استفسار يااااااليت تردون علي للناسة المبتعثين بامريكاا فزززززعتكم

اريقون منطقة حلوه بس انديانا ما قد زرتها بس اعرف ناس فيها ويقولون فيها نسبة سعوديين كبيره

عموما اول سؤال الله اعلم

2- الافضل تاخذ دراسية لانه انت تبي تلتحق بالبعقه وتكلف حول 1600 ريال على ما اعتقد

3- بالنسبه للجامعات ادخل موقع وزارة التعليم العالي وشف وش يناسبك واسال وان شاء الله احد يفيدك

4 - اول شي لا تطلع الا بامر اركاب ليسهل لك الالتحاق وبعدها الصرفية العادة الشباب يظلون من 3 الى 6 شهور لين يجيهم الفرج وهذي تكلف
كل شخص ومصروف جيبه وسعر المعهد او الجامعه بس حدود 60 الف كاملة هذا توقعي

بالتوفيق

ياهلا فيك
ماقلت وش شهادتك بالاول عشان اجاوبك
1_ ايش افضل اوريقون او انديانا.. من ناحية التخصص تبعي و الجو والمعيشه والجو والناس اللي ساكنه فيها يعني اهلها وشكلها العام؟
انديانا انا قدمت عليها لكن قبولهم يتاخر.. لكن اريغون- بورتلاند جاني فيها قبول لكن بشوف معهدي اول كيف وضعه ولا حولت معهد PIE في بورتلاند

2_ ابغا اطلع فيزا ومدري كم تاخذ وقت ,, وسمعت ان مدة الفيزا 5 سنوات,, ابي اعرف كم تكلفتها .. ولو اطلع فيزا سياحيه واغيرها بامريكا لفيزا دراسه كيف يكون الوضع؟ ..,
الفيزا حسب مقابلتك فيه ناس اسبوع وناس مثلي 3 اسابيع .... الخ وسعر الفيزا 532 ريال تدفع عن طريق بنك سامبا

3_ اللي يفضل وحده من الولايتين ابيه يذكر لي اسامي الجامعات والمعاهد الموصى بها من الوزاره لاني ابي انضم من البعثه من هناك.. وكم ياخذ وقت عشان يضموني للبعثه
بخصوص الجامعات عندك OREGON STATE UNIVERSITY تدرس تخصص الميكانيكا الين الدكتوراة لو تبي تكمل مستقبلاً
جامعة معتمدة - وتعتبر جامعة المدينة اوريغون

4_ وكم يكفيني الشهر صرفيه عشان بالابداية راح اكون ع حسابي,,

الصرفية بتكون مقسمة
اولاً : رسوم المعهد وتبدا من 500 الين 1650 حسب المعهد
معهد PIE في بورتلاند ياخذ 1200 دولار
لكن انت شوف المعاهد اللي تحت اشراف نفس الجامعة..
ثانيا: السكن ويتراوح بين 450 الى 700 ايضا حسب المنطقة ونوعية السكن..
ثالثا: مصروفك الخاص هنا يعتمد عليك وعلى متطلباتك..

واخيرا شوف اللي يريحك وادرس الوضع وبعدين توكل وتقدر تشوف الجامعات الي تدرس تخصصك
من موقع وزارة التعليم العالي...

اخوي انا معلوماتي عن انديانا حسب ماقريت دايما برد وبردهم شييين
والجامعات سمعت ان عندهم سهله عشان كذا امتلت سعوديين

بالنسبه لأوريغون نفس الشئ مليانه سعوديين لأن الولايه حلوه مو برد ولا حر مره واغلب الوقت امطار
اوريغون مافيها ضرايب مو مثل باقي الولايات
بالنسبه للجامعات لازم تبحث بقسم الموصى بها في موقع الوزاره تحط البلد امريكا والولايه اريغون وتحط اسم القسم اللي بتدرسه بالانجليزي وتحط اي مرحله بتدرس وانتر وهو يبحث لك عن الجامعات اللي تدرس هالقسم وانت خذ اسم الجامعه وحطه بقوقل عشان تعرف بأي مدينه وبعدها ابحث بقوقل عن قوه الجامعه وعن المدينه بتلاقي اجابات في قوقل

واذا عالفيزه اطلبها دراسه اما اذا تبيها سياحيه فتغييرها من هناك يتطلب وقت من شهرين وفوق وارسل اوراقك ومدري ايش دوشه
فخذها دراسيه وترى السياحيه والدراسيه كلها يعطونك 5 سنين واذا على التأخير ترى نفس الشئ انا قدمت عالسياحيه ماطلعت لمرافقي الا بعد طلعت الروح ونفس الشئ يوم قدم عالدراسيه اخذت تقريبا نفس الوقت
يعني لاتفكر انك بتاخذ سياحيه بيطلعونها بسرعه ..

بالنسبه لباقي الاسأله ماقصرو اللي قبلي

يعطيييييييييييييييييييييييييييكم الف عاااافيه يالغااااالييين وربي ريحتوني بايجاباتكم...
انا بدرس بكالوريوس هندسة ميكانيكية,,
واذا اي احد عنده زياده ع الكلااام لا تقصروون معي يااحباايبي