شرح واخيرا تم بحمد الله تحويل بعثتي من بريطانيا الى امريكا.

سبحان الله نفس الشيء صار معي قدمت بقبول على تخصص ثاني ورفضو لأن التخصص مختلف عن التخصص المبتعث من أجله
وقدمت مرة ثانية بقبول نفس التخصص لكن مشروط باللغة وفعلا ارفضو بحجة اني درست لغة في بريطانيا ومع انها نفس اللغة وفوق كيذا باقيلي فترة 6 اشهر تمديد لغة مامدت في بريطانيا قلت ابي ادرسها في امريكا
ومع ذلك تم الرفض
وقدمت مرة ثالثة وتم الرفض بس هالمرة من المشرف بحجة عدم وجود صورة للفيزا مع ان في ناس حولو من دول ثانية بدون صورة للفيزا والطلبات الي قبل تمررت للوزارة بدون صورة للفيزا
المهم من حسن حضي انها كانت عندي وفعلا قدمتها وتم رفع الطلب الى الوزارة وفي النهاية القبول
يعني لازم يطلعون عيون المبتعث اذا كان الطلب في مصلحته
اختي الله يعينك المشكلة انك خلصتي فترة اللغة في هولندا ومن شروط التحويل انه مايدرس لغة من جديد
لكن اذا زوجك مبتعث ليش ماتوقفين بعثتك وتروحين عند زوجك على اساس انك مرافق وتدرسين هناك لمدة سنة وبعدها حولي
او سوي ايقاف وكملي على حسابك في امريكا وبعدها حولي بعثتك
او الحل الاخير الواسطة حاولي تدورين واسطة منا مناك يعني يمكن الوالد يعرف احد شوفي دوري المهم انك ماتستسلمين حاولي للرمق الاخير وان ماحصل فبأذن الله انها خيرة
والله يوفقك ان شاءالله ويسهل عليك.

طيب اختي انتي مرافقك الوالد حلو ليش ماتقولين لهم ان الاسباب طارءة وابوك كبير والسفر عليه تعب وحنا في غربة وانا محتاجة محرم لاكن ابوك مايقدر يكمل معك اصلا من شروط الابتعاث وجود محرم
وقولي ان زوجك مبتعث من جهة عمله في امريكا وانك تبين تحولين هناك عنده لهذه الاسباب وقولي انك مستعدة تجيبين اثباتات على كلامك اذا حبو حاولي انك تدعمين اسبابك وبقوة وتبينين لهم انه مافيه عندك غير هالحل وبكيذا تضغطين عليهم
وان شاءالله يوافقون هي تجربة ياتصيب ياتخيب ماراح تخسرين في كل الحالات
ومن ناحية الفيزا سهلات اهم شي انهم اخذو الجواز خلاص تعتبر نص المهمة انجزت
مالك الا الصبر ان الله مع الصابرين
ربي يفتحها عليك ان شاءالله وتفرج.

الله يعينك ان شاء الله
لكن صراحة مافهمت كيف تراسلين السفارة ويقولون للحين تحت الاجراء وهم اصلا ماخذو جوازك انا الي اعرفه انه يعطونك الجواز اذا كان فيه نقص في اوراقك او شي زي كذا وتالي ترسلينه لهم مع الاوراق الناقصة
صراحة شيء غريب.

الله يسهل امورك انشاءالله ويسهل اموري بعد وتطلع هالفيزا الي لوعت كبودنا وكبود العالم
انا لي اكثر من شهر وداخل على الثاني ولاحس ولاخبر مع ان اموري كلها تمام والي يقهر اكثر انها كانت عندي بين يديني قبل وطلعت خلال 22 يوم فقط
وقدمت عليها مرة ثانية من قرادتي لأني غيرت من معهد الى جامعة وتحسفت لكن ماباليد حيلة مقدر ومكتوب لو مقدمين على ارض اطلعت من زمان
بس يالله على الاقل احسن من غيرنا فيه ناس على 5 شهور و6 شهور وفيه ناس وصلت ل9 شهور
وفي النهاية مالهم غير هالمنتدى يشكون الحال وكلن يسأل الثاني بأي شهر انت؟ بالثالث ولا الرابع ماقول الا حسبي الله عليهم كانهم قلبونا حوامل!! استغفر الله
الحمدالله على كل حال اللهم لاعتراض والله كريم ويفرجها ان شاءالله.

مبروك اخوي على التحويل لكن بسالك المرة الثالثة للطلب هل كان نفس تخصص المبتعث عليه و لا تخصص اخر؟
لقد تم اليوم رفض طلبي للتحويل من كندا لامريكا بحجة ان التخصص ليس من ضمن تخصصات برنامج خادم الحرمين للابتعاث و مني عارفه الان ايش اسوي الدراسة في جانيوري و ماعاد عندي وقت خلاص ياليت تفيدني ايش ممكن اسوي؟