لأهل المروة والعزة والكرامة والطيبة والنخوة>> تجمع طلاب Clinical nutrition ...

عفوا بس أية رابط اللي سألتيني عنه ؟!!

صباح \ مساء الخير ..

أنا مُشارِكة جديدة ( عضو جديد ) بينكم ..
حابة أشكر الأخت أماني و كل من ساهم في إثراء هذا الموضوع بالمعلومات المفيدة و اللي أكيد اجتهد وتعب عشان يوصل لها و يصيغها لنا بطريقة سهلة .. جعلها الله في ميزان حسناتكم

أنا أخصائية تغذية علاجية "" .. و أثناء البحث و تجميع المعلومات عن الابتعاث في نفس تخصصي و جدت هذا الموضوع اللي بجد رائع بكل ماتعنيه الكلمة من معنى وهو اللي خلاني أسجل في المنتدى.. وطبعا أنا لا أملك أي معلومة فاستفدت من الموضوع كثير ..أسماء الجامعات وبعض النقاط و سيتم البحث فيها و ان شاءالله اقدر "أفهمها" و بالتالي أكتبها هنا ..
بس صراحة مافهمت معهد ايش اللي بتسألوا عنه .؟!! يعني لازم ندرس انجليزي وبعدين ماستر ولا ايش بالضبط ..!!

المهم..
أبغى ماستر يكون فيه تدريب في المستشفى أحسها هي اللي تثبت المعلومة من جد مو مجرد بحوث و قراءات ..
و حاولت أبحث عن جامعات- طبعا جامعة معترف فيها - في أي دولة ..يكون فيها تغذية علاجية في التغذية الأنبوبية NGT بس مالقيت .. يا إنه مافيه أو إنه أنا ماعرفت أوصل له ..

فـ ياليت اللي عنده معلومة أو يقدر يتوصل لها يفيدنا و له الأجر ..

تحياتي ..

صباح \ مسا النور

احنا نقصد معاهد اللغة حسب ما ذكروا لنا في الملتقى تدرسي لغة بعدين الماستر

تخصص NGT هو تخصص دقيق حسب معلوماتي .. بصراحة دورت عليه من قبل بس للأسف ما لقيته ..

احنا درسناه كــ (كورس) ضمن تخصص الـــ clinical nutrition فاحتمال تلقيه في الجامعات اللي تدرس نفس التخصص ..

بكل الأحوال انتي ادخلي مواقع الجامعات وأطلعي على الخطة الدراسية تبعهم ، راسليهم وأسألي عن الــNGT واكيد رح يوضحوا لك اكتر...

بالنسبة للتدريب فهو مهم لك اذا كنت حابة تشتغلي في مستشفى او مركز صحي وحصولك على الــRD ممكن يساعدك في موضوع الوظيفة بعد ارادة الله

لكن اذا كنت مخططة على شغل اكاديمي فما اعتقد انك بحاجه له... ممكن تكتفي بنظام الكورسات اذا مابدك تكملي دكتوراة او تختاري نظام الــthesis
((الرسالة )) اذا لك رغبة تكملي الدكتوراة ..

اهلا يا تغذويات ،،

حبيت افيدكم باللي اعرفه

الماجستير ينقسم قسمين : قسم اللي فيه تدريب ،، وهو عباره عن كورسات تخلصيها وبعدين تتدربين تقريبا سنه في مستشفى وخلاص تخلصي ..
الجميل في هذا القسم انك تتدربي وتكتسبي خبره (مع انه على كلام دكتور قد تواصلت معاه قالي اذا كنتي مسويه انتيرن شب من قبل ومسجله في السعوديه كـ اخصائيه تغذيه علاجيه فهالبرنامج ما رح يفيدك )
العيب فيه انه ما يؤهل للدكتوراه
القسم الثاني ،، وهو الرساله او البحث العلمي .. تاخذين كورسات دراسيه (بس مش كثيره ) بالاضافه الى بحثك .. البحث عباره عن دراسه زي اللي تطلع في الجورنالز (مو رساله طويله ،، لا بس عباره عن ٥-٦ صفحات ،، بس تطلع عيونك وانتي تشتغلي وراها ) وطبعا تقدري تختاري بحثك عالشي اللي انتي تبغى تتخصصي فيه في المستقبل (مثلا NGT - اطفال - TPN - وغيره ) وبعد كرف سنتين في نفس الموضوع رح تكوني مؤهله انك تتخصصين فيه فلا تخافي
اكبر عيب في هالقسم انك بالضبط ما تعرفي متى تتخرجي ،، تخرجك مرهون بنهاية بحثك وموافقه اللجنه عليه ،، وطبعا هذا النوع من الماستر يؤهل للدكتوراه من بعده ..

