استفسار غشيم ويبي النصيحه

January 25th, 2012, 05:06 PM

مساكم الله بالخير او صبحكم الله بالخير كلن حسب مكانه

عندي استفسارات ياجماعه اتمنى القى لها اجوبه :

انا استقلت من وظيفتي والنيه انشالله اكمل هندسه ميكانيكيه على الدبلوم اللي عندي اخوكم سعودي خريج كليه الدراسات التكنولوجيه بالكويت تخصص ميكانيكا انتاج
وطبعا بعت ماوراي ودوني عشان اقدر اوفرلي مبلغ للدراسه ونسأل الله التوفيق انشاء الله

اسألتي :
1- تكاليف الجامعات تختلف بشكل كبير بين جامعه والثانيه والا فروق بسيطه لا تذكر.
2- تكاليف المعيشه والسكن طبعا حسب ماسمعت وقريت ان بنسيلفينيا تعتبر معقوله.
3- السكن يفضل بالجامعه او شقه والسبب.
4- هل في معادله للدبلوم اللي عندي والا ابدا من اول ولو نفرض فيه معادله تنصح اني اعادل او ابدا من اول.
5- هل يوجد اتحاد طلبه او نادي للطلبه السعوديين باغلب الولايات لو احتجت شي اقدر ارجعلهم خصوصا اول سنه.
6- بخصوص اول يوم وصولي امريكا لازم اكون منسق مع احد يستقبلني بالمطار والا عادي ادربي راسي مع العالم وتمشي اموري.
7- اول الخطوات اللي اسويها عشان ابدي الدراسه يكون تسجيل بالجامعه والا توفل والا ايش بالضبط.
8- بالنسبه لكورس اللغه اللي يكون مع عائله او مع روميت او غيره هذا يكون تنسيقه من قبلي او من قبل الجامعه.


واسف على الاطاله يا اخوان اخوكم والله غشيم مايعرف شي قريت بالنت وقريت مواقع اجنبيه ولقطت معلومه من هنا ومن هنا وللحين حايس
وعارفين الخوف له بالقلب جانب يخلي الواحد مايفكر مرات.

وشكرا مقدما

• نشر عبر تويتر
• نشر عبر فيسبوك
• نشر عبر جوجل