السكن مع عائلة امريكية : Homestay with American Family.

جزاك الله خير , معلومات قيمه

تسلم اخوي وما قصرت والله

على سالفة العوايل انا أذكر مرة حظي الأقشر وداني عند عايله قبل 3 سنوات بالضبط

طبعا هي ما كانت عايلة ولكن كانت امرأه عجوز جدا جدا جدا وبلا مبالغة كان عمرها 93 سنة !!!

وازيدك من الشعر بيت انها كانت من اصول المانيه

والله ذاك ما كان بيت .. كان عسكرية

تخيلت اني في عسكرية ولم اصمد اكثر من اسبوعين وبعدها وليت هاربا في ليله ماطرة مظلمة
ظفيت عفشي وانحشت عنها

اولا كنت خايف يصير لها شي ويقولون انا اللي ذابحها
الأكل كان كله خضروات .. الدكتور ما نعها من اللحم !! طيب وانا وش ذنبي ؟؟
قلت خلاص ما ابي آكل عندش .. قالت لازم تدفع حق الأكل لأنها اتفقت معاي على قولتها
أكل من برة ممنوع يدخل البيت ولا اعلم ما السبب حتى الآن

الحمام ممنوع اتروش لأكثر من 10 دقايق ويوم تجي تحسب الوقت علي من يوم اقفل الباب
قلت لها مرة طيب وشلون احلق لحيتي يبي لي ربع ساعة على الأقل

كانت تقول مالها دخل!!

قلت طيب زين بتروش يوم بعد يوم ويصير المجموع 10 دقايق حق يومين يعني 20 دقيقة قالت لا يا حبيبي موب على كيفك !!

والله شوي وكنت بقولها حاضر حضرة الظابط

المهم ذيك العجوز طلعت نخل فوق راسي وصرت أضرب اخماس في أسداس و وليت هاربا في النهايه

حتى والله ما كملت باقي الأسبوع لووووول

والله هذه قصة حدثت معاي انا شخصيا وحبيت بس اقول لكم عليها تستانسون علي شوي

الله يستر بس من المرات الجاية


تحياتي لكم

السلام عليكم
حبيت اسال اقدر اسكن مع امراه عجوز غرفه لي وغرفه لاخوي
وشكرا

7
7
إذا لقيتي جواب >> أعطيني خبر

والف شكر لكاتب الموضوع >> الله يجزاك اجنه

يالغالي يعني الحين اذا بسكن مع عايله في ولايه فرجينيا منطقة ريتشموند عن طريق شركة

العايله بتكون كثير فيها 600 دولار بالشهر...؟

يمكن 500 دولار يعتمد على عوامل

لكن اخوي العائلة مناسبه للناس اللى ماتعرف انجليزي كثير

يعني اول 4 شهور عند عايله وبعدها نروح سكن خاص او بالجامعه

اذا انت تبي تعرف انجليزي اكثر فانصحك بكتاب او دورة احسن من عائلة

و اسكن في الجامعة مباشرة

العائلة مفيدة اول ما توصل أمريكا عشان ما تصرف كثير ( سكن مؤقت )

و ممكن تكون سكن دائم

تقدرين بس غريب

اخوي باله ابيك تفزع لي انا مااعرف استخدم المواقع هذي

وانا ساكن عند سكن الجامعه ولاانا مرتاح وشكلي برجع السعودي عشاني مالقيت عائلة

تكفى ابي عائلة اسم مديمنتي Bellingham, WA وهذا اسم الجامعه Western Washington University 􀁹

شكراً لـك .. مجهود جبآر

هلا اخوي سلطان فيه حلين

1- انك تشيك على المواقع بس شكل ما عندك خبرة

2- انك تكلم مكتب او شركة يساعدونك معقولة يعني ما فيه خدمات

خخخخخخخخخخخخخخخخخخ اللله يعين


مشكور اخوي صاحب الموضوع