استفسار كيفية طلب مكافأة التميز!

والله انا ما عندي فكرة عن قائمة العميد اللي تتكلم عنها
بس اللي اعرفه انه عشان تتحصل على مكافأة التميز

ترفع طلب بصرفها في نهاية السيمستر
بشرط انه يكون معدلك 3 من 4 للبكالوريوس و 3.5 للماستر والدكتوراه
فيه اشخاص ذكروا انه لازم تتم 12 ساعة في السيمستر الواحد
وترفق السجل الاكاديمي اللي يثبت درجاتك فقط

في حال انه طلبك رفض بدون تقديم سبب رفض لك يحق لك التقدم بشكوى عبر البوابة الالكترونية
او الله يعينك تضطر انك تبلش الملحقية اتصالات وتكلم مدير منطقتك الاقليمية تستفسر منه عن هالشيء


الله يوفقك وييسر لك الرزق الحلال

حياك الله أخي العزيز

التقديم بكل تأكيد عن طريق البوابه وعن طريق اختيار مكافأة تميز لكن سبب الرفض من قبل الملحقية لأنك من الممكن لم تستوفي الساعات المطلوبه في السمستر. من شروط الحصول عل مكافأة التميز أن يجتاز طالب الدراسات العليا 12 ساعه في الترم وللبكالوريوس 15 ساعه وغير ذلك لايتم منحك مكافأة التميز.

الملحقيه وضحوا لك خيار آخر للحصول عل هذه المكافأة وهو ان تكون ضمن قائمة العميد في جامعتك بشرط أيضا أن يكون معدل الساعات كما ذكرت أعلاه. قائمة العميد تشترط أن يكون لديك إختراع وغير ذلك من الشروط التي لا تحضرني الآن وأتمنى من الإخوان ذكرها لكن ليس بالسهوله إدراج إسمك في قائمه العميد.

تحياتي اخي العزيز

ايش مبرررات رفض الطلب الثاني الي رفعته؟

أخواني الكرام شكراً على ردكم

أنا بكالوريوس ونزلت 15 ساعة السمستر اللي راح ومعدلي 3.86 من 4 وارفقت لهم السجل الاكاديمي

لما رفعت طلب مكافأة رفضوا والسبب ارفع قائمة العميد
ولما رفعت قائمة العميد رفضوا والسبب ارفع مكافأة تميز

فما أدري وش المشكلة معهم

رفعك الطلب الثاني صح. من الخدمات المالية - تختار طلب تعويض وفي البدلات بتلاقي قائمة العميد. ارفع الطلب مرة اخرى وان شاء الله يمشونه. وفي نفس الوقت ارسل ايميل الى مشرفتك/مشرفك قله/ها انك كلمت تقنية المعلومات والمالية وقالوا لك ان هذا الطلب هو الصحيح الي هي سبق ورفضته.

رفض الطلب
السبب أرفق السجل الاكاديمي وخطاب من الجامعة يوضح أنك حصلت على معدل عالي!!!

"

Dean's list reward is under reimbursements. BUT please make sure to attach your deans list letter and your official transcript.

يتحججون لرفض الطلب وكأنها من جيوبهم المشكلة السجل الاكاديمي يوضح معدلي فما لها حاجة أرفض خطاب من الجامعة
عجبي!!

هل ارفقت كشف درجات مطبوع من الموقع وليس اصلي من الجامعة؟

يا ريت احد يوضح لنا كيف الدرسات العليا 12 ساعه في الفصل .. 9 ساعات و الواحد يالله يلحق .. وش هالشروط التعجيزيه ..

معدلي الفصل اللي راح 4 من 4 ماجستير و ماخذه 10 ساعات .. و ما فيه مكافأه خير ان شاءالله ..

أنا نفس مشكلتك أختي العزيزه نزلت 10ساعات وانا طالب دكتوراه وحصلت تقدير ممتاز في نفس السمستر وقالوا لابد ان يكون عدد الساعات 12 ساعه. قلت يا جامعه ما تبقى إلا ساعتين أعفونا منها قالوا النظام واضح ولا نقدر نتجاوزه !!!!!!!! قلت يا لبى النظام والله ولبى اللي يطبقونه.

بصراحه أحرجوني يوم قالوا النظام واضح ومن الصعب تجاوزه.

ربي يعوضنا بالجنه بس