نقطه اخرى احب اناقشها معاكم ،،
راسلوا دكاتره ،، بينوا لهم انكم مهتمين بمجالهم البحثي ،، خلوهم يقابلونكم .. غالبا اذا دكتور تحمس لك رح يكلم القسم ورح يقبلونك ..
طبعا شروط مراسله الدكاتره لازم ما تراسلين اكثر من دكتور في نفس الوقت ،، ولازم تنتظرين عالاقل بين كل دكتور والثاني فتره اسبوعين عشان تتاكدين ان اللي راسلتيه ما عاد رح يرد،، ولازم توضحي للدكتور انك مهتمه بابحاثه ومطلعه عليها (فلازمي تبحثي عن ايش ابحاثه )

موفقات يا جميلات

يعطيكم العافية عسولات ..
الله ينور عليكم ..نبهتوني لنقاط مهمة ما كنت أعرفها ..
بالنسبة لي.. أنا موظفة حاليا ولله الحمد و في مستشفى..لكن برضو أبغى تطبيق عملي ..
مشكلتي أنا وحدة تنحة ماتفهم وتثبت المعلومة معاها الا لما تشوف بعينها ..لكن قرأءة و بحث ..استفيد أكيد بس مو بالشكل اللي أطمح له ,, يعني لما أجي أطبق اللي قرأت عنه وكذا ..احس بتردد طيب يمكن غلط يمكن ما أسويه صح ..اكيد الثقة بالنفس لها دور كبير لكن برضو لما تشوف شي عملي غير لما تقرا بس ..خاصة إنه أنا لحالي في القسم مافيه أحد اتناقش معاه وكذا < وضعها يحزن
و شي يقهر انه اذا اخذت الماجستير اللي فيه تدريب ما يأهلني للدكتوراه..ليييييه قهر وربي
عموما يعطيكم العافية أخواتي .. أثاري الشغلة مو هينة والله الله يعين

جزاك الله بالجنة على هذي الاضافة


ممكن سؤال :

>> اش الجامعات الأمريكية اللي تمنح درجة الدكتوراة في تخصص Clinical nutrition ؟!!

لقيت وحدة جامعة بس في موقع الوزارة اسمها (( UNIVERSITY OF MEDICINE AND DENTISTRY OF NEW JERSEY - ALL ))

قصدهم ما ينفع ندرس الدكتوراة الا فيها ؟!!

يعني اللي حينزل يتدرب في مستشفى ما يكمل دكتوراه

ليه كدا بس ،، واللي نفسها تكمل مآآستر و دكتوراه .. استغفر الله بس


عندي سؤال حبيبااتي

أنا تخصصي تربية أسرية - من كلية علوم الأسرة - جامعة طيبة

طبعاً ادرس كل شي من تغذية لتصميم داخلي لأمومة وطفولة ،، كل كل شي << أتوقع شبه الاقتصاد المنزلي

و مشروع تخرجي الترم اللي فات كان عن الأغذية المعدلة وراثياً وأثرها على الانسان

والترم داا حانزل تدريب بس انه في مدرسة

و مررررره عندي نية قوية أكمل في تخصص من تخصصات التغذية ،، حبيت كلامكم عن التغذية الاكلينيكية

طبعاً التخصص داا ما فتح إلا دي السنة في جامعة طيبة الموقرة ،، ما قدرت ألحق عليه .. الحمدلله على كل حاال

