مرحبا أماني اسال الله ان ييسر أمرك في خير

على مااتذكر في ملتقى الخبر

طرح سؤال بنفس مشكلتك أن انك تنوين الدراسة في درجه البكاليوريس وأنت ذاهبة لدرجة الماستر وكان ردهم بأنه لايمكن

والله ماودي احبطك خية بس هذا اللي صار وعشان وقتك ما يضيع اكثر نصيحة أخويه شوفي جامعه تطرح درجه الماستر

أم على كلامك بخصوص معادلة الشهادة فانا خريجة تغذية وعلوم أطعمه من جامعة الملك فيصل فاتغذية العلاجية احد مسارات تخصصي والا لا

اذا ممكن سؤال / انا عندي شهادة التدريب في مستشفى في رايك هل تخدمني في وقت التقديم للجامعة

وشئ اخر اذا قرتي عن جامعة رووش ايش رايك في البرنامج المطروح

ونسال الله ان ييسر أمرك وامرنا في خير

أشكرك على النصيحه ...

انا برضو سمعت الكلام هذا في الملتقى في جدة بس مدري ليه متعلقة بهذي الجامعة مع انو دراستهم صعبة شوي وانا عندي مشاكل في الحفظ ...

من بداية البعثة وانا استخير كل يوم وأعدي على كل الجامعات في موقع الوزارة .. وارجع لها تاني ماني عارفة اش المشكلة ..

أسأل الله أن يكتب لي القبول فيها ان كان لي خير ويكرهني فيها ان كان في دراستي فيها شر ....

>>> حسب ما فهمت انو المتخرجين من اقسام التغذية (( تعتبر اقسام التغذية بكل انواعها >>يعني تتضمن التغذية الاكلينيكية << امتداد للتخصص تبعهم )) والله اعلم ..

>>>أما عن شهادة التدريب : فأنا لو مكانك أرسلها مع الأوراق لأنك رح تكتبي في السيرة الذاتية تبعك انك اتدربتي في مستشفى فصورة من شهادة التدريب رح تثبت هذا الشي ...

انا عندي شهادة الامتياز (( سنة تدريب اجباري في المستشفيات )) رح أحطها باذن الله ... لأنها تعتبر من متطلبات التخرج في جامعتي ((ما كنا نقدر نستلم وثيقة التخرج غير لمن يشوفوا شهادة التدريب)) ...

>>> أطلعت على الخطة الدراسية تبع الجامعة .. ماشاء الله حلوة .. وكل المواد اللي فيها مهمة وباذن الله رح تفيدك كتير بعد ما تتخرجي ...

ْXXXXXX هذا رئيي الشخصي ، أنا ما جربت أدرس فيها من قبل ، انتي استخيري أكتر من مررة وشوفي اش اكتر شي يناسبك...


-- حطي كل الجامعات اللي عجبتك بشكل مبدئي في ملف لوحدها وبعدين صلي الاستخارة .. وقارني بين الخطط الدراسية وشروط القبول تبعهم ... وارجعي صلي الاستخارة ...

بعدين رتبي الجامعات حسب افضليتها في وجهت نظرك ... وبرضو صلي الاستخارة تاني...

(( انا عن نفسي مو ضامنة مقعدي في الجامعة .. فحطيت ليه اكتر من اختيار على اساس لو ما انقبلت في وحد التانية ممكن تقبلني ... )) فانتي اعملي نفس الحركة اذا حابة ...

وارجع اذكرك انو اهم نقطة في الموضوع الاستخارة .. أستخيري قبل ما تقرري تتخذي اي خطوة .. والله يوفقك ويكتبت لك اللي فيه الخير والصلاح .ويعينك على تحصيل العلم النافع....

تسلمي عزيزتي اماني على نصايحك. واكيد باذن الله اذا عرفت معلومة جديدة مهمه اكتبها هنا.
هذه بعض النقاط:
- الربط بين المعلومات القدمية والجديدة.
-قراءة النص ووضع دائرة على الكلمات المهمة فيه وقراءته مره اخرى.
- التلخيص مثل ماحضرتك ذكرتي.
-النوم الجيد والنظام الغذائي الصحي اكيد يفيدوا وشرب كميات كافيه من الماء. تقريبا كل ساعه تشربي الماء لانه العقل يحتاج السوائل.
الله يعين ويساعد الجميع.

مششكوره اختي ،،

بس للآسسف ماقدر افتح الخاص عندي ، ياليت تنزلين هنا الرابط

الله يعطيك العافيه

شكراااا أماني على هالموضوع

بس انا حابه اسأل عن حاجه ... الآن لما ادخل على الجامعات الموصى بها

وادخل على جامعة فيها موجود هيئات اعتماد ... حابه اعرف ايش أهم هيئات الاعتماد اللي نكون حريصين انها تكون موجوده ... وهل هيئات الاعتماد هذي تدل على انو الجامعه وضعها افضل من غيرها وقويه

العفو اختي ...

بالنسبة لسؤالك : بصراحة ما عندي خلفية عنه ،أنا كان تركيزي على التخصص بس ،،

ما ركزت في عدد الجهات اللي اعتمدت الجامعة اللي فيها التخصص ..

لو تجربي تسألي الأستاذ برستيج او المستشار التعليمي .. احتمال يكون عندهم خلفية عن الموضوع ...

يعطيك العافيه أماني