ان شاء الله مسافر الاربعاء 30 DEC هذا دنفر , عندي بعض الاستفسارات ارجو منكم التعاون

والله طال عمرك دنفر وين ماتروح ترفه عن نفسك من خلال الطبيعه

وبخصوص السينما فكل مكان فيه سينما مبنى خاص او ضمن مجمع تجاري

وفيه مدن ترفيهيه مثل إلتشز السكس فلاقز تشترك بمبلغ تقريبا 40 دولار ويصورونك ويعطونك بطاقه فيها صورتك بالكمبيوتر طبعاً في الحال يسوونها وتكون مدتها البطاقه حسب علمي اخر مره ست شهور وهذي موقعها قريب من الجامعات في الداون التاون يعني معظم المعاهد والجامعات حولها وبقلب المدينه يعني مشي تروح ماتحتاج ليموزين بس اذا بتاكل فيها تقريبا غالي حبتين ... واما المجمعات فحدث ولا حرج وين تروح تلقى عندك اراوا مول وباكنج هام سكوير وعندك مطاعم عربيه اذا حاب تاكل طبخ عربي مثل شاورما او كباب .. بس شغل محترم ....عندك مثلاً مطعم القدس وعندك مراكز عربيه في شارع باركر قريب من منطقة ارورا وفيها جامع كبير الشارع هذا في مركزين عربيين ومسجد ... وفيه بشارع كولورادو البقاله العربيه ومركز الشرق الأوسط وفيها بطايق تلفون اذا بتكلم دولي ويرشدونك على افضل بطاقه مخفضه تكلم فيها

طبعاً المدينه طبيعه خلابه ... ولكن حذاري تروح الداون تاون بالليل متأخر لان فيها اجرام شوي واذا عندك سياره حاول تخلي ازرار الابواب مسكره .. حاول تبتعد عن جنوب المدينه فيها اجرام على خفيف .... اول ماتوصل هناك .. ممكن يصادفك اعصار في منطقة المطار ... انا رحتها في 2001 بعد اليوم اللي وصلت جا اعصار كسر بعض الطيارات طبعا ماكان فيها ركاب ... المنطقه اللي فيها المطار مرتفعه ودايم يصير فيها اعاصير وفي غرفه بالمطار اذا فيها اعصار يعني هناك الجو ماتقدر تخمنه .. بس جوها حلو بس انتبه للحوادث الطبيعيه ... هنا بالسعوديه او قطر تخاف يطلع لك بعير والا شي هناك في الطرق السريعه مثلا لو بتروح ولاية نيفادا انتبه يطلع لك دب تجيب العيد فيه او غزال او ثيران .... يعني هناك حيوانات وفيه حيوانات مفترسه ولازم تطلع اي مكان يكون معاك شي يدفيك لو تعطلت السياره او شي يعني لابد تكون معك بطانيه في السياره

ولازم تسمع الرادو دايم اذا انت طالع مشوار بعيد شوي علشان اذا انت في السياره وبتصير فيضانات او اعصار او شي يكون تنبيه .. واحيان كثيره ينبهونك عن الثلج الاسود ... الثلج الاسود هذا ماتشوفه يكون لونه مثل الاسفلت اذا مريت عليه تزلق السياره وتنقلب لاسمح الله .. كثير سعوديين الله يرحمهم توفوا بسبب الشي هذا

نأتي هنا إلى أهم شيء....(الطعام الحلااااااال) .... لا تشتري اللحم المفرووم أبدا لانه يخلط بدهن الخنزير (شحمه) و لا يذكروون لك ذالك...توجد بقالة عربية تسمى middil east و فيها كل ما تحتاجه.. و كثر من المأكولات البحرية...و احذر من البيتزا pepparoni و ذالك لانه كله غير حلال..و اطلب دائما ال veggiterian و دائما قول لهم NO MEAT و اكد عليهم...و لافضا انك ما تطلب من البيتزا (لان السكاكين و الملاعق و الادوات الثانية تستخدم في تجهيز لحم الخنزير او لامسته).

أماكن التمشيه فى دنفر:

1- ملاهي سيكس فلاغز Six Flags
2- جبال الروكي Rocky Mountains
3- دنفر زوو Denver Zoo
4- لاريمر سكوير ... شارع تسوق و مقاهى و مطاعم
5- تشيري كريك مول Cheery Creek mall ... مركز تسوق راقى و كله ماركات
6- سكستينث ستريت شوبينغ 16th street mall .. شارع كله مطاعم و محلات تجاريه فى الداون تاون
7- أرورا مول Aurora mall .. مركز تسوق كبير بس قديم
8- سيتى سنتر أرورا City Center Aurora .. مركز تسوق حديث
9- بارك ميدو Park Meadows .. مركز تسوق ضخم
10- كاسل روك فاكتوري أوت ليت Castle Rock Factory Outlet.. سوق للبضائع المخفضه .. و كبير جدا
11- فلاتيرون مول Flatiron mall .. مركز تسوق ما بين دنفر و بولدر .. جديد و كبير
12- كولورادو ميلز مول Colorado Mills mall .. مركز تسوق جميل و كبير