مساعدة For God Sake I need help guys :'( ! plz

عيوني
انتهى التقديم للمرحلة الخامسة السنة الماضية
وانتهىالتقديم للمرحلة السادسة السنة هذي
ومبتعثي المرحلة السادسة راح يستلمون اوراقهم وقبولاتهم خلال الايام القادمة بس التقديم والتدقيق انتهى
اذن امامك خيارين
السفر الان على حسابك ومحاولة الضم التي قد تستغرق وقت كثير يعني لازم تكوني جاهزة ماديا
او
الانتظار للمرحلة السابعة
والتي غالبا ماتكون بعد نتائج الثانوية العامة لازم علشان يعطون طلاب البكالوريوس فرصة للتقديم يعني على جولاي اوغست الجاي باذن الله
بس احسبيها صح
وشوفي الطلبات
لانك لو ماكنت مستوفيه الشروط كاحتنقبلي من حيث المعدل والعمر

يعني بالصيف راح يكون .. يالله معليه على الاقل اكسب خبرة من الوظيفه حقتي حاليا ..

طيب اجهز التوصيات من الدكاترة من الحين ؟؟ .. ولا يفضل بعد التسجيل ؟؟ وش تنصحيني


شكرااا الله يجزاك خير ماقصرتي

التوصيات وكل هالاشياء تخص القبول الجامعي
انت بتطلعين ماستر صح ؟ يعني البعثة بتجهز لك قبول لغة ولا تقولين مااحتاج لان قبول اللغة مو بس دراسة انجليزي الا يقويك في الرايتنق ويعطيك اكسنت قوية وجيدة وتاخذين كورسات اختبار الجي ار اي وهو اختبار قدرات معظم التخصصات الجامعية للدراسات العليا تطلبه ..يعني محتاجة تطلعين لغة بالاول ..وهذا توفره لك البعثة اما قبول الجامعه فانت في سنة اللغة تدبرينه ....وهنا بتحتاجين التوصيات ..
طبعا بما انك لغة انجليزية فخذي توصيات بالانجليزي علشان ماتحتاجين ترجمة ...واطلبي من الدكتور عدة نسخ مغلقة لان معظم الجامعات تبغى التوصيات مغلقة ولا تنسي تطلبي من كل دكتور يحط ايميله ورقم هاتف طبعا هم راح يحطو ايميل الجامعة ورقم التحويلة الجامعية ماشي حالها ..يختم التوصية ويغلقها بظرف ويختمه ...اعرف ان فيه جامعات تمشيها بس فيه جامعات كثير ماتمشيها ابد ...فخليك جاهزة بعدة نسخ ..وقولي للدكتور معليش انا مقدمة على عدة جامعات علشان كذا محتاجة عدة نسخ ..يعني جيبي من كل توصية 3 او4 نسخ ...حاولي يكون عندك اقل شي 3 توصيات ....وربي يوفقك ..
بخصوص سؤالك عن التخصص
اختي متخرجة من القسم الانجليزي وقدمت تخصص لغويات نفسية وعصبية للبعثة لانها كانت مرة خايفة لو غيرت التخصص ماتنقبل ..ولما راحت بريطانيا ووجدت ان التخصص مرة صعب ووجدت زميلات لها طالعين البعثة تخصص تسويق وتامين وبيزنس ...يعني اتوقع ان التخصص ماهو الزامي بس برضو الافضل اسألي ....وعموما التخصصات المطلوبة تنزل مع المرحلة السابعه نفسها وشروطها

تخصص لغويات نفسيه Psycho linguistics .معقددددد جدا ويحتاج "حفظ" !! وصحيح سمعت لازم اخذ اختبار ..و حتى لو كانت الاكسنت حقتي ولغتي قويه جدا ..لانه في امريكا يعترفون بنتائج الاختبار فقط ..

ياحبيلك الله يوفقك ويسعدك بالشي اللي تتمنينه انشالله امييييييين .. مره مشكووور استفدت منك كثير ..

يعطيك ربي الف عافيه ..