تقرير الواسطة في التعليم العالي (برنامج خادم الحرمين الشريفين للابتعاث الخارجي)

دام معك واسطه لو تبي المريخ يودونك عاااادي


حسبي الله على من ضيع الامانه وخان الله ثم ولاة امره

دام عندك واسطة تقدر يعطونك شهادة من أمريكا وأنت جالس في بيتكم بالرياض!!

الله ينتقم من الخونة

اسأل الواسطة .....
بالتوفيق

صح ليش ما تسأل واسطتك؟ هههههه
بعدين ياخي تراك أذيتنا بواسطتك هذي في كل موضوع
ترى شيء مايشرف كثير عشان تتباهى فيه كذا

ان شاء الله انك ما تنقبل بالبعثة اذا بتدخلها بالواسطططة

حرام تاخذ مكاني او مكان اي شخص احق منك فيها

بالتوفيق للجميع

الأخ ANAS انت احصلك في كل موضوع ترد عليه وبجواب ! يعني كل شيء فاهمه ماشاءالله وبعدين وش اللي محرق قلبك (ياخي تراك اذيتنا في واسطتك في كل موضوع)

انت فاهم غلط (تشلسي ) الله يهديك والدعاء لايرجع عليك استغفر لاتدعي على اخوانك وترى ياخي شروط البعثة منطبقة علي ولله الحمد بس انا ماريد تخصصات طبية

وشفيكم عليه هو له حق كبير يبتعث مشاءالله نسبته حلوه بس القدرات والتحصيل ظلمته وظلمت ناس كثير من الشطار اشكالي واشكال طالب مجتهد

الظم بعينه وعلمه لما يجيك واحد نسبته 90 شاد حيله عالخفيف ولما يختبر قدرات وتحصيل تجي درجاته فوق فوق وحنا اللي نتعب قبل ونجيب نسب زينه يروح كلش بالهوا عشان حتة اختبار

انا ماائيد الواسطه واكررررررها بس للي يستاهل ويحس انه مظلوم جدا عادي


بالتوفيق خيو

ومو عشان واسطه وغير انا سمعت يمديك تغير تخصصك بعد ماتخلص لغه حتى لو مامعك واسطه ف كيف للي معه والله اعلم

والله ماقلنا شيء.. يسوي إلي يبيه ولو بلاقي لي أنا واسطة في بقالة توسطت بها بعد لأن البلد كله ماشي كووسة ع ماقالوا المصريين
بس مو يجي بشكل طفولي كل شوي أنا عندي واسطة وش اسوي أنا عندي واسطة وش أزين
عارف هالناس آخرتها تنكب واسطاتهم بحكيهم
خلاص ياخي الرجال توسط لك روح اسأله هو عنده الخبر الأكيد ولا تجي هنا فيه مظاليم بيدعوا عليك زي إلي تو