اللي يبغى مساعدة في التسجيل بمعهد جامعة اريزونا

اخوي احصل في الجامعه تخصص طب الطوارى قبول مشروط .. ياليت يالغالي تسال .. اذا مافيه اي تعب وحراج

أخوي كنت أحبك

ياجعلك ترجع تحبها مرة ثانية قل آمين

أنا أدرس الحين هندسة صناعية في جامعة الملك سعود

أنهيت أكثر من 100 ساعة والتخصص فيه 162 ساعة لازم أخلصها عشان التخرج

أنا أبي أكمل دراستي في جامعة أريزونا

هل ممكن يعادلون لي المواد اللي درستها . . مو ضروري كلها يعني لو ماعادلوا 15 أو 20 ساعة ماعندي مشكلة

وهل إذا بيعادلونها ممكن آخذ منهم قبول مشروط وأكمل المطلوب في اللغة

علمآ أن لغتي جيدة جدآ

وكليتنا معتمدة من الآبت وأكثر من منظمة تختص بالمعايير
يعني وضع الكلية جيد

والله يا أنت بتفرج علي هم كبير لو جاوبتني يالغالي

هلا فيك يالغالي

بالنسبة لمعادلة الساعات هذي تعتمد على المشرف حقك
فيه شباب اعرفهم متخرجين من كلية الجبيل الصناعية وقدموا بالترانسكربت حقها
ولما قابلوا الادفايزر قبل بداية الدراسة جلس معهم وشاف الترانسكربت حقهم وعادل لهم ساعات كثير
واحد منهم حطوه الآن ثالث سنة في الجامعة لانه كثير مواد تعادلت له
وانت هالشئ يعتمد على مشرفك وجلوسك معه وتبين له انك فاهم المواد هذي وايش اخذت فيها
بالنسبة للقبول المشروط يعطوك قبول لين تنهي اللغة بس فيه شئ آخر تخصص الهندسة الصناعية هو التخصص الوحيد الموقوف في جامعه اريزونا للاسف
هذا اللي اقدر فيدك يالغالي
بالتوفيق

الله يوفقك اخوي تعبتك والله
لكن اولى وثاني مو مترجمة عندي ؟
كيف احولها انجليزي .. اما ثالث عربي وانجليزي واتوقع عادي
اذا تعرف كم ياخذ وقت المعهد والجامعة في القبول

الشهادات ترجمتة بسيطة جداً
تقدر تروح لأدارة التعليم اذا عندكم في مدينتك وتسأل عن قسم الترجمة وهم يترجموها لك
بس لازم تأخذ معك الجواز او صورة منه
او تروح لأي مكتب ترجمة معتمد وتترجمها عندة وبعدين تصدقها من أدارة التعليم

المعهد قبولة من اسبوعين الى ٣ اسابيع
اما الجامعه مالهم وقت محدد بس تقريباً أقصى شئ شهرين
واغلب الاوقات من اكتمال الأوراق ياخذ الطلب اسبوعين الى ٤ اسابيع ويجي الرد بالقبول او الرفض

بالتوفيق

الله يجزاك خير يالغالي

بس إستفسار أخير

وش رأيك في فكرة أني أكمل البكالوريوس في جامعة أمريكية

لأني ناوي أكمل ماستر بعد التخرج إن شاء الله في أمريكا

وقلت أروح من الحين وأخلص بكالوريوس وبعدها أدري ماستر

لأني صراحة تعبت من كلية الهندسة وجامعة الملك سعود كلها. . نظام تعليم سيء جدآآآآآآآآآآآآآآآآآآآآآآآآ

وبعدين سمعت أنهم مايعادلون الا المواد اللي أخذت فيها تقدير C أو أكثر

لأن فيه عندي تقريبآ 30 ساعة ماخذ فيها معدل D أو D+

هل المواد اللي أخذت فيها D أو D+ مستحيل يعادلونها
ولا بعض الجامعات تعادل وبعضها لأ

والله يوفقك في جامعتك ودراستك

هاي اخي انا من المغرب بغيت نقدم لهاد اليونيفيرسيتي ، ڭولي المصاريف و كيفاش نتسجل فيها پليز

ابك اسمعي وانا اخووتس , انا ماعرف نظاامكم في المغرب كيف تقدمون ومين يتكفل بالمصاريف وهل فيه مرافق او لا .. بس هذي الرابطين مهمه جدا لك ولباقي الاعضاء :


http://www.mbt3th.us/vb/forum14/thread374471.html


http://www.mbt3th.us/vb/forum8/thread373437.html




وتنبيه للاعضاء ارجووكم ترا والله ماعرف طريقة التسجيل في الجامعه نفسها , انا اتكلم عن معهد AECP التابع للجامعه

تحياتي

يالغالي
انا انصحك تكمل في السعودية
وخصوصاً انك قطعت مشوار مو بسيط في الدراسة
غير كذا الماستر هنا يبي درجة كويسة في البكالوريوس
ولو نقلت هنا ممكن تختلف عليك الاوضاع ومع اللغه ماتجيب معدل زين
عشان كذا كمل في السعودية وشد حيلك حاول تجيب معدل كويس عشان قبول الماستر
واذا عندك كثير مواد نازل المعدل فيها هذي بتضرك وقت القبول في الماستر ماراح تلقى جامعه قوية تقبلك
عموماً عندك خيارين ياتحاول تنقل لجامعة وتكمل بكالوريوس هنا ويعادلوا لك بعض المواد اللي درستها
او تشد حيلك وتحاول ترفع معدلك عشان تلقى قبول ماستر بسهولة وماتتبع وانت تدور جامعة

بالتوفيق

مشكور اخور على النصيحة
واستلمت المعلوووووومة
الله يجزاك عني كل الخير

- - - مشاركة محدثة - - -

مشكور اخور على النصيحة
واستلمت المعلوووووومة
الله يجزاك عني كل الخير