مساعدة آستفسار بسيط ..

جيبي لي مكان في العالم مافيه عرب؟.. وعلى فكرة .. كل الناس تسأل عن مكان العرب فيه قليل .. وكلهم يروحون للمكان اللي العرب فيه قليل !!
إسألي عن المعهد وعن الجامعة وعن المدينة من ناحية الأمان والرخص وما إلى ذلك .. "والعرب" لا تشيلين همهم .. بتلقينهم بكل مكان

بالتوفيق.,

ما عندي اجابة للأستفسارك
بس عندي سؤال ،، ليه الأغلب يبى مدينة فيها عدد العرب قليل ؟
كل ما دخلت موضوع قالو ما نبى عرب ،، ايش الحكمة من كذا ؟
انتظر الأجابة ..

يقولون عشان مايعرقلون تعلمنا للغة ..

فيه ناس ماتبي تتكلم عربي تبي تغصب نفسه على تعلم اللغة لأنه لو فيه عرب راح تضظر تعتمد عليهم وقرقر كل يوم عربي خارج الكلاس او داخله وماراح تستفيد شيء تدرس بمعهد في السعودية وخلاص ولا شفايدة السفر من أساسه
فاللغة ممارسة أكثر منها حفظ.

رد آخوي دآئمآ متفآئل عليكم من بدآآلي ,,
آنآ آغلب ربيعاتي في ميتشغن واريزونيا ,,
ف آذآ كنت بمكان كله عرب مآرآح تتغير لغتي الأنجلزيه ,,
في السكن عرب في الجامعه عرب في الكلاس عرب في الشارع عرب ,,
ف كل كلامي عربي ,, كآني جآلسه آدرس بالسعوديه يعني مآفرقت ..

Majid Alharbi & دائما متفائل

مشكورين على التوضيح وَ على سرعة الرد ،،

بس ما جا في بالي ان لدرجة هذي وجود العرب راح يأثر على تقدم الشخص في اتقان اللغة !!

بالتوفيق للجميع

لا وجودهم مايأثر على شي .. هذا راجع للشخص .. اذا بيقعد يفلها مع العرب وسوالف ودقة حنك , طبيعي ماراح يستفيد .. بس اللي يركز على دراسته ويهتم إنه يتعلم ويترك الفهلوة والإنسداحة والأوضاع الإنبطاحيّة , ويطور لغته بإنه يتحدث مع الأجانب ويستفيد منهم لغة ويقرأ كثير ويحفظ كلمات ويراجع الدروس .. بيتعلم مهما كان ..

لاتنسين فيه ناس تعلموا وطوروا مستواهم بشكل كبير وهم بالسعودية فـ مابالك بالفرص اللي بتكون قدامك هناك ..

وجود العرب ماهو عائق أبدا ً ,, تصرف الشخص وإهتمامه وإجتهاده هو اللي يخليه يفهم والا مايفهم ..


بالتوفيق.,

^

كده تمام ، الواحد اذا حط في راسه دراسة ما اتوقع اني فيه شيء راح يأثر عليه

مشكور على التعقيب

طيب نفس الحكاية يعني اتحاشاهم زين ليش عوار الراس من البداية ادور لي مدينة مافيها عرب او على الاقل قليلين جدا لأنه فيه ناس يأثرون عليك من غير ماتحس ماردك طايح بواحد نشبة مايعرف يتكلم انقلش وكل ماقلتله حاول راح يقول ماعرف وفيه ناس حتى وهم يعرفون انقلش يتكلمون معك عربي طيب ليش والله هذه لغتنا الام وكلنا عرب مع بعض ليش انتكلم انقلش يعني ناس ماتفقه للأسف واذا قلتلهم تكلمو انقلش معي زعلو نفسيات كل هذا حصل معي شخصيا بس والله يوم بعدت عنهم كليا وقعدت مع العائلة وروحات وجيات وياهم نسيت شي اسمه عربي والله تطور مستواي بشكل خرافي اما الي طورو مستواهم وهم بالسعودية احتمال ليش لا لاكن تطور بطيء وبطيء جدا بعد مو مثل برا وفي النهاية العرب ماعليهم خلاف بكل مكان مشاءالله لاكن حاول انك تقابلهم على فترات طويلة ومتقطعة اذا تعرفت عليهم لأنه ماتدري صار ماصار مراح يوقف معك غيرهم وكلامي هذا طبعا يخص مرحلة اللغة فقط اما الجامعة خذ راحتك لانه حتكون متقن للغة ان شاءالله.