استفسار فتح حساب توفيربأمريكا

أول مره اسمع بذا الشي
الأخوان ان شاء الله يفيدونك

فيه حساب التوفير حسب ما أعرف ويسمى ( Save Account ) وهو كما أعرف ربوي و لا يجوز شرعاً ، لأنه يعتمد على ما تسمى بالفوائد ( الربوية ) وطرقها عديدة وأتمنى أن لا تدخلي نفسك في مثل هذه الأمور ، ولكن الحل أنك تفتحي حساب أمريكي يحق لك إذا ذهبت للسعودية استعمال بطاقتهم الإئتمانية مثل بنك HSBC على سبيل المثال ، وبالتالي تضعين حساب تعتبرينه توفيري ولا تسحبين منه إلا حين الضرورة وآخر للإستعمال العادي .

تقدرين تفتحي اكثر من اثنين اللي تبين

طيب هل أقدر لمن اروح السعوديه اصرف كل المبلغ الي فيه ..البنك ما يطالبني بشي لو صفرت الحساب وانا بالسعوديه

إذا صارت البطاقة تعمل في السعودية من حقك أن تصرفين المبلغ المحدد بالبطاقة عن طريق الصرافة .. يعني مثلاً البطاقة السعودية في السعودية حدك اليومي هو 5000 ريال فقط .. يعني لو في حسابك فرضاً عشرة آلاف ويوم جمعة والبنوك مسكرة ما تقدرين تصرفين إلا خمسة آلاف ماكسميوم ومع دخول اليوم الثاني بعد الساعة 12 صباحاً تقدرين تسحبين 5000 ريال فقط .. طبعاً أعتقد إذا كان المبلغ كبير وتبين تسحبينه كله لا بد يكون فيه فرع في السعودية وتراجعينهم وتسحبين كل المبلغ عن طريق البنك .. طبعاً أختي أنتي ما وضحتي وش المطلوب .. ولكن حسب مافهمت انك ودك تفتحين حسابين في أمريكا حساب تصرفين منه وحساب تدخرين فيه جزء من دخلك بحيث إذا زرتي السعودية تستفدين المبلغ اللي فيه .. قلت إذا كانت البطاقة دولية وتستعمل في السعودية تقدرين تسحبين حسب اللمت أو الحد اللي يضعه البنك اللي فيه حسابك وطبعاً عملية السحب عن طريق صرافة سعودية ببطاقة غير سعودية أو أمريكية مكلفة جداً .. ولكن إذا بغيتي تسحبين كل المبلغ في حلين إما تصفين حسابك في أمريكا وتأخذين اللي تبين منه كاش وتجين السعودية وتوديعنه في حسابك السعودي أو تصدرين شيك من أمريكا وإذا جيتي السعودية تودينه أي بنك ولكن بتأخذ منك أسبوع تقريباً على بال ما يصرفونه لك ويسمونها عملية تحصيل ..

أختي رحت وسألت لك وما نبي إلا دعواتكم ..

تحياتي ..

فعلا هذا قصدي الله يوفقك دنيا وآخره ويحقق كل أمانيك ويرزقك ربي من حيث لايحتسب