مساعدة تكفون يا أخوان .. أبي بعثة

الولايات المذكورة رخيصة..

وكنتاكي بكلام الشباب مرررررة رخييييييييصة..

أما بالنسبة للتكلفة حتى الإلتحاق فإنك تحتاج على الأقل 90 او 100 الف.. ( للضرورة )
ولو عندك واسطة في الوزارة أو في الملحقية.. فما تحتاج الا 30 إلى 40 ألف

وكذا ولا كذا في موعد المقابلة في القنصلية لابد من إثبات توفر المال..

بالتوفيق يا أخي الكريم..الله ييسر لنا أمورنا كلنا..

( ترا أخوك بعد ماطلع وينتظر الفرج مثلك )

طيب يا أخوي ما اقدر القى بعثة من الوزارة مباشرة
عندي فقط شرط المعدل ما ينطبق
وناس كثير عدوهم .. لكن اللي ما له واسطه متعطل
الله يوفق الجميع على كل حال
العين بصيرة واليد قصيرة

up up up
للأهمية القصوى يا اخوان
ما بقي وقت على الترم الجاي

اي معلومه ممكن تنفع

up up up

يالله انك تحنن قلوبهم

شوف ياخوي .. بإذن الله انك ما تحتاجني ولا تحتاج غيري
روح اقرب مكتب يوفر لك القبولات او انت بنفسك راسل الجامعات و المعاهد ، ثم لما يجيك القبولات قدم على موعد للسفارة و عبي كل البيانات الي في الابليكيشن تبعهم + جحز كل اوراقك و روح للمقابلة .. و بإذن الي ماتنام عينة خلال اسبوعين و الجواز بوجهك + فيزة 5 سنوات .
بعدها احجز تذكرتك على الخطوط السعودية .. و توجه من جدة او الرياض ( و اضن الدمام ) الي واشنطن ، اول ما تنزل بتحصل ( بإذن الله سواق الملحقية بوجهك ) روح معاه للفندق و اليوم الثاني هو بياخذك على الملحقية و تخلص اوراقك و شد شناطك و على المطار و على ولايتك ، و بإذن الله كلها شهر او اقل و تحصل رسالة على جوالك بأنه تم قبولك للبعثة ، و يصرفوا لك كامل مستحقاتك بعد فتره ( رسوم السفارة - الدراسة - الطيارة .. الخ )

هذه كل الشغلة ببساطة و مافي شي ثاني اكثر من كذا صدقني ، انا كنت مثلك محتار و محتاس بس الحمد لله لما بحثت و اخذت كلام الناس الفاهمة في هذا المجال مشيت اموري الحمد لله

مع احترامي لك يا اخوي انت من وين جبت الاسعار الخرافية هذه ؟
ياخي الرجال طالع ماجستير مو طالع بكلريوس ! و اغلب الشباب الي راحوا لدرجة الماجستير مااخذوا وقت علشان انضموا للبعثة ! و ترا الامور سهالات مادام ماجستير بعكس البكلريوس الي مالي امريكا .

.............

نسيت اقول نقطة مهمة ..
انت لو رحت مكتب يوفر لك القبولات مثل مكتب " ايديوكون " بجدة ، فقول له انا بدرس 6 شهور لكن بدفع الان تبع شهرين و الباقي ادفعه هناك ، السبب بسيط ، لان المحلات هذه بتاخذ فايدتها على الشهر يعني بيطلع له على كل شهر من 500 الي 1000 ريال مثلا ، فـــ لما تضربها في 6 شهور راح تطلع نسبتة 6000 ريال ، و السبب الثاني انه حتي في اي وقت تبغى تغير المعهد ممكن تغير لانك غير ملتزم معاهم بعقد طويل الاجل و حتي بعض المعاهد لما تسوي عقد 6 شهور يتملعنوا عليك و مايخلوك تنقل من سكن العائلة الي سكن المعهد او العكس ...
و الاهم من هذا كله ( انتبه له و حطها بين عيونك ) :
الملحقية ما راح تعوضك عن الشهور الي مادرستها ، فمثلا لما تدفع تبع 6 شهور ، و الله كتب لك تلتحق بعد اسبوع واحد فقط ، فالملحقية بتعوضك عن الشهر الاول ، و الباقي مثل ما نقول " الله يعوضك خير "

..........

اما عن المصاريف و غيرها ..

هذه محد يقدر يحددها غيرك ، على حسبك يدك و الله اذا يدك ( حارة مثل ما يقولوا ) فأبشرك انك بتدفع كثير ، اما اذا انت تعرف تحط القرش المناسب في المكان المناسب و ماتاخذ الا احتياجاتك فقط ، فراح تكون التكلفة عليك ببلاش .
الشباب كانوا يتكلموا عن كاليفورنيا و يقولوا انه مره غالية من ناحية المعيشة و الكلام هذا كله .. صاحبي موجود حاليا في سانتا مونيكا - كاليفورنيا ، وهذه تعتبر غالية نوعا ما ، لكن تصدق بالله انه مصروفة بالشهر ما يعدي 1600 ريال الي 2000 ريال فقط ! يعني 426 دولار الي 533 دولار بالشهر الواحد

أخوي اياد .. بيض الله وجهك وشكر الله لك

يعلم الله كم ادخلت السرور على قلبي بهالكلام

وانا بحاجة ماسة للتواصل معاك

فعاد تكفى انا احتاج ايميلك او جوالك ولك جزيل الشكر

بالتووووووووووفيق