حوار للي درسوا في معهد els ياليت تعطوني انطباعكم عنه

تكفون رد يا جماعة الخير

بأمانه ما انصح فيه الا للناس اللي لغتهم اصلا ممتاااازه, يعني يطقطقون فيه شوي لين ما يلقون قبول جامعه لأنه ما راح يضيف لهم شي!!! الحسنه الوحيده اللي فيه ان ليفل 12 ممكن يغنيك عن التوفل في بعض الجامعات (بعض وليس الكل!!!!)
أنا أرى ان المعاهد الأكاديميه أفضل , مدة الكورس شهرين الى 4 شهور وتدريسهم ممتاز لأن هدفهم اعداد الطالب للجامعه, اما اي ال اس يجرون بالطالب جري كل كورس مدته شهر او اقل لأن الأسبوع الرابع اختبارات ومستوى المدرسين مو ذاك الزود, بس بعذرهم يبي لك مدرس "سوبر عبقري" عشان يساعدك تتعلم في ها المده القصيره!!! ناهيك عن الدور اللي انت لازم تبذله عشان تستفيد , الدراسه من 8-3 وبتجد نفسك تجري في حلقه مفرغه مجرد تاكل وتنام وترجع لهم اليوم الثاني وتتنقل بين حصص اغلبها عديمة الفايده!!! وعلى هالمنوال تروح المعهد وترجع تحل الواجبااااات ووقت المذاكره معدوم تقريبا.

** يوم تروح الجامعه محد بيرحمك, فنصيحتي لكل الطلاب أعدوا أنفسكم زييييين في الانجليزي وفي كل العلوم اللي مرتبطه بتخصصك , ومع هذا كله راح تتعب بس مو زي اللي ما اعد نفسه, اكيد الأمور بتكون بالنسبه له أفضل ان شاء الله , دعواتي لجميع مبتعثينا بكل التوفييييق ودعواتكم.

بتقدر تدخل موقع سعوديون في أمريكا وبتلاقيهم عاملين استبيان كبير عن هالمعهد وبتشوف النتائج بنفسك
تحياتي لك

وجدت هذا الموضوع يمكن يفيدك

http://www.mbt3th.us/vb/forum8/thread327384.html

معهد ممتاز وشغل احترافي
للي يبي يدرس صح ويتأسس ويتعلم نصيحه يدخل ELS
صح انه ضغط واختبارات وواجبات بس كلها فائده لك
وبعد المستوى التاسع تقدر تدخل اي جامعه بدون أيلتس ولا توفل

ما اصادر راي احد بس كل انسان وظروفه, من واقع مشاهدتي الناس اللي بدأوا ب ليفل 1 او 2 ما قدروا يعدون اختبار ليفل 9 وقعدوا يعيدون لين 5 مرات وبعدين قالوا لهم اطلعوا من المعهد النظام ما يسمح تقعدون!!!! طبعا هم مهم خسرانين شي , شفطوا الظمان المالي اللي عندهم لاخر رشفه!! ما ادري بس انا من الناس اللي ما عندهم قدرات خاااااارقه تعبت فيه مع اني بدأت من ليفل 6 حسييييت باحباط شديد من مستوى التدريس يمكن الفرع حقي كان سيء جدا. بس انا اقصد ان المبتعث مو مضطر ينفع ELS ويضر نفسه!! وارجع اعيد واقول فترة اللغه جدا مهمه وعلى اساسها يا ان الواحد يكمل بشكل جيد او يرجع! واكيد ما حد وده بها الشي.