استفسار مُعيده ... ضااايعه !!

أهلا بك أختي

بالنسبة لطلب الجامعه قبول قبل تعيينك فهذا خلاف النظام
لأن المفروض يتم تعيينك ثم يطلب منك القبول
لكن ماعليك فيهم هاتي القبول وربنا يسهل باقي الأمور
بالنسبة لأولا : نعم أخوك بتكون جميع تكاليفه الدراسية على حساب الدولة وبيصرف له راتب كمان
وبيلاقي له جامعه تقبله في أمريكا بنسبته ..

بالنسبة لثانيا : نعم هناك تخصص ادارة اعمال وهناك تسويق واداراة عامه وادارة مالية كلها تخصصات موجوده

بالنسبة لثالثا : لا تكثري من الشروط واهتمي بوضع الجامعه التي تقبلك انتي واخوك وابتعدي عن الولايات الغاليه فقط
والسيارة الأفضل أن تشتروا
واذا كنتم في مدينة توفر خدمات النقل
يصير السيارة مالها داعي
وبالتوفيق لكم انشالله

على فكرة اخوي عمره 27 سنه ؟ يُقبل بكالوريوس عادي والا العمر فيه مشكله ؟؟

طيب ماهي الاجراءات اللي لازم نسويها عشان تكون بعثه اخوي على حساب الدوله ؟ هل نجيب له قبول ونرسله لمكان معين هنا ؟؟

طيب وش الولايه اللي فيها خدمات نقل وماتحتاج سياره ؟


سفير المحبه .. الله يعطيك العافيه ويوفقك بدراستك

اختي اخوك نسبته ضعيفة مرة فنسبة قبوله صعبة شوي خصوصا انه مرتبط بالجامعة اللي انت راح تلتحقين فيها
الحل انه يدرس لغة وبعدين يدخل كلية مجتمع على الاقل سنة وبعدين ياحول ع الجامعة
لان قبول كلية المجتمع ممكن تقبله ,,, والتحويل للجامعة راح يكون اسهل
طبعا كل هدا يعتمد على اتقانه للغة واجتيازة لاختبار القبول بدرجات زينة

الولايات الزينة هي ولايات الجنوب لان الشمال والوسط يجيهم ثلج فتكون باردة
انا ارشح لك اويقن جوها بارد بالشتاء بس الثلج مايجي الا كم اسبوع+ مافيها تاكسس وولاية حلوة

فلوريد حلوة ورخيصة بالصيف تكون حارة ورطبة بس مقبوولة
عندك تاكسس بعد معقوولة
جورجيا والباما والولايات الوسطي الجنوبة

بالنسبة للاعادة هل فعلا ممكن اتوظف وعلى طول اطلع ابتعاث ؟ بدون خدمة

قصدك كليه المجتمع اللي بالرياض ؟!!

وهل قصدك يدرس لغه هنا بالرياض والا برا ؟ معليش ما فهمتك

لان انا الجامعه قالوا لي لازم تجيبين قبول لك خلال شهرين عشان نوظفك !!
مدري هل اخوي اقدر اجيب له معي بنفس الجامعه ؟ وهل تقترح جامعه معينه ممكن تقبلني انا واخوي ؟؟ - مع ملاحظه اني ما افضل المناطق الجنوبيه ابدا -


ايه .. انا كذا ان شاء الله
اول ما اجيب القبول من الجامعه اسافر وانا على راس العمل
اساسا بعثتك بحد ذاتها تعتبر خدمه لك


بالتوفيق ومشكوووووور

لا انا اقصد يدرس بكلية مجتمع بامريكا كومينتي كولج طبعا على حسابه لان الملحقية ماتوافق تدفع لمثل هالكليات
وترا مب غالية مرة اسعارها زينة وتقدرون عليها وبعدين ياحول للجامعة
واللغة يحق له يدرس سنة ونص والملحقية تدفع له


والله يوفقك

انا واخوي راح تتكفل بجميع مصاريف دراستنا الجامعه اللي انا بكون معيده فيها

ظنك ماراح تتكفل بتكاليف كليه المجتمع برا ؟؟


ماقصرت

اللي راح يتكفل بدراسة اخوك هي الملحقية في بلد الابتعاث وشغلك ماله دخل فيه
والملحقية تتكفل في اخوك لدراسة اللغة لمدة سنة ونص ١٨ شهر ودراسته بجامعة معترف فيه من وزارة التعليم العالي
والكليات الاجتماعية اللي هي كومينتي كولج ماتتكفل فيها الملحقيات.

الشي الثاني اخوك جيبي له قبول لغة لانه راح يكون جدا صعب تجيبين له قبول جامعة بدون مايكون عنده لغة
وشغلك ماراح يعطي المرافق ضمان مالي فانت لازم تجيين له ضمان مالي شخصي من البنك عشان تطلعين له قبول وعشان الفيزا >> هدا اذا بيطلع فيزااف ون عشان يدرس فل تايم. لكن اذا بيطلع معك اف تو اللي هي فيزة مرافق فمايحتاج الكلام هذا بس انه راح تكون دراسته جزيئة يعني يمكن بس ٣ ساعاتباليوم


الموضوع متشعب وحوسة اقري عن المرافقين واوضاعهم عشان تفهمين الوضع


موفقة*