تقرير الى كل حامل, مرضعه , طفل اقل من خمس سنوات هنا تتمكن من الحصول على الغذاء مجانا من WIC

المجتهد والله انا ما سمعت منه الا من الليبين والمغربين اللي هنا مستخدمينه من زمان ,,, عشان كدا قلت اتابع وراه وان شاء الله الامور تطلع طيبة

استاذ علي اسعد الله مساك ,,, فيه عدد كبير مشاركين بالبرنامج وجددوا فيزهم والاهم من هذا انت خش الموقع واقرا الشروط والاحكام ,,, ياخي هذي مساعدة للكل ,, حتى لذوي الدخل تصرف للصغير والكبير والاجانب هم الاكثر فائدة لهالبرنامج

جتني غبنه ليه يحدون العوائل المبتعثه لهالطريق!
نقول للجمعيات جزاهم الله خير وللسبب الي حد العائل لهذاالطريق حسبي الله ونعم الوكيل
ابنتي لاتنام في حضني ولم تتمتع بحق الابنة مع امها لاني لا املك حق الحضانه

^^^
ماني فاهمة . مين اخذ بنتك منك ؟؟؟

اعتقد انك ما انت فاهم اي شئ عن الموضوع
وتقول كلام اكيد انك كلمت موظف الامقريشن وانه لم يجدد فيزه طالب حصل على مساعده ؟؟؟؟؟!!!!!!
ممكن اصدق كلامك اذا انهم اكتشفوا ان العائله لا تستحق وان دخلها اعلى من الجدول والنظام ....مثل ان الزوج والزوجه مبتعثان ولديهم طفل واحد فيكون دخلهم من الملحقيه اعلى من محدودين الدخل وبذلك لا يستحقون الاعانه او ان احد الوالدين لديه دخل ثاني مثل انه موظف في الجامعه وعنده social Security Number فبذلك تم كشفه في النظام
اما الى مثل حالتنا وحاله اكثر العوائل المبتعثين والذين يستلمون من الجمعيه اكثرهم نظاميين وتنطبق عليهم الشروط

انا جدا مستغرب من استغرابكم و استنكاركم للموضوع .........
الموضوع بسيط اذا العائله تحتاج مساعدة وتنطبق عليها الشروط يذهبوا الى الجمعيه ويقدموا عليهم ........وتعاملهم ارقا مليون مره من تعامل الملحقيه معنا او من اي دائره حكوميه سيئه السمعه
فالرجاء عدم المبالغه او التهويل او التاليف
عاد ايش تقولوا اذا دريتم انه يوجد تخفيض 30% على فواتير الكهرباء والغاز للطلبه ولمحدودين الدخل ايضاً لاغلب مدن الامريكيه للكن الكثير لا يعرف ذلك
هل تعلم ان الكوبونات الغذائيه توفر على العائله من 200 -300 دولار شهريا وممكن اكثر بحسب كبر العائله
وسلامي للجميع

الله يوفقك على الموضع ............ لا ابشرك كثير من العوائل السعوديه مشتركه في البرنامج لكن مايتكلمون عنه تفاديا للاحراج بحسب زعمي
وشكرا

نعم ذا الصحيح ولايلامون .. للأسف عندنا مجتمع سيء والبعض نقل السوء الى امريكا .. عموماً .. اعتقد والعلم عند الله ان الوضع سهل .. الوزارة ماقدر تكلمت انه يمنع اخذ معونات من جمعيات او يمنع مساعدات او ماشبه ..



( لاتضيق عسير يا اخي )


المشكلة يجي الواحد يقول كلمة او معلومة ويحذر الناس ولايبني كلامه على ادلة او تجربة او رابط .. فقط كلام في كلام .. وهذي اكبر مشكلة تواجة من يريد معلومة .. اذا كنت متأكد ياليت يكون كلامك واضح ومبني على حقيقة وليس مجرد كلام بالهواء .. بعض الاسر ماهي قادرة تصرف على اولادها ..


عموماً من يعرف عن المعلومة يفيدنا .. هل البرنامج يتكلف بجزء من مبلغ الحضانة او يساعدون فيه !!! اللي عنده خبر او يقدر يجيب خبر جزاه الله خير

بارك الله فيك وكثر الله من أمثالك ... وزادك من خيره وأعطاك لين أرضاك وزادك بعد الرضا ويسر لك أمورك كلها يا رب .

الله يجزاك خير أخوي .. ويرزقك من واسع فضله ..
وليت الفكرة تنتقل للوزارة وتوفر للمبتعثين كوبانات للغذاء ومستلزماته توفر علينا شوي من هالمصاريف ..

نقطة : ابعدو عن الكذب والتزوير الواحد مايدري وش يجي من وراها من مشاكل .. الله يغنينا ويوسعها علينا.

اعتقد ان هذا نوع من التسول حتى لو كان العروض مغريه