حوار بعد ما رجعت من أمريكا ما أدري وش اللي جاني

اخوي عليك بصلاه الاستخاره
مثل ما بينو الاخوان انت الان ممكن انك تحقق رغبة شخصية لك , لكن تبعاتها انه راح تتغير حياة زوجتك واطفالك ,
من اصحاب وعادات ..الخ , وانت ما تدري هل التغير للخير ام للشر "لاقدر الله"

انصحك بعد ما تصلي الاستخارة ,
تقعد انت وزوجتك وكل واحد معاه ورقه , تقسم الورقة للنصف وتكتب بالنصف الايمن فوائد العيش بالسعودية والبنصف الثاني فوائد العيش بامريكا , وكذلك زوجتك , يعني كل من وجهه نظره ,
بعدين قارن وان شاء الله تتوصل لحل ,






ولو تبي رايي الشخصي او لوني بمكانك ,ما راح اغير شي بحياتي , لاني ادري موقن باني راح اغير حياة اكثر من شخص ,
ويعني العذر الي حطيته لنفسي واهو ايجاد فرصة عمل لزوجتي ما اشوفه عذر حقيقي , الا وهم ,
يعني انا ميسور الحال الحمد لله ودخلي متوسط واملك بيت ملك "وسيع" ليش اغير حياتي !!!
ولو كنت متعلق هالقدر بامريكا راح اجرب اني اروح باقرب اجازة انا وعيالي ونجرب العيش هناك كم شهر , ونشوف التبعات هل هي حسنة ولا سيئة ,وبعدها نحكم ,




الله يوفقك ويدلك على الخير وانا اخوك ,
ولا تنسى صلاه الاستخارة , ومو شرط من اول مرة بترتاح لامر معين , لا .. ان ما تغير شعورك صل مرة اخرى ,

العفو والله يحققلك أحلامك الصغيرة قبل الكبيرة
أنت وكل من قرأ ردي والمسلمين وأنا معاكم ^_^

الله ينور بصيرتكــ ياربــ ويختار لكـ الخير

الاخوانــ ماقصروا بردودهمـــ والاهمـ منـ هذا الاستخارهـ

والله يختار لكـ اليـ فيهـ الخير ياربــ

موفقــ

أسأل الله أن يدلك على الخير

نحن من يأخذ الرأي ويسفيد منك بحكم أن لديك خبرة في الحياة ولكن الشور طيب في كل الأحيان
أخي العزيز ان هذا الشئ اللي تغامر في من أجل راحتك النفسية هو مستقبل عائلك وأعلم بأن
((السعادة لاتدووووووووم)) إلى في تقوى الله....
وأما بيع الفلة فأنت غلطان لأنك لاتعلم ماهو مصيرك وماذا سيحدث . ولديك أبناء في سن النظوج
ستتغير أفكارهم مع الزمن ولا تعلم ماذا ستكون سلبياتهم بعد العودة.
لا أريد ان اطيل عليك ولكن إذا أنت (رايح رايح) انا أقول مافي داعي تستشير بس (تأنا تأنا) لاتستعجل
اسأل الله لك التيسير........

بصرااااحه لو انا مكانك ماافكر اقرب اعيال وزوجتى
ونفسي انت قبل جيت وكنت مرتاح لان فترة سياحه عارف
غير لمن تجى لفترة دراسه وماتدري كم سنه راح تجلس خصوصا لديك اطفال
والله امريكا مظهر فقط والايحلمون فيها هذا احنا موجودين ماشفنا شي عادي الوضع وحلو وحرية بس
ببلادك افضل لك والله اني نويته اترك البعثه وخاطبت الوزارة بس السكن عندهم مشكله
ترى الغربه كربه مااقول راح تشتاق لااهلك لان شخص متزوج يتحمل غير الاعزاب بس هم في اشتياق وعذاب

في رأي طالما أنت عشمت زوجتك بالسفر واكمال دراستها ..اشتري لك بيت يكون سعره جيد بحيث يتبقى لك مبلغ من بيعة الفيلا ..هذا المبلغ تدرس به زوجتك فترة حتى تلحق بالبعثة.. قول سنة .. خلي تجارتك ماشيه علشان تدر عليك دخل شهري وكل فترة والثانية أرجع البلد علشان تشرف عليها .. وواصل بالعكس أنا اشوف أن الإستثمار في الإنسان أفضل بكثير من الاسثمار في اي شيء آخر .. أولادك وزوجتك وبالنهاية كله بيرجع لك .. وأما انها ما راح تاخذ ددكتوراه أو ماراح تلقى وظيفة فهذا كله علمه عند الله .. وبرضه حتى لا سمح الله ما بتلقى وظيفة ما راح تكون خسرت شيء.. هذا رأي والله يوفقك لما فيه خيركم جميعاً..

