شرح .. لكل شخص شايل هم الفيزة وهم السفارة الأمريكية ..

ما قصرت بنسأل ونتأكد الله يسهل الامور ،، لكن بالنسبة للفيزا هل ممكن تعبئة الابلكيشن الخاص بالسفارة وقبل الموعد يعدل فيه مثلا عند وصول آي توني آخر ويضع تاريخه ورقمه من جديد أو تعبئة الابليكيش تعتبر نهائيه من أول حجز للموعد وهل عندك فكرة عن مدة الفيزا قبل السفر كم شهر بالضبط وشكرا

كلامك سليم يالطيب

بس صراحه وش تقول لشخص سوا المقابله قبل موعد دراسته بشهر وماطلعت الابعد ثلاث شهور
وش تقول لشخص بعد ثلاث شهور انتظار طلعت فيزته يقوم المعهد ويطرده عشانه متاخر
وش تقول لشخص نقل من المعهد اللي طارده لفرع اخر واعطوه اي توني مو نفس رقم السيفس اللي في الفيزا ولمن تطلبهم يعدلون السفس يوقولن لك انت ماطبيت امريكا عشان كذا مانحولك
وش تقول لشخص صارله هذا كله ومالقي غير حل واحد وانه يسوي فيزا جديده ولمن سوا فيزا جديده وله شهر ينتظر والله العالم شكلها ثلاث شهور زي اختها او اكثر


وش تقول لشخص صاحب الشخص اللي قريت معاناته له سبع شهور ينتظر الفيزا


واللي يقهرك انهم يقولوك مبرووك الفيزا مكبولا روح سدد الفدكس .. وتجيك في اسبوع اسبوعين حد اقصى ثلاثه اسابيع كحد اقصى اقصى

وانت على اعصابك في دي الاسابيع

وبعدين تنلطع بالشهور

يشيخ خلها على ربك بس

والله مشكله الله يكون بعونك يعني نأخر المعهد ستة شهور مثلا حتى نعمل حسابنا في حالة تأخير صدور الفيزا ما ادري ليه النظام ما يكون واضح ليه كل واحد له قصة مع ان السفارة وحدة ؟

يعطيك العافيه على الموضوع
بسئل هل الاسئله اللي يسئلونها بالانجليزي او العربي
بعدين عندي طفل عمره ست يعني بسن مدرسه هل اسوي له من هنا اوراق المدرسه او اذا رحت هناك لان يقولوا فيه فرق في الفيزا حقت الدراسه وفيزا المرافقين وشكرا

السلام عليكم ورحمة الله وبركاته

عندي مقابله مع السفارة الامريكيه

و ابي اعرف الاسئله اللي يسألونها في الغالب
اتمنى تكتبونها لي مع الاجوبه بالانجليزي

لا خلاص لأنك بمجرد ماتعبي البيانات تنزل عندهم بالسستم .. لكن انت اللي فهمت عليك انك تبي تسوي تأجيل فترة دراسة .. يعني هالشي مايعتبر قبول جديد .. بنفس القبول حقك ونفس بياناته بالضبط مافي اي مشكلة بس تكلم المعهد وتأجل ووضعك بالسليم .. ومن ناحية مدة الفيزة قبل السفر كم مافهمتك والله .. لكن هم يسمحون لك تدخل أمريكا قبل بداية الدراسة بشهر..ومن ضمن شروطهم بالموقع إنك إذا جيت تبي تقدم على فيزة دراسية تجي قبل موعد دراستك بثلاث شهور عشان تعطيهم وقت لإستكمال الإجراءات.,


أقول له "الخيرة فيما اختاره الله" .. وعسى أن تكرهوا شيئا ً وهو خير ٌ لكم ..
أدري بتقول هذا رايق ولاهوب حاس بمعاناتنا ويبي يسوي فيها المؤمن المثالي , لكن صدقني وانا أخوك , والله الواحد مايدري وين الخيرة فيه .. أنا صارت لي أشياء قسم بالله قفلت أم أخلاقي وخربت جوي وعكرت مزاجي والحين الحمدلله شوفها صارت من حظي وخير لي ولكل أموري .. اللهم لك الحمد ..

صدقني يالغالي فيه اشياء بتصير لك كثير بعد مو بس هالشي , بتحس إنها شر ومافيها من الخير أي شي , لكن بعد فترة بتقول الحمدلله إنها صارت لأجل كذا وكذا ..

أسأل الله إنه ييسر أمرك أنت وصاحبك ويوفقكم بالدنيا والآخرة ..

