استفسار اكومانديشن السكن

اهلين وسهلين خالد

افهم من سؤالك انك حجزت تذاكرك خلاص؟؟

عموما ياعزيزي اتجاه الرحله راح يكون لواشنطن دي سي كبدايه لمدة يوم او يومين علشان تجهز ملفك عند الملحقيه

الاولى انك تعبي اشعار بوصول مبتعث على هذا الرابط

إشعار بوصول مبتعث جديد الى واشنطن العاصمة

وتصير الملحقيه تؤسل من يستقبلك وتحجز لك فندق تدفع تكلفته انت

ولو اني لسى ماجربت بس اذا خايف من مصداقية الملحقيه وانها يمكن تعتمد عليها وتخذلك عندك طريقه ثانيه اللي هي

تحجز انت بنفسك فندق قبل ماتوصل وتكلم احد تعرفه يستقبلك
وهذي روابط تحجز فيها فنادق من كل انحاء العالم

Airbnb Search

Tarrytown Vacations, Tourism and Tarrytown, New York Travel Reviews - TripAdvisor

Hotels.com - حجز الفنادق والعروض والتخفيضات | wake up happy

Booking.com: 105000+ hotels worldwide. Book your hotel now!


بعد ماتمشي امورك بواشنطن تتجه لمدينتك اللي هي مقر دراستك

لازم تكون قبلها حاجز فندق من نفس الروابط لمدة يومين على الاقل حتى تضبط لك نظام سكن دائم


اما السكن الدائم فلك اكثر من طريقه تحجز فيها

وحده تكون مثل ماقلت تنزل بنفسك للشارع وتشوف شي زين تستاجره لو لمدة شهر مؤقتا لحد ماتروح غيره

او تكلم احد يدور لك ويكون فاهم <<وهذي ما انصح فيها كثير علشان تتجنب النصب والاحتيال والتربح من وراك

والطريقه الثالثه موجوده في موضوع شرحه الاخ طوبه الله يعافيه على هذا الرابط

http://www.mbt3th.us/vb/forum8/thread151125.html


ملاحضات انتبه منها:

* لاجيت تختار سكن ركز على كونه - آمن من الداخل يعني سكانه مو سكارى ولا متعصبين
- وآمن من الخارج يعني الحي نظيف ومعدل الجريمه في منخفض
- نظيف
- قريب من المواصلات اللي توصلك لمعهدك
- ايجاره معقول

* اذا لقيت مكان بعيد شويات عن معهدك وكان افضل من كل النواحي استاجره بس احرص على نقطة المواصلات حتى لو كان المكان يبعد 40 دقيقه او اكثر ماعندك مشاكل لان مع الوقت راح تتعود على هالمسافه

* ماتقدر تحجز اي شقه او غرفه الا بعد ماتطلع الضمان المالي من الملحقيه يعني لا تفكر تسوي هالخطوه قبل فتح الملف


الله يعينك ياخالد واتمنى اكون افدتك

واي استفسار اخر لا يردك عنه الا لسانك