اخوي انا انصحك نصيحة ..
انا رأيي من رأي ابوك .. إذا سويتها وبعت الفلة ..! اشتري لك عمارة واجرها .. وبكذا بيكون عندك دخل .. والفلوس الباقية شوفلك شي تستفيد منه ... بالنسبة إلى امريكا خليها بالمستقبل او ما يمنع انك تزورها كل سنة .. لما يكون عندك فلوس تقدر تزور امريكا كل سنة
والمال راح يجي اولاً من العمارة وثانياً من التجارة إلي عندك
وبهذا تقدر تروح امريكا .. بالنسبة إلى بنتك صحيح اخوي وضعها صعب كأنك ترميها في بحر وتقول لها اسبحي
انصحك لاتتسرع .. وتندم .. فكر واحسبها تمام .. لانك لو خسرت كل شي امريكا ما بتدفع لك فلوس بتقولك انت خسرت كل شي علشاني اتفضل بنستضيفك
والشي الاخيـر إلي ابغى اقوله .. ان مرتك يمكن ما تتوفق ! ولاتنسى انها بتدرس بالغة الانجليزية يعني الوضع اصعب .. ويبغيلها مصاريف .. وبعدين لو ما توظفت وانت خسرت كل هالمخاسير شبتسوي؟
وبنتك <انت المسؤول وبتحس بالذنب طول عمرك ^^
والذهاب إلى امريكا سياحة يختلف عن الذهاب لها في دراسة والعيش فيها

فكر اخوي لاتتسرع


تقبل مروري
اخوك الصغيـر

بسم الله الذي لا يضر مع اسمه شي في الارض ولا في السماء وهو السميع العليم ... أخي الفاضل رايح رايح واضح من النك نيم حقك انك منطلق يعني ما في امل تسمع كلام احد او راي احد .. بس اسمع الكلام على قولتهم الي يجمد على الشارب فلتك خلها ولا تبيعها ابدا او اذا كنت بايعها رح واشتر وحده ثانية مهوب عشانك لا عشان الصغيرين الي معاك ..
بعدين انت تقول انك ميسور الحال وتقدر تستحمل تصرف على اهلك شهر شهرين ثلاثه اربعه في امريكا ما في مشكله

من رائي وانا اخوك : انك تجيب قبول لزوجتك وتسافرون انت مرافق وعيالك مرافقين لامهم .. بعدين زوجتك تدرس فترة معينه والايام هذه الملك الله يطول بعمره امر بالحاق جميع الطلاب الي يدرسون على جسابهم ان شالله بعد فتره بسيطه انك تلتحق وتظبط اموركم

وفي الاجازات ترجع لاميمتك الله يخليها لك ويخليلنا امهاتنا ويطول بعمارهم .

الحين وش صار بعد الكلام هذا كله يعني وش تستنتج :

انك ما بعت فلتك الي هي ملك لعيالك ولامهم والمكان الي بتقعدون فيه لو وش صار لا سمح الله

والثانيه ان زوجتك تدرس وانت عايش في امريكا معاها

و في الاجازات عاد لا تزودها تعال لاميمتك واجلس تحت رجولها

بس والصلاه والسلام على رسول الله

مهوب كلام يجمد على الشنب طبعا من وجه نظري يعني تقدر تمشي عليه وتقدر لا الاول والاخير رايك

وبس

طاعة والديك أهم أهم أهم أهم ...
الوالدين إحساسهم كبير بما هو خير لأبنائهم أو شهر ....طع والديك...

أنا رأيي من رأي الوالدين فنصيحه خذ الكلام منهم واستخر قبل كل شي وريح راسك