دعواتي لكم.,




إذا أخرت المعهد أخروك بالسفارة لأنهم من شروط السفارة إنهم مايطلعون لك الفيزة بمدة تزيد عن 90 يوم .. النظام مايقبل حتى لو القنصل حب يطلع لك الفيزة .. يعني أنت كذا بتأخر نفسك ..
عموما ً الناس كل واحد ظروفه وأسبابه تختلف عن الثاني وهذا هو اللي يخلي كل واحد قصته تختلف مع السفارة .. لكن عموما اللي وضعه سليم وأوراقه زينه غالبا ً يمشي صاروخ مايصير له أي مشاكل مع السفارة ..

أنت زي ماقلت لك , خل أوراقك سليمة وكاملة , وخلك مضبوط وتوكل على الله لا تقعد تشوف معاناة الناس ومشاكلهم عشان ماتجيك عقدة وتخاف ..
بالتوفيق.,

أول ماتجين للقنصل بيقول لك .. تبغين المقابلة بالعربي والا بالإنقليزي (لأنهم يعرفون عربي بعد) .. وأنتي قولي عربي .. وخلاص تصير المقابلة من أولها إلى آخرها باللغة العربية هي وأسئلتها وكل شي ..
بالنسبة للولد والله ما ادري , أنا آسف ماعندي هالمعلومة..
بالتوفيق .,



أنت ليش مرة خايف كذا؟.. رسايل خاصة ورسايل زوار وهنا وخايف .. يعني بعد كل هالموضوع اللي كتبته طوله وعرضه والكلام اللي قلته فيه .. للحين خايف؟
والا انت ماقريت الموضوع بس قريت العنوان ودخلت تكتب الإستفسار؟

حط في بطنك بطيخة صيفي واذا سألوك بالمقابلة (ايش هدا اللي في بطنك) قول (بطيخة) .. وماعليك أنت بكذا تكون جاوبت واحد من أسئلتهم ..
فهمتها ؟

يعني يابعد قلبي .. الأسئلة جدا سهلة وبسيطة ومهيب مستاهله هالتعب النفسي كله اللي انت عايش فيه .. صدقني الأمور أسخف وأتفه مما تتصور ..
هو يسألك أسئلة وزي ماقلت لك انت اللي تختار اللغة وإختار العربي أسهل لك عشان تعرف تستعرض بالمفردات الحلوة ..

لا تقعد تدور الأسئلة لأنك بتتعب .. تدري ليش؟
تخيل واحد بالمقابلة الشخصية يسأل كل يوم أسئلة من راسه .. ويسأل كل واحد سؤال غير عن الثاني .. وكل هالناس يجون ويكتبون الأسئلة اللي إنقالت لهم بالمنتديات .. أنت متخيل كميّة الأسئلة اللي بتجلس تقراها؟..
عموما ماراح يسألك الا 5 أسئلة بالكثير إذا مرة مرة كان فاضي يعني , لا تنسى إن وراك ناس وكان قبلك ناس وعنده مليون شغلة غيرك , فـ لا تشيل هم أبدا ً أبدا ً .. الأسئلة بسيطة مرة كأنك سلمت على واحد بالشارع وقعد يسألك عن الأهل والوالد وأوضاعك والدراسة ووين رحت ووين جيت (بالله شايف إن هذا شي يستاهل تذاكر عشانه؟) ..


بالتوفيق يالغالي وعلمني وش يصير معاك بالمقابلة .,

مبروك الفيزة لك ..
بالنسبة لأخوك بحكم إنه عسكري فهذي لها إجراءات ثانية تختلف جذريا ً عن إجراءاتنا ..

أعتقد إن بعض الإجراءات وأنا والله ماني خبير ولا ودي أتفلسف بس أعتقد إنها تكون مثل كذا:
1/ لازم يقدم على إجازة خارجية من العمل.
2/يعطونه العمل خطاب موجه بالموافقة على رحلة السفر الخارجية بالمدة المحددة والوجهات والتفصيل الدقيق (عسكرية هذي مو لعب).

يعني قد تكون بس هالخطوتين أو يمكن فيه إجراءات ثانية حسب جهة العمل والقطاع العسكري اللي يشتغل فيه
يعني نظام الجيش غير عن / الأمن العام / الجوازات/البحرية .. وكل قطاع له فروعه الثانية مثل الشرطة العسكرية والمرور وما إلى ذلك (يعني كل شي له إجراءات وأنظمة تختلف)..

فـ ياليت اذا أخوك ما أستوفى هالشروط يروح للعمل ويكمل هالإجراءات بأسرع وقت ممكن ويراسل السفارة ويرفق لهم الأوراق الناقصة ..

بالتوفيق .. وعسى الله ييسر أموركم .

^^ اول شي ترانا مقدمين بـ17 مايو بس انا غلطت سوري

ثانيا اشكر تجاوبك ما قصرت,, بس لمن عطيناه الاوراق بالانترفيو قالوا كلش كامل

بس هل لو ارسلنا ايميل نسأل عن حالة الفيزا بتكون خطوة جيدة أو لا ؟؟ ووش اكتب بالاستفسار
لآ هنت اخوي