مساعدة اريد اكمال الماستر بأمريكا لكن الى ايــن...؟

يالجماعه اللي عنده تجربه او نصيحه مانستغني عنكم

شوفي يالغالي نصيحتي لك الآتي:
حاول تجيب قبول من معهد لغة تابع لجامعة مدة القبول سنة
وأثناء هذه السنة قدم على الملحقية للانضمام للبعثة وشد حيلك وبيضمونك
زملاء لي انضموا بعد شهرين من دراستهم للغة الإنجليزية
مع العلم أنهم إلى الآن ما حصلوا قبول
وأثناء السنة هذه تحاول تدور لك قبول
وفرصة حصولك على قبول وأنت في أمريكا كبيرة
لأن الجامعات تتعامل معك شخصياً
ما تتعامل معك على أساس أنك ورق

تسلم يالغالي على النصيحه لكن السؤال هل الألحاق في امريكا متاح وسهل وهل القبولات معقده او امرها طيب

الالتحاق بالبعثة في أمريكا يعتمد على أمرين:
درجاتك في المعهد، وعلى الحظ -للأسف-
والقبول متاح
والوزارة تساعدك على إحضار قبول إذا كنت منضم في البعثة وموجود في أمريكا

الف شكر على المعلومات القيمه ودي اعرف هل بأمكاني اخذ قبولي وانا هنا بالسعوديه واقدم للألحاق بالعبثه

السلام عليكم

احب اصصح المعلومة. اهم شرط من شروط الالتحاق بالبعثة قبول من جامعة معترفة وغير موقوفة. انا اتكلم من واقع, لاني جيت امريكا بعد قريبي بشهر, والان التحقت ولله الحمد وللاسف إلى الان هو ما التحق والسبب ما عنده قبول جامعة. ومدة الالتحاق تعتمد على حسب جلسات الوزارة. انا التحقت بعد خمسة شهور ونصف. واهم شي ان يكون ملفك كامل عند الملحقية.
نصيحة:الان, قدم على الجامعات وليست جامعة واحدة فقط لان قبول الماستر صعب.
وبالتوفيق .

يالغالي...
إذا تبي نصيحتي لا تجي أمريكا ....روح لبريطانيا لدراسة الماستر
لأنه في بريطانيا السنوات أقل من أمريكا ....هذا لو تفكيرك تبي تخلص بسرعة..
لكن الدراسة في أمريكا حلوة وممتازة ..... بس المشكلة إذا أنت مو خريج أمريكا في البكلريوس
راح يطلبو منك اختبارات الجيمات ...تحديد المستوى عندهم .. واختبارات الأيتلس أو التوفل

وبالتوفيق

احب اصصح المعلومة.
بريطانيا موقف الابتعاث عليها.
بالنسبة لاختبار الجيمات و الجي ار اي مطلوبة على الطالب الامريكي والاجنبي.واما التوفل او الايتلس مطلوبة من الطالب الاجنبي في اغلب الجامعات.

عموما الشروط تختلف من جامعة إالى جامعة اخرى. بعض الجامعات لا تطلب جيمات, جي ار اي توفل او اي اختبار, فقط تطلب اجتياز المعهد التابع لها.

وبالتوفيق