حوار بعد ما رجعت من أمريكا ما أدري وش اللي جاني

احتفظ بالدراهم لا تضيع ورح وخل زوجتك تبداء دراسة وعلى طول قدم لها تنضم للابتعاث اذا مشت امورها تمام بحكم انها يبي يجيها مخصصات ماليه هي وعيالها وانت كمرافق اما اذا ما ضموها ورفضو انصحك انححححححش ارجع لارض الوطن ودور بيت واشتره ولا كن شي صار
وش رايك بالشور

اخوي

لك عندي راي يفكك كل همومك ويريحك

ارسل لي رساله ارد عليك خاص

اخوي دبر لزوجتك امر اركاب وتعال انت وياها شهر او شهربن بالكثير وهي ملتحقه بالبعثة واذا الله سهلها
والتحقت جيب عيالك وعيش حياتك ويمكن تدرس انت بعد وش اللي يمنع وفلوس الفلة اشتر فلة وعلى ماقال
الشايب اجرها وفلوس البعثة بتعيشك هنا في امريكا انت وعيالك ولماترجع بعد كم سنة بيصير معكم شهادات وعلم
وبتكون جمعت فلوس من الاييجار السنوي لبيتك وصدقني ماراح تندم اما اذا جيت ولا الله كتب لزوجتك بعثة ارجع
واللي عليك سويته.
سلااااااااام.

شوف بالنسبه لبنتك في مدارس اسلاميه هناك ولا فيها اختلاط
ثانيا عمرك اربعين او فوقها يمكن بيصير عمر الوالدين 60 الى السبعين كم تتوقع تعيش معه والاعمار بيد الله طبعا مانعرف من الاول والتالي
اما فكره بيع البيت ماهي قضيه الفلوس تروح وتجي وثانيا ادفع فلوسي في شي يريحني نفسياماعندي اي اشكاليه
معليش ع التناقضات بس ابين لك عمرك اربعين على قولت 10سنوات تقريبا سنة لغه سنتين ونص ماجستير و5 سنوات دكتوراه هذا اقل تقدير احسبها صار عمرك 50 وبعدين بتعيش كل حياتك في امريكا مان في دراسة ان اللي عمارهم 45 فاكثر يصبح عنده حنين لوطنها الاصلي
:::::::::::::::رائي الشخصي روح سنه لغه انت وعائلتك منها دراسه لغه ومنها سياحه انت واولادك والله يرجعك لنا بالسلامه
ومنها ببتغير مفاهيم كثيره

عزيزي لو ما تخاطر ما بتكسب شي

بس هذا ما يعني تخاطر بكل شي

انا اشوف الحين حاول تشتري بيت او فيلا ويبقى لك مبلغ تقدر ترسل فيه زوجتك لين تلاقي بعثه

بالنسبة لدراسة البنت ترى فيه مدارس بنات فقط واعرف بنت الله يستر عليها تدرس دكتوراة هالحين وعندها يمكن 4 عيال

وما شاء الله عليهم لغه + تعليم افضل من السعودية الف مره

لا تخاف بس امن نفسك بالبداية وانت قلتها محد ضامن عمره يصير فيك شي من بعدها يصرف على اهلك ؟

الدنيا مب دايمة لاحد وما دايم غير وجهه سبحانه اول شي امن نفسك لو فشلت بامريكا فانت ما خسرت كل شي

ويبقى عندك بيت وعمل ومع الوقت تتعوض خسارتك لو فشلت لا قدر الله

واذا نجحت فانت ضربت عصفورين بحجر منها طيحت اللي براسك بامريكا ومنها الحرمه امنت مستقبلها ومستقبل العيال

اذا صار شي لا قدر الله

بالتوفيق ان شاء الله ودعواتي لك

يالله يارب يكتبلكم الخير واايد الذهاب لامريكا احس ان المزايا اكثر من العيوب خصوصا ان الكل بيستفيد من لغة و انشاء الله مستقبل احسن للكل من انت وام العيال و الاطفال و كلة معوض باذن من الله
بالتوفيق انشاء الله.

الله يجزاكم خير جميعاً
أعجبتني كل ارائكم خاصة انني لا اعرفكم ولا تعرفونني وأرائكم أكيد حيادية وليس كمن يستشير شخص يعرفه من اقاربه

في الحقيقة ان بالي قد هدأ قليلاً بعد استماعي لأرائكم وأشعر باستقرار نفسي وقدرة على اتخاذ القرار النهائي خلال اليومين القادمين

أكرر شكري لكم

الرجال بايع بيته خلاص لا تجلسون تلومون فيه
شوف ياخوي امريكا حلوه والدراسه فيها مو سهله بس مو صعبه
تقدر تتأقلم على الوضع بسرعه
بنتك ماعليها شي هنا الشعب واعي ومتعود على الاختلاط
اهم حاجه ألهمه وزوجتك تحاول ان تحط حولها بالدراسه
الله يوفقكم ويفتح لكم ابواب رزقه وتنظم زوجتك للبعثه بأسرع حال

بالتوفيق .. الله ييسر لكم كل خير ويبعد عنكم المكروه..

استخير
والله يكتب اللي فيه الخير

هذا اللي اقدر اقولهـ لكـ