المهم سؤاالي

حاقدر بما اني تربية أسرية انو اكمل ماستر في التخصص داا ولا لأ ؟؟

يعني يحتااج زي ما قلتو موااد تكميلية ولا كييف ؟؟

أفيدووني رجاءً

أنا نآآوية أخلًص تدريبي الترم داا و أكون مجهزة كل أمووري ،، أول ما أتخرج على طوول أقدم عالبعثة إن شاء الله

والله يا بنات ما كان ودي اضيق صدوركم بس هذا الكلام اللي قاله لي دكتور في قسم التغذيه في جامعه تورنتو

طبعا انتم لو رح تفكروا فيها منطقيا ،، الدكتوراه لا تتناسب ابدا مع شغل المستشفى ! اللي تكون تبغى دكتوراه تكون حاطه في بالها ومتاكده انها ما رح تتوظف في مستشفى ورح تكون وظيفتها في كادر تعليمي او بحثي .. فلذلك التدريب ما راح يفيد ولا ينقص بحكم انك ما رح تشتشغلين عمليا في المستقبل !

وبالنسبه للماجستير اللي بالبحث كثير منكم مو حابينه بس ترى هو يعطيك اساس قوي جدا ،، يفيدك بالمناقشه مع الاطباء في المستقبل .. خاصه لو تخصصتي في شي محدد

الاء احمد ،، اختي مبروك التخرج مقدما ،، ما احد يقدر يفتي لك بشكل اكيد اذا ممكن تنقبلي او لا ،، بس عن كندا اقولك بشكل عام صعب جدا ، الفرصه افضل في امريكا بس ما اعرف بالضبط،، هم ترى يهتموا في اشياء كثيره مو بس في المواد اللي درستيها ،، لذلك كل حاله تعتبر مستقله بحد ذاتها ،، بس نصيحتي لك اذا قررتي تقدمين قدمي على ١٠ جامعات ،، وبعدها اختاري بينهم ،، موفقه

أنا أحس انوو الشغل او التطبيق العملي يكوون مفيد أكتر ،، يعني يرسخ المعلومة أكتر من لمن تآآخديها نظري بس
و كماان يخلّيكي تقدري تتناقشي من حكم احتكاكك بالنآآس اللي حتشتغلي معااهم ،، من وجهة نظري والله أعلم طبعاً

بس إلا ما يكوون في مآجستير يشمل انك تبحثي و تطبقي مع بعض و لا ؟؟

الله يباارك فيكي يا قلبي ،، و إن شاء الله ربي يسهل عليا و عليكي و على الجميع قاادر ياكريم




لي رجعة للموضوع ،، لأني أحس انو لساا باقي أسئلة في مخي
وبالتوفييق للجميع

مم انا جربت التطبيق العملي في السعوديه ،، كان عباره عن ستتم خاص بكل مستشفى وتمشي عليه ،، يعني كل مستشفى وقسم لهم ستاندرز خاصه ماشين عليها ،، وهذا هو الصح ،، فانتي مجرد انك تطبقي !!
اما الاحتكاك مع اللي حولك اغلبهم متفلسفين :$ يعني ما يفهموا كثير بالتغذيه ويحوروا النقاشات ليظهروا انهم فاهمين (ما عدا اطباء الاطفال بشهاده الجميع !!)
بس انتي لما تحضري لبحث ،، واقصد بحث متعمق يعني تشتغلي عليه سنتين كامله (لان فيه جامعات تقدم ابحاث لمده ٣ - ٤ شهور فقط )،، يصير تبحثي عن كل شي عن موضوعك ،، يعني كل كلمه وكل رقم يحتاج بحث عنه ! ويصير دكتورك يناقشك ويتاكد انك فاهمه كل نقطه !! لذلك وانا لسى ما بدات بالماجستير فعليا مجرد حضرت كم مقابله مع الدكتور المشرف احسن اني استفدت اكثر من سنه تدريب كامله )

بس عندي نقطه ،، قبل كم شهر طلع قرار يقول ان الخريج له الحق في سنه عمل في دوله الابتعاث بعد ما يتخرج!! ما يشملنا القرار ؟؟ لو يشملنا نصير نتخرج ونتوظف سنه ويصير زي التدريب ؟؟