استفسار بعض الاستفسارات عن امريكا اتمنى التكرم والإجابة ^_^

فممممت الصفط

للاسف انا ماعندي خلفيه ابدا سوى اني باذن لله راح ادرس تخصص تيسول ولك رسالة على الخاص

اولا اسأل الله ان يرزقك الذرية الصالحة وتقر عينك بهم ,,,

بالنسبة لكاليفورنيا وغلاء المعيشة فيها ,, طبعا الصورة العامة عند الكثير عن كاليفورنيا انها غالية ,, وهذا كلام غير دقيق ,, من الصعب جدا انك تحكم على كاليفورنيا بشكل عام ,, لازم تحدد المدينة ,, لأن فيها مدن من اغلى مدن امريكا مثل سان فرانسسكو ولوس انجلس ,, وفيها مدن متوسطة ,, وانا شخصيا عشت فيها ودرست فيها في جامعة كاليفورنيا ستيت في مدينة اسمها سان برناردينو ,, تبعد يمكن ساعة ونص عن لوس انجلس وكانت الاسعار فيها جدا معقوله وأرخص من مدن كثيره سواء في كاليفورنيا او في ولايات ثانية ,, وأعتقد ان اكثر شي يهمك في الغلاء هو اسعار السكن ,, فتقدر تدخل على واحد من الروابط اللي باحطها لك وتاخذ منها فكره عن اسعار السكن والقرار يبقى لك ,,
www.craigslist.org
www.rent.com
بالنسبة للولايات اللي فيها عنصرية ,, بشكل عام جنوب امريكا عنصري وشمالها العكس ,,, ومع ذلك فيه طلاب سعوديين كثير في الجنوب ومرتاحين ,,

بالنسبة للولايات اللي تسأل عن توفر كل الاشياء الحلوة فيها فهذي ابدا ابدا ابدا غير موجوده في امريكا ههههههههههه ,,, يعني عمرها ما تجتمع في ولاية وحده ان الطبيعة تكون حلوة والاجواء حلوه والاسعار حلوه واجواء الدراسة حلوه والامان اخر حلاوه ,,, يعني لازم تتنازل عن اشياء مقابل اشياء ,, بالنسبة للأجواء الحلوة لو تقسم خارطة امريكا بالعرض لنصفين شمالي وجنوبي ,, الشمال غالبا بارد والجنوب حار ,, وبالنسبة للغلاء القاعدة العامة لو تقسم خارطة امريكا بالطول لثلاثة اقسام شرق وغرب ووسط ,, بيكون الشرق والغرب غاليين ,, والوسط بيكون رخيص ,, طبعا الكلام هذا (عااااااام ) ,, بس انت لازم تغير طريقة بحثك وتحدد المدن اللي تبغاها ,, والشيخ قوقل بيعطيك كل الاجابات من ناحية الامان والاعراق اللي تعيش في البلد وطبيعة الحياة فيها ,,, وانا شخصيا ارشح لك كم مكان بحكم انك تبغى مكان فيه اشياء حلوه ومايكون غالي مره ,, اورلاندو في فلوريدا ,, دنفر في كولورادو ,, وولاية اوريقون ,, وكاليفورنيا فيها كم مدينة ماهي غالية مره ,,

بالنسبة للتوفل ,,, التقديم على قبول مشروط مو لازم انك تكون مختبر التوفل ,, لأنك لو كنت مختبر التوفل وجايب الدرجة المطلوبه بيجيك قبول غير مشروط ومايحتاج تقدم على مشروط هههههههههه ,, يعني انت تقدم عليهم وهم بيقبلونك بشرط انك تجيب درجة معينة في التوفل او اي اختبار ثاني يطلبونه ,, وفيه جامعات تطلب التوفل او انك تتخرج من معهد اللغة اللي تابع لهم ,,

بالنسبة لاختبارات الجيمات والجي ار اي الله يمتحن اللي اخترعها وابلشنا فيها ,, الاختبارات هذي تكون مطلوبه في تخصصات معينه للماستر والدكتوراه ,, ولا اعتقد انها مطلوبه في تخصصك ,, بس لازم تتأكد من شروط القبول في الجامعة اللي بتقدم عليها ,, اذا ما كانت موجوده احمد ربك وبوس يدك وش و قفا ,, واذا كانت مطلوبه فاحمد ربك برضه على قضاءه وقدره واحتسب الاجر هههههههه ,, هذي اختبارات يكون فيها رياضيات وجبر وهندسة ولغة ولازم تحضر لها زين ,,

بالنسبة لشهادة الثانوية تطلب للي بيقدمون على البكالوريوس اما الماستر ما تطلب منهم ,, بس دامك شفتها في موقع الجامعة ما اقدر افتيك ,, ارجع وتأكد من الموقع انها شروط للماستر << احس فيه شي غلط ,,

وأي سؤال لا يردك الا كيبوردك

الاخ ماجد الله يعطيه العافيه وفي و كفي .

بس فيه نقطه من ناحية العنصريه في الجنوب ، صراحه انا عشت قبل عدة سنوات في ولاية المسيسيبي ( طبعا قبل احداث سبتمبر) و كان فيه عنصريه فقط ضد السود و ليس ضد العرب ؛

و الآن انا اعيش في تكساس و لا لاحظت ابدا اي عنصريه ضد احد بما فيهم السود ، انا اسمع عن العنصريه في الجنوب لكني لم الاحظها ابدا .

اختبار GMAT اذا حتتخصص Business اي شي في ادارة الاعمال

GRE التخصصات المتعلقه بالحاسب اكثر...

اما بالنسبة لشهادة الثانوي اجراء روتيني انها بتنحط في الابلكيشين لان الجامعات مابتطلبها..


بالتوفيق