مساعدة أتوظف ولا أبتعث؟

السلام عليكم ورحمة الله وبركاته

أخوي نواف بناءا على موضوعك السابق وما يحتويه من إستفسارات فمن وجهة نظري المتواضعه
فهذا يعتمد على ذاتيتك من ناحية طموحاتك - ميولك ما بين الدراسه أو الوظيفه - هل تستطيع إكمال الدراسه ؟؟؟
أخوي العزيز أعلم أنك في حيرة مابين اختيارك للوظيفه أو الدراسه ولكن اللي أقدر أقوله ( سجدتين لوجه الله تعالى ومن ثم الاستخاره )
وإنشاء الله حتلاقي ما هوه خير لك بإذن الله

عليكم السلام
كلاهما ممتاز

بعثة الماجستير في دراسة القانون شيء ممتاز
راتب الوظيفة مغري كأول مربوط

والاختيار صعب

اتكلم عن نفسي انا شخصيا
سوف اقبل بالبعثة لتحضير الماجستير
ورزقي علي من خلقني وليس علي المخلوق وهو مكتوب لي قبل ان اخلق ..............

ومن كلامي ليس تشجيعك علي ترك الوظيفة والقرار بيدك انت وحدك.................

انا مثلك قبل ابتعاثي . انقبلت بسابك , وكان دوامي باقي له اسبوع ويبدا دراستي ع سابك , استخرت ورحت للبعثه والحمدالله باقي لي شي قليل واتخرج .

انا انصحك بالاستخاره , لانها مفقيده وتعطي ناتج , وربي سبحانه ماراح يضيعك , وبعد الاستخاره , اسئل والدينك


وربي يوفقك

من وجهــة نظــري أذا كــانت حالتك المادية صعبــة ، توظـف وأدرس لـ لغـة

في السعــودية وأذا أخــذت التــوفل جيب قبــول جــامعة وقــدم على مرجعــك

أجــازة استثنــائية وأطــلع كمــل دراستـــك!

سبحـــــان الله وبحمــــــده سبحـــــان الله العظيـــــــم

من خبرتي المتواضعه واللي أنا مريت فيها بمثل وضعم تماماً..توظفت في أرامكو وفي نفس الوقت أنقبلت في بعثة...والحمد لله كان قرار توظيفي في محله والسبب أن البلد الان مليان خريجين والوضع كل ماله يتأزم...مثال..واحد من أخوياي راح بريطانيا وتخرج وكمل ماجستير وجا يتوظف وللأسف له ستة شهور مو محصل وظيفة براتب أكثر من 7000 ريال!! طبعاً سابك وأرامكو ماجاه عرض فيهم كثير...ركز معي..أنت تبي مجال مهني يعني تبي تتوظف وعندك طموح مهني أو تبغى تصير أكاديمي؟ لأن الماجستير في المجال المهني لاتفرق كثيراً وخذها مني أنا لأني كنت أكمل ماجستير MBA وكلمت مستشار لدينا في شؤون الموظفين وقال بالحرف الواحد: الماجستير هي تطوير ذاتي بحت لايعني للشركة أي شي الا في حالة كانت مرتبطة مع خبرات في نفس المجال..يعني أنك تاخذ ماجستير بعد البكالوريوس وتجي تقدم وتطلب راتب أو منصب أعلى لايمكن أبداً والسبب أنك أعتمدت تماماً على الجانب النظري في الموضوع دون التطق للجانب المهني أو العلمي وهو الأهم..أما لو كانت الماجستير بعد فترة عمل لاتقل عن 5 سنوات عندها راح تتغير الأمور والسبب يعود للخبرة العملية..وكثير من الجامعات الأمريكية أصلاً تعفيك عن أختبارات القبول مثل GRE or GMAT والسبب أن الجانب العملي دائماً يقوم بتوسيع مدارك الشخص وطريقة تحليله للأمور بأكثر واقعية..في حالة قبولك للوظيفة..عندها تستطيع أن تقوم بطلب أجازة أستئنائية أو أن تكمل الماجستير عن بعد..وكثير من الجامعات في أمريكا ومعترف بها بل الكثير منها في قائمة أفضل 100 جامعة عالمياً وتقوم بتقديم دراسات عليا عن بعد ولايكتب على الشهادة أي تفريق بينها وبين الطالب المنتطم..يعني وأنت جالس في بيتكم هناك تكمل ماجستير وعادة تكاليف الدراسة تتراوح بين 20 ألف الى 40 ألف دولار لمدة سنتين...أتمنى أني أفدتك ياغالي مع التحليل اللي لك عليه لأني أكتب وأنا نايم والله يوفقك...أبوبتال...

ممكن اوافقك بكلامك في حالة كان تخصصي هندسي لكن انا تخصصي القانون ووظائف القانون تدرج ومستحيل اترقى الا اذا كان عندي خبرة فوق ال10 سنين طبعا اذا كان معي بكالوريوس

أنا اطلعت على اغلب العروض الوظيفية المقدمة لخريجي القانون لاحظ معاي:

مطلوب باحث قاوني : خريج بكالوريوس قانون يفضل خبرة أو ماجستير قانون
مطلوب باحث قانوني مساعد : خريج قانون حديث
مطلوب مستشار قانوني : بكالوريوس قانون وخبرة "10" سنين --أو-- ماجستير +خبرة 5 سنين

اغلب الوظائف القانونية كان كذا عروضها سواء كانت حكومية أو خاصة
الماجستير رح يختصرلي 5 سنين خبرة بالاظافة أن ترقيتي رح تكون اسرع

وانا استشرت دكاترة جامعة ومستشارين في الموارد البشرية ومحامين كبار وحثوني على اكمال الدراسة وعدم تفويت فرصة الابتعاث لما فيها من فوائد بالاظافة الى تقوية اللغة

البعثه فرصة عمر ,, الوظائف تروح وتجي .. و لك الخيار
لو كنت مكانك بدون ما اشاور بختار البعثه دراسة وماستر و لغة و تعرف ع ثقافات ومن ثم ترجع و ان شاء الله رزقك يجيك
حتى لو جلست فترة .. و فايدة بعد انك تقدر تكمل دكتوراه مستقبلا

اما وظيفة و 9 الاف و روتين حياة يومي و بعدين !!

استخير ربك و الله يقدم مافيه الخير

نعم طموحاتك ؟


كم تتمني يكون دخل الشهري ؟

لو ماعندك خبرة توظف
شهادات بدون خبرات راح تجلس بالبيت وتتمنى هالوظيفة بعدين ولا تلاقيها
تحياتي