هل ارجع أتدرب بالسعودية

بالنسبة للمختبرات نهائي بشرط ان أكمل المستويات المطلوبه بالمعهد الي ادرس فيه او احصل على ٥.٥ أيلس ..... عندي سؤال بالنسبة لانديانا الجامعه اقصد كم سنه وادخل التخصص وكم لازم أجيب معدل؟ وكم سنه؟ أبي تنفس صناعي

متاكد!! اعطني الموقع

بالنسبة للقبول العلاج النتفسي كل سنة 30 طالب ,, المعدل العام 2.5 من 4 وفي العلوم والرياضيات 2 من 4 ,, القبول مو اكيد لان تنافسي على حسب معدلات الطلاب المتقدمين للبرنامج

انت حتصير فني وبعدين أخصائي بس السؤال الأهم هو : مامسمى الشهادة؟ دبلوم أم بكالوريوس؟

لا تعتمد على كلام الهيئه ابداً
تدرب في امريكا وخلص البكالوريوس كامل وارجع للسعوديه
لا تاخذ الدراسه في امريكا بعدين تتدرب في السعوديه ابداً
اذا عينوك فني صعبه ترقى لاخصائي واسطات وقلق وزحمه طلبات
والراتب يختلف والبدلات تختلف

فني المختبرات ياخذونها طلاب الدبلوم لكن انت بتصير خريج بكالوريوس

طيب اذا ماافي السنة امتياز في امريكا؟؟؟!!!! وويشهو الحل

فيه سنة امتياز مدة سنه كامله للتخصصات الصحيه وماتاخذين الشهاده الا وانتي مكملتها بالعاده
وهي نجاح او سقوط مافيها معدل وتقدرين تاخذينهاا بالسعوديه وترسلين اوراق التدريب للجامعه علشان يرسلون لك الشهاده

ينزل لك مكافأه اذا انتي في امريكا تتدربين اذا رجعتي للسعوديه تتدربين المكافأه توقف عنك

تدريبك بامريكا افضل بكثير من تدريبك بالسعوديه

بالسعوديه يصير فيه واسطات كثير كل واحد يبغى ياخذ الامتياز بالمستشفى اللي يبي
علشان كذا يصير زحمة طلاب يتدربون في مستشفى معين
فيقسمون التدريب بين الطلاب ، بعضهم يتدرب في المختبر وبعضهم يجي يحضر ويشوف له اي شغله اهم شي يكون موجود بالمستشفى
بهذي الحاله اذا جيتي تختبرين اختبار الهيئه ماراح تنجحين لان فيه معلومات كثيره ماطبقتيها ومع الوقت نسيتيها
لو تلاحظين طلاب كثير خريجين من السعوديه بعضهم معدلاتهم جيده لكن مانجحوا باختبار الهيئه ويقولون انه اختبار تعجيزي

ما انكر ان الاختبار صعب لكن لو هم متدربين بالشكل الصحيح المعلومات اللي درسوها راح يطبقونها خلال فترة الامتياز او التدريب بهذي الحاله راح يراجعون كل اللي درسوه

الجامعات ماتعطي السنة امتياز في كل تخصصات وبعض التخصصات فيها لكن شرط المعدل التخرج 3 من 4

الطب بالجامعات الامريكيه بالغالب مافيه سنة امتياز
لكن فيه اختبارات اذا بغيتي تمارسين مهنة الطب في امريكا تاخذينها ومن شروطها سنة امتياز

يعني نفس السالفه بعض الجامعات تعطي امتياز وبعضهم لا
لان سنة الامتياز سنه تدريبيه تطبيقيه ومافيه مراكز ومستشفيات تغطي الحاجه لبعض الجامعات فيعطونك الشهاده وانتي تبحثين عن مركز يدربك

بعض التخصصات التدريب يكون ست اشهر وبعض التخصصات فقط فترة الصيف

الطب من ناحية التطبيق للتخرج نفسه نفس التخصصات الباقيه
بعض الجامعات اللي تدرس حاسب آلي تطلب منك تدريب صيفي او سنه كامله في احد الشركات اللي يختارونها لك "يسمونه بالسعوديه تطبيق" وبعض الجامعات مايعطونك تدريب بالاساس فقط الشهاده الجامعيه
لو انتي في امريكا وتخصصك حاسب آلي والجامعه ماطلبت منك تطبقين لكن مفتوح لك المجال تطبقين في شركة من الشركات ايهم تختارين انك ترجعين للسعوديه بالشهاده او تطبقين فتره في احد الشركات؟

شكراً للافادة والله يوفقك .. اليوم الجامعة ارسلت ايميل عن سنة الامتياز والعمل في امريكا وفعلا مثل ما قلت ..

العفو والله يوفق الجميع
ماكنت اعرف عن هذي المعلومات وكنت اسأل وكل شخص يعطيني معلومه تختلف
لحد ماتعمقت في التخصصات الصحيه بشكل عام
ان شاء الله لا بديتي دراسه تفيدينا بمعلومات جديده علينا وتكون في ميزان حسناتك