استفسار تكفون مساعدة ياخوان الله يجزاكم خير ممكن احد يعبرني !!

سلام عليكم ،،

اخوي انا مو كل شي لي خبره فيه ,, ان شاء الله غيري يفيدونك ..

بس بفيدك باللي اعرفه ..

بالنسبه للجامعه ، تقدر تدخل موقع الوزاره و تدخل الجامعات الموصى بها ..
و اذكرك لنقطه مهمه ،، تأكد بان الجامعه معترف فيها ..
لان الوزاره كل بين فتره و فتره ، تغير الجامعات ..
و الوزاره ما تختار الا الجامعات الزينه و الي فيها مصلحه للطلاب ..

..

و مسألة تأخير التحويل للبعثات ..
ايوا في نآس تتأخر عليهم البعثه ، بس مافي ناس كثير تتأخر عليهم ..
بعضهم شهرين ثلاثه و تجيهم البعثه ..
اعرف ناس شخصيا كذا .. رايحين على حسابهم و ما تأخرت ..
بس اهم شي تكون دراستك هناك زينه ،، و اختباراتك كويسه ..
و معدلك زين ..
..
بالنسبه لمدينة كويسه ،،
الي اعرفهم من اهلي .. بعضهم ساكنين في ولاية اوكلاهوما ..مدينة نورمان ..
يمدحون فيها مره .. منطقه هاااادئه ، و ما فيها مشاكل .. و تحس بأمان ..
اهلها الامريكان من النوع المحافظ شوي ، و متعاونين مره
و منطقه تميل للريف .. رخيصه مافيها ذاك الغلا ..
بالنسبه للسكن ، السكن هناك مو مره غالي .. ارخض من عندنا ..
،،
سألت احد معارفي ،ولده يدرس على حسابه هناك عن تكاليف الدراسه .، نسيت كم بالضبط قاالي
بس قال مررره بالكثييييييير، بالسنـــــــــــــــه تكلف 60 الى 70 الف ، بالكثير .. من كل شي .. اكل و شرب و معهد و سكن و كتب ...

.. و في كثير بولاية تكساس .. سمعت انها كويسه بعد ...

،


اتمنالك التوفيق ..
و ميسره ان شاء الله ..

ماقصرتي اختي,,
بس على قولك ان الوزاره بين فتره وفتره تغير الجامعات فرضا اني اخترت جامعه وبديت ادرس يجون ويغيرونها طيب كيف ويصير وضعي؟ اروح اشوف لي جامعه ثانيه!!

جزاك الله خير وماقصرتي
وننتظر تجارب وخبرة البقيه

لا ما تشوف لك جامعه ثانيه .. تكمل دراستك فيها عاااادي .. و يحسبونها لك
لانهم اذا غيروا الجامعات ..طريقتهم هي ،"ايقاف" الابتعاث الى جامعه معينه .. يعني بس يوقفون عنها الدراسه مافي طلاب جدد يقدرون يقدمون عليها ، و الدفعات الي يدرسون فيها ..يكملون دراستهم مافي مشكله ..

ان شاء الله اني اكون قدرت اوصل لك المعلومه ..